Matioo̱ 19:21 - Xo̱jo̱n eén Néná

²¹ Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Matioo̱ 19:21 ပူးပေါင်းရင်းမြစ်များ

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Xo̱jo̱n Salmoo̱ 37:37

Nda nda má ti̱ꞌinkjé jí ko̱jo tsitsíjìi̱n xota̱ xi kixi̱i̱, ngatꞌa̱ achichí nda fetꞌani ni̱xtjii̱n kui nda̱ xi tjiín kjo̱a̱xioó,

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 19:20

Sꞌe̱ bi̱ katsó kui nda̱ xo̱ngo̱ò: –Ngayeje kui nii̱ je katsꞌenkjatjosón an ndeskande koó nga nda̱chí an. Mí ni xi chaja ngasena nga sa̱ꞌin an.

Matioo̱ 19:22

Ta̱nga nga tsintꞌié kuí nda̱ xo̱ngo̱ò kui eén, achichí ndasen kamaá nga kijí, ngatꞌa̱ achichí ni tjiín.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 4:19

Kó Kjisoo̱, bi̱ katsoó: –Ndibátjingijnúꞌun, kó án xí sa̱ꞌinjnúꞌun nga ta̱sá xota̱ xi kꞌuitíkójnú xikoó tsi tji̱o̱ xi ko̱ndo̱bo̱a̱jnú.

Matioo̱ 5:48

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Matioo̱ 8:22

Ta̱nga Kjisoo̱, bi̱ katsoó: –Ndibétji̱ngíní, kó te̱ꞌéndièe̱ nga xota̱ xi xikoó tsi je jesoón nga kui ko̱ónijín xota̱a̱ xi je jesoón.

Matioo̱ 9:9

Kó nga jaꞌa Kjisoo̱ kui ngi̱ndiee̱, kamábe ngo nda̱ xi ꞌmí Matio̱ xi tikóntꞌa yámíxa̱ nínga machjítjé nii̱, kó bi̱ katsoó: –Ndibétji̱ngíní. Kó Matioo̱ tji̱e̱nmá jastjíe̱n, kó kijítji̱ngii̱ Kjisoo̱.

Markoo̱ 10:21

Kósꞌe̱ Kjisoo̱ askotsijen ndá ndaá kui nda̱a̱, katsꞌéntjó, sꞌe̱ bi̱ katsoó: –Ta̱ ngo tsí ni xi chaja ngasee̱: Tꞌen, kó tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngije kachjábé jí króo̱.

Markoo̱ 2:14

Kó nga jaꞌa ki̱a̱a̱, kamábe nda̱ xi ꞌmí Lebii̱ kui xi ndií Alfeoo̱ nga tikóntꞌa yámíxa̱ nínga machjítjé nii̱, kó bi̱ katsoó: –Ndibétji̱ngíní. Kó Lebii̱ jastjíe̱n, kó kijítji̱ngii̱ Kjisoo̱.

Markoo̱ 8:34

Kósꞌe̱ Kjisoo̱ tsíchji̱a̱a̱ xota̱ tsi̱ꞌe̱, ko̱jo xota̱ kjiín, nga bi̱ katsoó: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 14:33

Bo̱a̱ tsꞌén, ta̱ꞌyaní jún xi tjónjín kꞌuijñámasienjnú ngayeje ni xi tjínjnú, ka̱májín xota̱na ka̱majnú.

Rkaa̱ 16:9

Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 5:27

Kó jaskan ngije kamá kui nii̱, Kjisoo̱ jataxie, kósꞌe̱ askotsijen ndá ndaá ngo nda̱ xi foaꞌáꞌyá to̱n xi machjítjé ni, Lebi̱ ꞌmí kui nda̱a̱, kó ki̱a̱ tikóntꞌa yámíxa̱ nínga machjítjé nii̱, kó Kjisoo̱, bi̱ katsoó: –Ndibétji̱ngíní.

Rkaa̱ 6:40

Nda̱ xi tjibókoyaá ꞌniújín ngase ka̱maa̱ ta̱bo̱a̱jínnii̱ mostroo̱, ta̱nga ngije akakoyaá kui nda̱a̱, bo̱a̱ ti̱ tsꞌén ka̱maa̱ xikoó kui mostroo̱.

Rkaa̱ 9:23

Kó bi̱ katsoó ngayeje xotaa̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱ ndyiojón ndyiojón, kósꞌe̱ ngatjandibátjingína.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Ni xi kamá 2:45

kó atíñá ni xi tjiín, sꞌe̱ to̱o̱n katsꞌénkabii̱ xotaa̱ xikótsꞌèn kamáchjieén nga ngo nga ngo.

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.