Matioo̱ 18:3 - Xo̱jo̱n eén Néná

³ kó bi̱ katsó: –Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná.

Matioo̱ 18:3 ပူးပေါင်းရင်းမြစ်များ

Xo̱jo̱n Salmoo̱ 131:2

Ta̱sá xió tikón an, tikón xió xió an, xikó má tsꞌén niꞌánkꞌíxió ngo ndí kjiꞌanga na̱aa̱n tsjaá chiki. ¡Achichí xió tikón an xikoó ngo ndí xí je katsꞌe ndáchíkí!

Matioo̱ 13:15

Ngatꞌa̱ ini̱ma̱a̱ kui xota̱ na̱xi̱ńdaá jè ta̱nisién tajá kamá, je kisichjá tji̱bo̱a̱nijon, kó je kisichjá ndyi̱ko̱n, tsi̱ꞌe̱ nga sku̱i̱e̱jín, ti̱nde ku̱i̱ntꞌièjín, tsi̱ꞌe̱ nga ka̱makjínjiín ini̱ma̱a̱, ti̱nde sa̱ꞌínkꞌoyàjín yojoo̱, ko̱jo tsi̱ꞌe̱ nga sa̱ꞌindayajín an.

Matioo̱ 18:2

Kó Kjisoo̱ ngo nda̱chí tsíchji̱a̱a̱ kó ngamasiee̱n kui jaá íjñá,

Matioo̱ 18:4

Ngatꞌa̱ ta̱ꞌya xota̱ní xi ni̱ma̱takón ka̱ma xikoó kui nda̱chií, kuí xi̱ꞌba̱ xi chjí ngasenii̱ ki̱a̱ ndiꞌakꞌajmi nínga botíxomaa̱ Néná.

Matioo̱ 19:14

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Matioo̱ 19:23

Kósꞌe̱ Kjisoo̱, bi̱ katsoó xota̱ tsi̱ꞌe̱: –Ja̱koxi̱ ni xi xian an nga achichí niꞌin kjiꞌi nga ngo nda̱ cho̱n kꞌo̱sꞌien ndiꞌakꞌajmi nínga botíxomaa̱ Néná.

Matioo̱ 5:18

Ngatꞌa̱ ja̱koxi̱ ni xi xiánjnúꞌun nga tji̱e̱nga tikón ndiꞌakꞌajmii̱ ko̱jo tꞌanangii̱, nde ngojín nii̱ kjo̱a̱kitii̱ xi xtjo̱ꞌóxiín ngaskande nga je jatjosón ngayejee̱.

Matioo̱ 5:20

Ngatꞌa̱ xiyàjnúꞌun nga tsi ku̱i̱tjátjónjínjnúu̱ já chji̱ni̱e̱kjo̱a̱kitii̱ ko̱jo xota̱ fariseoo̱ nga ni xi kixi̱ si̱ꞌánjnú ngindyi̱ko̱n Néná, jmíni̱xtjin ku̱i̱tjásꞌi̱e̱njnú nínga botixómá Néná.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Matioo̱ 6:5

Kó kjiꞌanga ko̱ndókjoée̱ Néná, ngata̱ bo̱a̱jín niꞌín ji xikó tsꞌén xota̱ xi jókje̱e̱n, ngatꞌa̱ achichí tjó maá nga chji̱a̱a̱ Néná, nga mindyiakixi̱ ki̱a̱ ndiꞌa nínga ndokjo̱a̱ eén Néná ko̱jo nijon ndi̱yàtié, tsi̱ꞌe̱ nga ngayeje xota̱ xi sku̱i̱e̱, ja̱koxi̱ ni xi xiánjnúꞌun nga kui xotaa̱, jè tjisákó yejee̱ ni xi tsoboaá nga sa̱ko̱ó.

Markoo̱ 4:12

tsi̱ꞌe̱ nga ndatsi skotsíjen, sku̱i̱e̱, ta̱nga ka̱makjínjiín, kó ndatsi ko̱siénnijon, ku̱i̱ntꞌiè, ta̱nga ka̱makjínjiín, tsi̱ꞌe̱ nga ko̱síkjoyájín yojoo̱, kó si̱ꞌanjetakónjiín jeé.

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 22:32

Ta̱nga an jè ꞌniú tsíꞌáa̱ Néná, tsi̱ꞌe̱ nga sꞌi̱jinraa̱ an, kó ji, kjiꞌanga ko̱si̱kje yojòo̱, te̱ꞌéngaꞌníi̱ já ntsꞌie.

Juaa̱ 1:51

Kó bi̱ katsó ngase Kjisoo̱: –Ja̱koxi̱ ni xi xian an: Nga jún xcha̱jnú nga tsjientíxa̱ ndiꞌakꞌajmi jàn, kó xcha̱jnú nga ko̱e̱je̱nijíngí ko̱jo nga kjo̱tjajen ndítsjiee̱ Néná nga kjo̱e̱ꞌekoón ndií nda̱ xi̱ꞌii̱n.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ni xi kamá 28:27

ngatꞌa̱ ta̱nisién ꞌniú tajá ini̱ma̱a̱ kui xota̱ na̱xi̱ńdaá, kó katsꞌénxtiya yojoo̱, kó íchjá ndyi̱ko̱n, tsi̱ꞌe̱ nga ka̱májín sku̱i̱e̱, ti̱nde ka̱májín ku̱i̱ntꞌiè, ko̱jo ti̱nde kamákjínjiín, tsi̱ꞌe̱ nga ánjín kjo̱e̱ꞌe̱kónna, kó nga ka̱májín án sa̱ꞌindaya an.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,

1 Xota̱ Korinto̱ 14:20

Jún ntsꞌie, ngata̱ bo̱a̱jín tsꞌén fojintakónjnú xikótsꞌèn tsꞌénkjó jákjíndií, ta̱sá bo̱a̱ ti̱ꞌánjnú xikoó jákjíndií nga tsꞌensénjiín ni xi ndajiín, ta̱nga ti̱ꞌankjójnú xikoó ngo xota̱ xi xchá.

1 Xo̱jo̱o̱n Peé 2:2

Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú,

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.