Matioo̱ 17:27 - Xo̱jo̱n eén Néná

²⁷ Ta̱nga tsi̱ꞌe̱ nga sa̱ꞌínxchánjín já xí foaꞌáchjí to̱n xi machjítjé nii̱, tꞌen ji ndáchíkoón, kó tjajmijin ji tsitìi̱n, kó ngije kjo̱yaa̱ tji̱o̱ xi tjoón, chjábé jí, kó chjáxꞌé ji tsꞌoa, kó ki̱a̱ sa̱ko̱ó ngo to̱n, chjábé jí kui to̱o̱n, kó tꞌíchjítjéní án ko̱jo tꞌíchjítjé ji yojòo̱.

Matioo̱ 17:27 ပူးပေါင်းရင်းမြစ်များ

Jenesii̱s 1:28

Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Xo̱jo̱n Salmoo̱ 8:8

ko̱jo cho̱ xi tjiín tsja̱nga̱a̱ xi tjín nkꞌa jàn, ko̱jo cho̱ xi tjín ngi̱jin ndaá, ¡ko̱jo ngayeje cho̱ xi tsꞌéntíyà xi tjín nínga ꞌniú na̱nga̱a̱ ndáchíkoón!

Jonaa̱ 1:17

Kósꞌe̱ Néná katsangiya ngo tji̱o̱ xi ta̱nisién ꞌniú je xi katjéjén ndo̱jò Jonaa̱. Kó Jonaa̱ ki̱a̱ kisꞌijña ngi̱ya nga̱tsꞌo̱a̱ kui tji̱o̱o̱ ján ni̱xtjin ko̱jo ján ni̱xtji̱e̱n.

Jonaa̱ 2:10

Kósꞌe̱ ti̱chaa̱n Néná, bi̱ katsoó tji̱o̱ xi ta̱nisién ꞌniú jee̱: «¡Tꞌenni̱ꞌinkjasé ji Jonaa̱ ki̱a̱ tꞌa chji̱ndi̱e̱e̱ ndáchíkoón!»

Matioo̱ 17:26

Kó Peé, bi̱ katsó: –Xota̱ xi kje̱ꞌe. Kó bi̱ katsó ngase Kjisoo̱: –Ja̱ xota̱ xi ndií, chjiénjínra̱ nga tjín ni xi ku̱i̱ꞌíchjí.

Matioo̱ 18:6

Kó ta̱ꞌya xota̱ní xi sa̱ꞌín ngo ni, tsi̱ꞌe̱ nga tjín káꞌá kui jákjíndí xí sꞌijii̱n an sa̱ꞌínjé, ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin nínga na̱nga̱a̱ ndáchíkoón.

Matioo̱ 18:8

Kuíni nga tsi ndse̱ ko̱jo tsi ndsa̱ki ko̱ngijeé, ta̱sá ti̱chékjé jí, kó kjin ti̱chíjmi, ta̱sá ndatsi ka̱tòn ndse̱ ko̱jo tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ ko̱jo tsi síndo nga jó ndsa̱ki nga ku̱i̱chíjmijii̱n ngi̱jii̱n ndiꞌí xí jmíni̱xtjin kꞌo̱o̱.

Matioo̱ 5:29

Kó kuíni nga, tsi ndyikin xi fojnií ko̱ngijeé, ꞌna̱xié ji, kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱, ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:30

Kó tsi ndse̱ kixi̱ ko̱ngijeé, ti̱chétꞌe kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱ ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Markoo̱ 9:42

Ta̱ ꞌyání xi sa̱ꞌín ngo ni tsi̱ꞌe̱ nga ngo kui jákjíndí xí sꞌijii̱n an sa̱ꞌínjé, ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin ndáchíkoón.

Markoo̱ 9:43

Kuíni nga tsi ndse̱ ko̱ngijeé, ta̱sá ti̱chékjé jí, ta̱sá nda tsi ka̱tòn ndse̱ nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ nga kꞌuin jí ndo̱bo̱a̱ṉkꞌi̱e̱e̱n, ngi̱jii̱n ndiꞌí xí jmíni̱xtjin ꞌboo̱,

Rkaa̱ 17:2

Ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin ndáchíkoón, ta̱bo̱a̱jiín tsi ngo ni sa̱ꞌín, tsi̱ꞌe̱ nga ngo kui jákjíndií sa̱ꞌínjé.

Juaa̱ 6:61

Ja̱ bo̱a̱ je be Kjisoo̱ kjo̱a̱a̱ ni xi ndyi̱chji̱a̱si̱e̱n xota̱ tsi̱ꞌe̱, kó bi̱ katsoó: –A chꞌo májnú kuí eén.

Xota̱ Roma̱ 14:21

Ta̱sá ndatsi jmí yojo xi̱ni̱e̱ jàn, ko̱jo tsi jmí bino̱ sꞌi̱o̱ jàn, ko̱jo tsi ta̱ jmíjín ni xi si̱ꞌán tsi ngo ntsꞌié kꞌo̱ka nga sa̱ꞌínjé, ko̱jo tsi chꞌo ka̱maa̱ ko̱jo tsi ngiti̱ sꞌi̱jinjiín Néná.

1 Xota̱ Korinto̱ 8:13

Kó kuíni nga, tsi ta̱ngatꞌanii̱ ngo nichinie xi skjíni̱e̱ an nga ngo ntsꞌié án kꞌo̱kajin ngo jé, ta̱sá nginijánjín skjíni̱e̱ an yojo, tsi̱ꞌe̱ nga kꞌo̱kajinjín ngo jé ntsꞌié án.

1 Xota̱ Korinto̱ 8:9

Xota̱ ndé ñá nga xi̱ni̱e̱ ta̱jmì niní. Ta̱nga chónjnú tsi ta̱ngatꞌanii̱ ni xi xi̱ni̱e̱jnú, nga sa̱ꞌínjé ngo xota̱ xi kji̱e̱ ꞌniújín sꞌijii̱n Néná.

2 Xota̱ Korinto̱ 6:3

Nde ngojín ni xi ndajín niꞌánjne̱, xi sa̱ꞌínkjién xotaa̱ tsi̱ꞌe̱ nga chꞌo tsꞌén skjo̱yá xájne̱.

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

1 Xota̱ Tesalónika̱ 5:22

Ti̱ꞌanchꞌójnúu̱ yojojnú ngayeje ni xi ndajiín.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.