Matioo̱ 18:24 - Xo̱jo̱n eén Néná

²⁴ Kó sꞌe̱ tsí ítsꞌi̱yanii̱ nga sa̱ꞌín xki̱, nga jachóchinií ngo moso̱ xi tjitjieén tie mi̱ to̱n talentoo̱.

Matioo̱ 18:24 ပူးပေါင်းရင်းမြစ်များ

Jenesii̱s 44:10

Kó bi̱ katsó kui nda̱ xi tikóntjoón ndiꞌaa̱ Kosiee̱: —Ndakjíꞌí, ja̱bo̱a̱ ngatama xikó kiꞌmíjnú, ta̱nga ta̱kuítsí nda̱ xi yaꞌa kui chi̱tsen to̱ntiboaa̱ xi moso̱na ngatama, kó xi ngasee̱ jmí jé kꞌuiéjiín.

Xo̱jo̱n Salmoo̱ 38:4

Ngatꞌa̱ ni xi ꞌniú ndajín xi katsꞌen an je kamáꞌniúnié an, kó xikó maá tsi ngo chꞌià é kjimá xi ngiti̱ chikjo̱a̱jínna.

Xo̱jo̱n Salmoo̱ 40:12

Ngatꞌa̱ achichí má ni xi ndajín xi je jaꞌatjiyajonna, jè katsꞌénna kui ni xi ndajiín, nde ngiti̱ májín kjininkꞌá an ndyikón án, kjín ngase ma ta̱bo̱a̱jiín xikó kjiꞌi ma tsja tokó án, kó ini̱ma̱na je ngiti̱ chikjo̱a̱jiín.

Matioo̱ 18:23

Kó kuíni nga, nínga botíxomaa̱ Néná bo̱a̱ ma xikó maá ni xi kamaá ngo nda̱ ree̱ xi katsꞌénjo̱ xki̱ já mosoo̱.

Matioo̱ 18:25

Kó kui mosoo̱ jmíjín kamaá to̱n xi ku̱i̱ꞌíchjínií, sꞌe̱ nda̱ ree̱ katsjákjo̱a̱ tsi̱ꞌe̱ nga sti̱iñá kui mosoo̱, ko̱jo chjo̱ón, ko̱jo ndií, ko̱jo ngayeje ni xi tjiín, tsi̱ꞌe̱ nga ku̱i̱ꞌíchjí ngayeje to̱n xi tjitjieén.

Matioo̱ 25:15

Kó ngo moso̱ xi katsjaá ún to̱n talentoo̱, ingo xi jó katsjaá, sꞌe̱ ingo xi ngo katsjaá, nga ngo nga ngo katsjaá xikótsꞌèn ka̱maa̱ sa̱ꞌínxájo̱ kui to̱o̱n, sꞌe̱ kjin kijí ngijee̱.

Matioo̱ 25:16

Kó nda̱ xi katseꞌeé ún to̱n talentoo̱ kijí kó katsꞌénxájo̱, kó ngi ún katsꞌén ngase,

Matioo̱ 25:20

Kó jachó nda̱ xi ún to̱n talentoo̱ katseꞌeé, kó jachójo̱ ngi ún xi katsꞌén, sꞌe̱ bi̱ katsó: «Ndi̱a̱, ún má to̱n xi kiniꞌínkꞌasꞌínní, kꞌi̱e̱ tikón kꞌi̱e̱e̱, kó ngi ún má xi katsꞌen an.»

Matioo̱ 25:22

Sꞌe̱ jachó nda̱ moso̱ xi jó to̱n talentoo̱ katseꞌeé, sꞌe̱ bi̱ katsó: «Ndi̱a̱, jó ma to̱n xi katseꞌéní, kꞌi̱e̱ tikón kꞌi̱e̱e̱, kó ti̱ kꞌi̱e̱ tikón ngi jó xi katsꞌen an.»

Matioo̱ 25:24

Kó nga jachó nda̱ xi ngo to̱n talentoo̱ katseꞌeé, bi̱ katsó: «Ndi̱a̱, jè be an nga ngo nda̱ xi ta̱nisién tajá ji, kó nga chjeꞌéꞌyé ji ni xi maxchá xi ikꞌítji̱e̱jín ji, ko̱jo nga chjeꞌéꞌyé ji ni xi maxchá xi akatítsejejín,

Rkaa̱ 13:4

Axa̱ a beriítakónjnú nga xota̱ xi tjiꞌún ján xi jesón nga tsꞌákanieé tarié ki̱a̱ Siloe̱ nga tsie ngase jé kisꞌiee̱, ta̱bo̱a̱jiín ngayeje xota̱ xi chji̱a̱ni na̱xi̱ńdáꞌniú Jerusale̱n.

Rkaa̱ 16:5

Kó tsíchji̱a̱a̱ ngayeje xota̱ xi tjitjieén to̱o̱n ndi̱a̱a̱, kó bi̱ katsoó xi tjoón: “Kótjín tjitjiée̱n tsi̱ꞌe̱ ndi̱a̱na.”

Rkaa̱ 16:7

Sꞌe̱ bi̱ katsoó kje̱ꞌe xí tjitjiée̱n nga: “Kó jí, kótjín tjitjiée̱n.” Sꞌe̱ bi̱ katsó kui nda̱a̱: “Tie mi̱ koxta̱ to ndso̱ko̱a̱n ṉño̱pan.” Kó bi̱ katsó mosoo̱: “Jiꞌín chjábé jí xo̱jo̱n nínga kjitꞌa xki̱i̱, kó jin mi̱ koxta̱ tꞌíjñíi̱.”