Matioo̱ 18:14 - Xo̱jo̱n eén Néná

¹⁴ Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.

Matioo̱ 18:14 ပူးပေါင်းရင်းမြစ်များ

Matioo̱ 18:13

Kó tsi sa̱ko̱ó, ja̱koxi̱ ni xi xiánjnúꞌun nga achichí tsjá ka̱maa̱ kjo̱a̱a̱ xi ngoo̱, ta̱bo̱a̱jiín xi ngi ichítié ko̱jo yichán nijan xi kichajájiín.

Matioo̱ 18:15

Ta̱nga tsi ngo ntsꞌie sa̱ꞌínjé kondra̱ tse̱, ndókjo̱e̱je so̱bo̱e̱ mára ji tsi̱ꞌe̱ nga sku̱i̱e̱ nga ndajínkjiꞌi ni xi katsꞌén, tsi ku̱i̱ntꞌiéꞌén, ja̱ jè kiniꞌín nginí ji ntsꞌie.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 6:32

Ngatꞌa̱ ngayeje kui nii̱ xi mongase xota̱ xi jundío̱jín, ta̱nga jún tikónjnú ngo Na̱ꞌmi xi tikón ndiꞌakꞌajmi jàn xí je be mí ni xi chjiénjnú.

Matioo̱ 6:9

Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Juaa̱ 17:12

Nga kisꞌijñajo̱ an kui xotaa̱ kꞌi̱e̱ kui nga̱sondiee̱, askóo̱n ngi̱yaa̱ ngaꞌniuú jaꞌée̱n, kui xota̱ xi ji katseꞌéní, kó askóo̱n, kó nde ngojín xi kichajá, ta̱kuítsí ndí kichajaá, tsi̱ꞌe̱ nga kjo̱tjosón ni xi tjítꞌa xo̱jo̱n ée̱n.

Juaa̱ 21:15

Ngije iskjinie ṉño̱, Kjisoo̱, bi̱ katsoó Ximo̱ Peé: –Ximoo̱, ndií Jonaa̱, a ꞌniú ngase tjoó án, ta̱bo̱a̱jiín kui jaá. Sꞌe̱ bi̱ katsó Ximo̱ Peé: –Jo̱o̱n, Ndi̱a̱, jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

Xota̱ Ebreo̱ 12:13

kó ti̱ndyi̱séjnúu̱ ndsa̱kojnú ndi̱yà xi kixi̱, tsi̱ꞌe̱ nga ka̱mandaya ndsa̱ko xi fí katsꞌoo̱, kó jmí tsi ꞌniú ngase ka̱maꞌoo̱n.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.