Matioo̱ 17:17 - Xo̱jo̱n eén Néná

¹⁷ Kó Kjisoo̱, bi̱ katsó: ¡Xota̱ xi sꞌijinjiín ko̱jo xi ndajín! Ngaskande kjiꞌání nga chjiéngá kotíjña̱jojnúꞌun. Ngaskande kjiꞌání nga ta̱kó sa̱ꞌinchíkjo̱a̱jnúꞌun. ¡Ndibájo̱jnúꞌun kꞌi̱e̱e̱!

Matioo̱ 17:17 ပူးပေါင်းရင်းမြစ်များ

Xo̱jo̱n Salmoo̱ 95:10

Yichán nó nga katsꞌenxchánjo̱ an kui xota̱ tji̱e̱e̱, kó bi̱ kixian an: Kuí boá kui xota̱ na̱xi̱ńdaá xi ngi̱jin ini̱ma̱a̱ je katsꞌénkjinna yojoo̱, kó jmí ni̱xtjin kamábe ndi̱yàna.

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 16:28

Kósꞌe̱ Néná, bi̱ katsoó Moisee̱: «Ngaskande kjiꞌání nga ko̱nda̱ꞌyáꞌénjnúꞌun.

Énkjínkón 1:22

«Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 6:9

Ji chí tsiꞌé, ngaskande kjiꞌání nga to̱kó tsjáfé ji. Ngaskande kjiꞌání nga kjo̱a̱ꞌaá.

Xki̱ 14:11

kó bi̱ katsoó Moisee̱: —Ngaskande kjiꞌání nga kui xota̱ na̱xi̱ńdaá sꞌi̱jii̱n nga ndikónjín an, ko̱jo nga jmíjínna ngaꞌniú. Achichí kjo̱a̱ndikón je katsꞌen an ngindyi̱ko̱n, kó a ta̱kó kji̱e̱ sꞌijinjiín an.

Xki̱ 14:27

—Jè tsintꞌié an nga xota̱ Israee̱l chꞌo tsꞌén ndyi̱chji̱a̱taꞌinna. Ngaskande kjiꞌání nga sa̱ꞌinchíkjo̱a̱a̱ ni xi ndyi̱tsó kui xota̱ xi ndajiín.

Matioo̱ 13:58

Kó nde kjínjín kjo̱a̱ndikón katsꞌén Kjisoo̱ kui ngi̱ndiee̱, ngatꞌa̱ xotaa̱ kisꞌijinjiín.

Matioo̱ 16:8

Kó Kjisoo̱ kamákjiín kui nii̱, kó bi̱ katsoó: –Míkjo̱a̱a̱ nga jmí panjínjne̱ ndyi̱ꞌmìjnú, jún xota̱ xi sꞌijinjiín.

Matioo̱ 17:16

Jè jéꞌe̱jóo̱ xota̱ tse̱, ta̱nga kamájiín katsꞌéndaya.

Matioo̱ 17:18

Kó Kjisoo̱ katsꞌénxchánjo̱ kui xindajín xi tjíjii̱n kui nda̱a̱, kó jataxiejin yojoo̱, kó ti̱ kjiꞌa kamándaya.

Matioo̱ 6:30

Kó tsi kui kꞌijñá xí ngotꞌe̱ tikón ngi̱jin kꞌijñaá, kó ndyiojón ngi̱yaa̱ ngo orjno̱ je kití, bo̱a̱ tsꞌén tsꞌénkajá ńjño Néná, ja̱ kókjiꞌi ngase ni xi sa̱ꞌín Néná kjo̱a̱a̱ jún. ¡Ánní nga tá chiboa sꞌijinjnú!

Matioo̱ 8:26

Sꞌe̱ Kjisoo̱, bi̱ katsoó: –Ánní nga ndyi̱ndakónjnú jún xota̱ xi sꞌijinjiín. Kósꞌe̱ Kjisoo̱ jastjíe̱n, kó katsꞌénxchánjo̱ tjo̱o̱ ko̱jo ndáchíkoón, sꞌe̱ kisꞌie xió xió nga̱són ndáfoaa̱.

Markoo̱ 16:14

Nga fetꞌa Kjisoo̱ akoó yojoo̱ nga tiengo xota̱ tsi̱ꞌe̱ tji̱e̱nga síndotꞌa yeje yámíxa̱, kó katsꞌénxchánjo̱ ngatꞌa̱ kisꞌijinjiín, ko̱jo kjo̱a̱a̱ nga ta̱nisién tajá kamá ini̱ma̱a̱, ngatꞌa̱ nga katsꞌénsꞌijinjiín xota̱ xi je kamábe nga je jaꞌáꞌyaá Kjisoo̱.

Markoo̱ 9:19

Kó Kjisoo̱, bi̱ katsoó: –¡Xota̱ xi sꞌijinjiín! Ngaskande kjiꞌání nga chjiéngá kotíjña̱jojnúꞌun. Ngaskande kjiꞌání nga ta̱kó sa̱ꞌinchíkjo̱a̱jnúꞌun. ¡Ndibájo̱jnúꞌun kꞌi̱e̱e̱!

Rkaa̱ 24:25

Kó Kjisoo̱, bi̱ katsoó kui jaá: –¡Mí xí ta̱ chi̱ninijnú ko̱jo mí xí ta̱ chjiya ini̱ma̱jnú nga kisꞌijinjínjnú ngayeje ni xi katsó já chji̱ni̱e̱ꞌe̱én Néná!

Rkaa̱ 9:41

Kó Kjisoo̱, bi̱ katsó: –¡Xota̱ xi sꞌijinjiín ko̱jo xi ndajín! Ngaskande kjiꞌání nga chjiéngá kotíjña̱jojnúꞌun. Ngaskande kjiꞌání nga ta̱kó sa̱ꞌinchíkjo̱a̱jnúꞌun. Ndibéje̱ní ndíi̱ kꞌi̱e̱e̱.

Juaa̱ 20:27

Sꞌe̱ Kjisoo̱, bi̱ katsoó Tomaa̱: –Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.

Ni xi kamá 13:18

Kó Néná katsꞌénchíkjo̱a̱ ni xi katsꞌén kui xotaa̱ ki̱a̱ nangi kixií mején yichán nó,

Ni xi kamá 2:40

Kó kui eén, ko̱jo kjín to̱ko̱ya én xí katsꞌénkjién Peé nga tsíchji̱a̱jo, ko̱jo nga atíxomaa̱ xotaa̱ nga bi̱ katsoó: ꞌNa̱xiéꞌájnú yojojnú ngi̱jii̱n kui xota̱ xi tsꞌén ni xi ndajiín.

2 Xota̱ Korinto̱ 11:1

¡Achichíra̱ ndakjiꞌi tsi si̱ꞌanchíkjo̱a̱ chiíjnúꞌun, tsi xikoó ngo nda̱ xi tsobeé nga kuichjiájojnúꞌun! Ta̱ xikótsꞌénnií, ta̱nga ti̱ꞌanchíkjo̱a̱ chiíjnúꞌun.

Ndeuteronomio̱ 32:5

»Jún xota̱ Israee̱l, Néná boá xi katsꞌéndajnú, kuí boá xi xikoó tsi na̱ꞌmijnú. Ta̱nga jún ndajínjnú xota̱, kó chꞌo kiꞌmíjnúu̱. Kitikjo̱a̱ ko̱jo chi̱ni je kamájnú, kó nde tsoboájínjnú nga ndií kui ka̱majnú. ¡Xota̱ xi nde tsjájiín ndokꞌóchji̱ì boá jún!