Matioo̱ 19:16 - Xo̱jo̱n eén Néná

¹⁶ Kó ngo nda̱ jachókoón Kjisoo̱, kó bi̱ katsoó nga asíyaá: –Ji Mostro̱, mí ni xi nda sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Matioo̱ 19:16 ပူးပေါင်းရင်းမြစ်များ

Matioo̱ 19:15

Kó Kjisoo̱ ngije íjñasoón tsja kui jákjíndií, jatjo kui ngi̱ndiee̱.

Matioo̱ 19:26

Kjisoo̱ askoꞌá kui jaá, sꞌe̱ bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Juaa̱ 10:28

kó an tsjàa̱ kjo̱a̱mindyion ngatsjéni̱xtjii̱n, kó nginijánjín ko̱yà, kó nde ngojín xi kjo̱a̱ꞌáxínna ngi̱ya ndsa̱ án.

Juaa̱ 12:25

Xi tjoó kjo̱a̱mindyioo̱n, sa̱ꞌínchaja, kó xi chꞌoo̱ kjo̱a̱mindyioo̱n xikótsꞌèn tikón kui nga̱sondiee̱, kuí boá xi ta̱sá tsꞌénfoaꞌátjó, kó kꞌuijñá ngatsjéni̱xtjii̱n.

Juaa̱ 3:15

tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Juaa̱ 6:47

Ja̱koxi̱, ja̱koxi̱ ni xi xiánjnúꞌun: Xi sa̱ꞌínsꞌijinna, sa̱ko̱ó kjo̱a̱mindyion ngatsjéni̱xtjii̱n.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Ni xi kamá 16:30

kó tsꞌaxié nga jó kui jaá ndo̱bo̱a̱ya̱à, kósꞌe̱ bi̱ katsó nga asíyaá: –Jún bo̱a̱ já, mí xí sa̱ꞌin an tsi̱ꞌe̱ nga kjo̱tjoꞌa an.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

1 Timoo̱ 6:12

Ti̱xkéntjé ji kjo̱a̱sꞌijinná, chjábé tsján tsján ji kui xi katsjáná kjo̱a̱mindyion ngatsjéni̱xtjii̱n, ngatꞌa̱ kuí xá tsíchji̱a̱nii̱ Néná, kuíni nga kiꞌmíyé ji nga sꞌijii̱n Jesukristoo̱ ngindyi̱ko̱n kjín xota̱ xi kamá chistiko̱.

1 Timoo̱ 6:19

Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Titoo̱ 3:7

Néná katsꞌénkixi̱ná kjo̱a̱a̱ kjo̱a̱ndaa̱, bo̱a̱ katsꞌén tsi̱ꞌe̱ nga kꞌuiéná ngo kjo̱a̱chiyá nga sa̱kóná kuí kjo̱a̱mindyion ngatsjéni̱xtjii̱n.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.