Matioo̱ 2:13 - Xo̱jo̱n eén Néná

¹³ Kó ngije kijí já kjínkoón, ngo ndítsjiee̱ Néná jeꞌechji̱a̱jo ngi̱jin ńjñaá Kosiee̱, kó bi̱ katsoó: –Ti̱sítji̱n ji, kó ti̱yíje̱ ndií ko̱jo na̱aa̱n, kó tangínjnú nangi Ejipto̱, sꞌe̱ ki̱a̱ ti̱ndyiónjnú ngaskande nga an xi bo̱a̱ xian án, ngatꞌa̱ Erondee̱ ko̱ngase ndií tsi̱ꞌe̱ nga sa̱ꞌínkꞌién.

Matioo̱ 2:13 ပူးပေါင်းရင်းမြစ်များ

Joo̱b 33:15

tjín ni̱xtjin nga Néná ngi̱jin ńjñáná chji̱a̱joná, kjiꞌanga tjèn ndyi̱tsjayojofé,

Joo̱b 33:17

tsi̱ꞌe̱ nga ngiti̱ si̱ꞌán jàn ñá ni xi ndajín, ko̱jo nga ngiti̱ nkꞌakonjín ka̱má,

Éksondo̱ 1:22

nda̱ ree̱ nangi Ejipto̱, bi̱ katsoó nga atíxomaa̱ ngayeje xota̱ na̱xi̱ńdaá: «¡Ngayeje ndí xí xi̱ꞌin xi stse̱én ínchjín Israee̱l, ngi̱jin ndáfoaa̱ tjajmijinjnú, kó ki̱a̱ ngatjisón ngándá, ta̱nga ndí xí ínchjiín, ngata̱ jmí ni niꞌánjo̱jínjnú!»

Matioo̱ 1:20

Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

Matioo̱ 10:23

Kó kjiꞌanga ku̱i̱yotjíngíjnú ngo na̱xi̱ńdá, xín ti̱yójnú, ngatꞌa̱ ja̱koxi̱ ni xi xiánjnúꞌun nga nde kji̱e̱ mongínyejejínjnú nangi Israee̱l nga kjo̱e̱ꞌe ndií nda̱ xi̱ꞌii̱n.

Matioo̱ 2:12

Kó ngi̱jin ńjñaá kui jaá kiꞌmíyaà nga ngiti̱ ki̱a̱jín ko̱e̱je̱ nínga tikón nda̱ re Erondee̱, kósꞌe̱ kje̱ꞌe ndi̱yà kijí nga kijí nginí nangii̱.

Matioo̱ 2:14

Kó jastjíe̱n Kosiee̱, iskjíbé ndií ko̱jo na̱aa̱n, kó nga jñoó kijíjo̱ nangi Ejipto̱,

Matioo̱ 2:16

Kósꞌe̱ nga kamákjiín Erondee̱ nga tsꞌenṉcha̱jo já kjínkoón, achichí katsꞌénxchán, kó katsangiya tsi̱ꞌe̱ nga kiniꞌánkꞌién ngayeje jákjíndí xíꞌín xi ngindiee̱ nga jó noó, xi síndo ndí na̱xi̱ńdáꞌniú Belee̱n ko̱jo ngayeje ndí nangi xi síndotꞌa kui ngi̱ndiee̱, ngatꞌa̱ askosoón ni̱xtjin xikó katsoó kui já kjínkoón.

Matioo̱ 2:22

Ta̱nga nga tsintꞌié Kosiee̱ nga ndií Erondee̱ xi ꞌmí Arkelao̱ tikón ree̱ nangi Jundea̱, katsakjónní nga ki̱a̱ ko̱e̱je̱, kó ngije ja̱bo̱a̱ je katsóyaà Néná ngi̱jin ńjñaá, ta̱sá nangi Ngalilea̱ kijí.

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Ni xi kamá 10:7

Kó ngije kijí kui ndítsjie xi tsíchji̱a̱jo Korniee̱, tsíchji̱a̱a̱ jó já mosoo̱ tsi̱ꞌe̱ nga sa̱ꞌínseén, ko̱jo ngo nda̱jun xi kamábendikón ton ton Néná,

Ni xi kamá 12:11

Kósꞌe̱ Peé kamákjiín, kó bi̱ katsó: –Ngotꞌe̱ ꞌne̱ nga ja̱koxi̱ nga be an nga Néná katsangiya ndítsjiee̱, tsi̱ꞌe̱ nga kꞌo̱xiéꞌána ngi̱ya tsja Erondee̱, ko̱jo ngayeje ni xi mejeén sa̱ꞌínjo̱na xota̱ jundíoo̱.

Ni xi kamá 12:7

Kó ta̱niján má jachókoón ngo ndítsjiee̱ Néná, kó ngi̱ya ndo̱bo̱a̱ya̱à ngo ndiꞌí katsꞌéntsijen yeje, kó kui ndítsjiee̱ katsꞌénjo̱ ngindie ni̱se̱e̱n Peé, katsꞌénkjaꞌaá, sꞌe̱ bi̱ katsoó: –¡Tsá ti̱sítji̱n! Kó tji̱e̱nmá ixóngí ńꞌniúki̱cha̱ xi tjitáꞌniúní tsja Peé.

Ni xi kamá 16:36

Kó nda̱jun xi konda ndo̱bo̱a̱ya̱à, bi̱ katsoó Pabloo̱: –Já ne ndo̱bo̱a̱xa̱á je katsjána kjo̱a̱ nga kꞌoxiéjnúꞌun, kó jè ka̱ma xió kongínjnú.

Ni xi kamá 5:19

Ta̱nga ngo ndítsjiee̱ Néná iskjíxꞌá nga̱ntjo̱a̱ ndo̱bo̱a̱ya̱à nga jñoó, sꞌe̱ índondé, kó bi̱ katsoó:

Ni xi kamá 7:19

Kui nda̱ ree̱ achichí maña̱ kamá, kó ndajín katsꞌénjo̱ xota̱ tji̱e̱ xcháná, katsꞌeén kjo̱a̱ꞌniú tsi̱ꞌe̱ nga índomasien, tsi̱ꞌe̱ nga ko̱yà ndí xi̱xi̱i̱ xi sꞌe̱ katsee̱n, kó nga ngiti̱ ka̱makjínjín ngase.

Ni xi akakoo̱ 12:14

Kó kui naa̱ jó nga̱a̱ ja̱ xi ta̱nisién yiꞌi katseꞌeé, tsi̱ꞌe̱ nga kjo̱tji̱e̱n kje̱n kui ye̱e̱, nga ko̱e̱je̱ nínga tikón ngi̱ndiee̱ kui naa̱ ki̱a̱ nangi kixií, nínga ko̱e̱ꞌeé ni xi skji̱ni̱e̱ ján nó masien.

Ni xi akakoo̱ 12:4

kó ńtsꞌen kui cho̱o̱ iskjiféni ngo nga ján bo̱a̱ kjiꞌi xikó kjiꞌi ma ńño xi tjín ndiꞌakꞌajmii̱, kó ki̱a̱ atítsojo nga̱soón tꞌanangii̱, kó kui cho̱ tamá xí yito to̱koo̱, ki̱a̱ kasasien kje̱n nínga tikón kui na̱ xi je stse̱n ndií, tsi̱ꞌe̱ nga skji̱ni̱e̱ kui ndií ngije katsen.

Ni xi akakoo̱ 12:6

Kó kui naa̱ tsanga nínga tikón nangi kixií, nínga Néná íjñandaa̱ ngo ngi̱ndie tsi̱ꞌe̱ nga ki̱a̱ ko̱e̱ꞌeé ni xi skji̱ni̱e̱ ngo mi̱ jó úchán ichítié ko̱jo tie ni̱xtjin.