Matioo̱ 18:15 - Xo̱jo̱n eén Néná

¹⁵ Ta̱nga tsi ngo ntsꞌie sa̱ꞌínjé kondra̱ tse̱, ndókjo̱e̱je so̱bo̱e̱ mára ji tsi̱ꞌe̱ nga sku̱i̱e̱ nga ndajínkjiꞌi ni xi katsꞌén, tsi ku̱i̱ntꞌiéꞌén, ja̱ jè kiniꞌín nginí ji ntsꞌie.

Matioo̱ 18:15 ပူးပေါင်းရင်းမြစ်များ

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Lebitiko̱ 19:17

»Ngata̱ onjín chꞌiájnú ngo xota̱ ko̱jo ngata̱ niꞌángojojínjnú. Kjiꞌanga tjín xí si̱ꞌanxchánjo̱jnú, ti̱ꞌanxchánjo̱jnú. Ngata̱ ki̱a̱jín niꞌánkamajo̱jnú xota̱ xi ni xi ndajín ndyi̱tsꞌèn. »Ngatjaꞌátsjienjnú nga chjiéngá tjó si̱ꞌánjnú xingi̱jnú xi kótsꞌèn tjójnú yojojnú. »Ti̱ꞌankjatjosónjnú kjo̱a̱botíxomana. Án boá xi nee̱ xota̱ Israee̱l. »Ngata̱ kje̱ꞌe to̱ko̱yajín cho̱ niꞌánkixanjo̱jnú ngo to̱ko̱ya cho̱ xi tjínjnú. Ngata̱ niꞌánkꞌajinjínjnúu̱ xkjín xojmá xi ꞌbítji̱e̱jnú ngo chikjan nangi. Ngata̱ chajájínjnú ńjño xi kamándani kjín to̱ko̱ya ńchjón.

Matioo̱ 18:14

Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.

Matioo̱ 18:21

Kósꞌe̱ Peé kijíkóntiñaa̱ Kjisoo̱, kó bi̱ katsoó nga asíyaá: –Ndi̱a̱, kótjín ndi̱yà sa̱ꞌinjetakóo̱n ntsꞌié án tsi ngo jé sa̱ꞌín kondra̱ tsa̱ꞌa̱n. A ngaskande yito ndi̱yà.

Matioo̱ 18:35

Sꞌe̱ Kjisoo̱, bi̱ katsó ngase: –Bo̱a̱ ti̱ sa̱ꞌínjo̱jnú Na̱ꞌmina xi tikón ndiꞌakꞌajmi jàn tsi ngayejejín ini̱ma̱jnú nga si̱ꞌanjetakónjnúu̱ nga chꞌo ka̱tso̱jnú ngo ntsꞌiejnú.

Xota̱ Roma̱ 12:21

Ngata̱ boeꞌéndièjín ji nga sa̱ꞌiín ni xi ndajiín, ta̱sá ni xi nda ti̱ꞌin ji, tsi̱ꞌe̱ nga kui ni xi ndaa̱, sa̱ꞌiín ni xi ndajiín.

1 Xota̱ Korinto̱ 8:12

Kjiꞌanga ndyi̱niꞌánkjatsónjínjnú kjo̱a̱kjíntakoón ntsꞌié xi kji̱e̱ ꞌniújín sꞌijii̱n Néná, ndajínkjiꞌi ni xi ndyi̱niꞌánjnúu̱ ntsꞌié, kó ti̱ ndajínkjiꞌi ni xi ndyi̱niꞌánjnúu̱ Kristoo̱ nga.

2 Xota̱ Korinto̱ 7:12

Kó kuíni nga, nga katsꞌenꞌindó an kui xo̱jo̱o̱n, jmí tsi katsꞌenda an kjo̱a̱a̱ kui xi ndajínkjiꞌi ni xi katsꞌeén, ko̱jo jmí tsi kjo̱a̱a̱ kui xi ndajínkjiꞌi ni xi kiniꞌánjoo̱. Ta̱sá kamámejénna nga xcha̱ ngindyi̱ko̱n Néná nga nda̱ kjimajnú ji̱n.

Xota̱ Ngalasia̱ 6:1

Jún ntsꞌie, tsi ngo xi kamáyà nga ngo jé tjítsꞌén, jún xi je tindyiónjnú xikótsꞌèn mejeén A̱si̱énni̱xtjii̱n Néná, chjiéngá ni̱ma̱takón ka̱majnú nga ko̱si̱ko̱jójnú, tsi̱ꞌe̱ nga sa̱ꞌíndaya yojoo̱ kui xi tjítsꞌénjeé, ta̱nga chónjnú yojojnú nga ngo nga ngojnú, tsi̱ꞌe̱ nga jmí tsi ko̱jo jún chjátꞌayákónjnú.

Xota̱ Kolosa̱ 3:13

Ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú, kó ti̱ꞌanjetakónjnúu̱ xingi̱jnú tsi tjín xí ko̱óngítaꞌínjnú. Xikó tsꞌén nga Kristoo̱ katsꞌénjetakónjnú, ti̱ bo̱a̱ ti̱ tsꞌén ti̱ꞌanjetakónjnú jún.

1 Xota̱ Tesalónika̱ 4:6

Ngata̱ ngojín jún xi mongikjo̱a̱a̱ ntsꞌi̱e̱, ko̱jo tsi kꞌo̱ṉcha̱jo kjo̱a̱a̱ kui nii̱, ngatꞌa̱ Ndi̱a̱ná xí tsꞌénngojó kjo̱a̱a̱ ngayeje kui nii̱, xikótsꞌèn je kiꞌmíyà kixi̱ kixi̱jne̱ ji̱n.

2 Xota̱ Tesalónika̱ 3:15

Ta̱nga ngata̱ kondra̱jínjnú niꞌánjnú, ta̱sá tatíxomájnúu̱ xikó niꞌánjo̱ ngo ntsꞌié.

Titoo̱ 3:10

Kui nda̱ xi bokjangá xota̱ na̱ngo̱xi̱i̱, ndókjo̱e̱je tsi ngo ko̱jo tsi jó ndi̱yà, ta̱nga tsi sa̱ꞌínsénjín, ngiti̱ boeꞌéndièjíi̱n ngi̱ya na̱ngo̱xi̱i̱.

1 Xo̱jo̱o̱n Peé 3:1

Bo̱a̱ ti̱ tsꞌén ndatsa jún nga ínchjín xi je ikixánjnú, cha̱ndikónjnú xi̱ꞌinjnú, tsi̱ꞌe̱ nga kui xi̱ꞌin xi sꞌijinjiín Néná, sa̱ꞌínsꞌijin kó nde jmí én ka̱machjiénjiín, ngatꞌa̱ nda ndyi̱niꞌánjnú jún,