Matioo̱ 19:9 - Xo̱jo̱n eén Néná

⁹ Kó án xiyàjnúꞌun nga tsi ngo nda̱ ku̱i̱ꞌíjñá chjo̱ón, kó tsi kjo̱a̱a̱ nga kjo̱a̱tondo̱jín, kó tsi kje̱ꞌe chjo̱on ku̱i̱xanjo̱, tsꞌén bendikónjín kjo̱a̱bixaa̱n, kó kui nda̱ xi ku̱i̱xanjo̱ chjo̱on xí ikꞌíjñaá, ti̱ tsꞌén bendikónjín kjo̱a̱bixaa̱n nga.

Matioo̱ 19:9 ပူးပေါင်းရင်းမြစ်များ

Jenesii̱s 20:3

Ngo ni̱xtji̱e̱n, Néná tsíchji̱a̱jo ngi̱jin ńjñaá Abimelee̱k, kó bi̱ katsoó: —Ko̱yè jí ki, ngatꞌa̱ ngo na̱ xi je tjiín xi̱ꞌin mejeén si̱ꞌin ji chjóo̱n.

Matioo̱ 19:10

Sꞌe̱ xota̱ tsi̱ꞌe̱ Kjisoo̱, bi̱ katsó: –Tsi kui nii̱ maa̱ ngo nda̱ xi ku̱i̱xanjo̱ chjo̱ón, ja̱ ta̱sá ndakjiꞌi tsi ku̱i̱xánjín.

Matioo̱ 19:8

Sꞌe̱ Kjisoo̱, bi̱ katsó: –Ta̱ngatꞌanii̱ nga tá tajá ini̱ma̱jnú kuíni nga Moisee̱ katsjandiè, tsi̱ꞌe̱ nga ka̱ma kꞌuijñá xi chjo̱ón, ta̱nga ndeskande koó nga ítsꞌi̱yanii̱ nga̱sondiee̱ jmí tsi bo̱a̱ kamá.

Matioo̱ 5:32

Ta̱nga an xiyàjnúꞌun nga ngo nda̱, ta̱ kjiꞌa tsí nga ka̱ma ku̱i̱ꞌíjñá chjo̱ón tsi kjo̱a̱a̱ kjo̱a̱tondo̱. Tsi ta̱xkiya ku̱i̱ꞌíjñá kjo̱a̱a̱ kje̱ꞌe ni ngase, tsꞌéntsjándièrií nga sku̱i̱e̱ndikónjín kjo̱a̱bixaa̱n. Kó tsi kui naa̱ ku̱i̱xan nginí, kui ko̱jo kui xi̱ꞌii̱n ndyi̱bendikónjín kjo̱a̱bixaa̱n.

Rkaa̱ 16:18

Ta̱ ꞌyání xi ku̱i̱ꞌíjñá chjo̱ón, kó tsi kje̱ꞌe chjo̱on ku̱i̱xanjo̱, tsꞌén bendikónjín kjo̱a̱bixaa̱n, kó xi ku̱i̱xanjo̱ chjo̱on xí je ikꞌíjñaá, ti̱ tsꞌén bendikónjín kjo̱a̱bixaa̱n kui nga.

1 Xota̱ Korinto̱ 5:1

Ja̱koxi̱ nga ta̱jñàní ndaꞌyá nga tjín kjo̱a̱tondo̱ ngi̱jinjnú, ngatꞌa̱ ngo nda̱ tikónjinjnú xi na̱anjoón tikónjo̱. ¡Ngaskande xota̱ xi bejín Néná tsꞌénjín kui nii̱!

1 Xota̱ Korinto̱ 7:39

Chjo̱ón xi je ixaán tji̱e̱nga tikón xi̱ꞌii̱n, chjiénjín nga ku̱i̱ꞌíjñá, ta̱nga tsi ko̱yà xi̱ꞌii̱n, kui chjo̱ón ka̱ma ku̱i̱xanjo̱ kje̱ꞌe xíꞌín xi mejeén, ta̱nga chjiéngá nga xota̱ xi sꞌijii̱n Néná xí ku̱i̱xanjo̱.

1 Xota̱ Korinto̱ 7:4

Ngatꞌa̱ xi chjo̱ón ngiti̱ kuijín xi botixómá soboaá yojoo̱, xi̱ꞌii̱n xí botixómaá, kó xi xi̱ꞌii̱n ngiti̱ kuijín xi botixómá soboaá yojoo̱, chjo̱ón xí botixómaá.