Matioo̱ 19:29 - Xo̱jo̱n eén Néná

²⁹ Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 19:29 ပူးပေါင်းရင်းမြစ်များ

Eklesiastee̱ 3:6

Ni̱xtjin nga ka̱ma ku̱i̱ndyi̱sé, ko̱jo ni̱xtjin nga ka̱ma si̱ꞌanchajà, ni̱xtjin nga ka̱ma chja̱ꞌátjó, ko̱jo ni̱xtjin nga ka̱ma ku̱i̱chíjmi.

Matioo̱ 10:22

Kó ngayeje xota̱ xi sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Matioo̱ 13:23

Ta̱nga kui xojmá xí ixó tꞌanangi xi ndaa̱, kuí xi̱ꞌbi̱ xi xikoó xota̱ xi ntꞌieé eén Néná, kó makjiín, kó kuí xí xikoó xojmá xí tsjá úchán, ichítié ko̱jo tie, ko̱jo kantié to nga ngo nga ngo.

Matioo̱ 13:8

Ta̱nga ingo tjín kuí xojmaá xi ixó tꞌanangi xi ndaa̱, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

Matioo̱ 16:25

Ngatꞌa̱ ngayeje xi mejeén kꞌo̱xiéꞌá kjo̱a̱mindyioo̱n, kuí xí ta̱sá ko̱yà, kó ngayeje xi ko̱yà ta̱ngatꞌanii̱ an, kuí boá xi sa̱ko̱ó kjo̱a̱mindyioo̱n.

Matioo̱ 19:16

Kó ngo nda̱ jachókoón Kjisoo̱, kó bi̱ katsoó nga asíyaá: –Ji Mostro̱, mí ni xi nda sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Matioo̱ 5:11

Achichíra̱ tsjajnú jún kjiꞌanga xotaa̱ chꞌo ka̱tso̱jnú, ko̱jo nga sa̱ꞌín ꞌbokiejnú, ko̱jo nga ta̱ngatꞌanii̱ an ko̱ngatji̱ngijnú nga sa̱ꞌínkjién ngayeje to̱ko̱ya ni xi ndajín nga ku̱i̱ꞌíndiso.

Matioo̱ 6:33

Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Rkaa̱ 14:26

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Rkaa̱ 5:11

Kó ngije kijíjo̱ tjotso jee̱ tꞌa ndaá, ki̱a̱ íjñámasien ngayeje ni xi ndyi̱yaꞌa, kósꞌe̱ kijítji̱ngii̱ Kjisoo̱.

Rkaa̱ 6:22

Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Juaa̱ 15:19

Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.

Juaa̱ 4:36

Kó nda̱ xi kꞌo̱je̱n kui ni xi kamáxchaá, sa̱ko̱ó chjií, kó kjo̱a̱ꞌáꞌyá ni xi kamáxchá kui xi tsjá kjo̱a̱mindyion ngatsjéni̱xtjii̱n, tsi̱ꞌe̱ nga tsja ka̱maa̱ nda̱ xi ítji̱e̱, ko̱jo nda̱ xi jaꞌáꞌyá ni xi kamáxchaá.

Ni xi kamá 9:16

ngatꞌa̱ án xí kokòo̱ kókjiꞌi tsie kjo̱a̱ni̱ma̱ kjo̱a̱ꞌatio ta̱ngatꞌanii̱ jaꞌénna.

1 Xota̱ Korinto̱ 2:9

Ta̱nga bi̱ tsꞌén kjitꞌa xo̱jo̱n eén Néná: Ni xi nde ngojín xota̱ xi je kamábe, ti̱nde ngojín xota̱ xi je tsintꞌié, ti̱nde ngojín xota̱ xi je íjñajin ngi̱jin ini̱ma̱a̱, kuí ni xi je tikónndaa̱ Néná tsi̱ꞌe̱ xota̱ xi ndyi̱tsꞌèntjó Néná.

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

1 Xo̱jo̱o̱n Peé 4:14

Achichíra̱ tsjajnú tsi chꞌo tjíꞌmíjnú ta̱ngatꞌanii̱ nga Kristoo̱ timatji̱ngijnú, ngatꞌa̱ A̱si̱énni̱xtjii̱n Néná xí tjiín kjo̱a̱jee̱, ngatsjéni̱xtjin nga ki̱a̱ tikónjo̱jnú jún.

3 Xo̱jo̱o̱n Juaa̱ 1:7

Ngatꞌa̱ kui xotaa̱ ndyi̱fí ja̱kꞌi̱e̱ ja̱ngaján ngi̱ndie ta̱ngatꞌanii̱ nga ndyi̱ꞌbini̱jmì eén Jesukristoo̱, kó jmí nii̱ xota̱ xi sꞌijinjiín Néná katsꞌénjo̱ꞌojín.