Matioo̱ 16:28 - Xo̱jo̱n eén Néná

²⁸ Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 16:28 ပူးပေါင်းရင်းမြစ်များ

Matioo̱ 10:23

Kó kjiꞌanga ku̱i̱yotjíngíjnú ngo na̱xi̱ńdá, xín ti̱yójnú, ngatꞌa̱ ja̱koxi̱ ni xi xiánjnúꞌun nga nde kji̱e̱ mongínyejejínjnú nangi Israee̱l nga kjo̱e̱ꞌe ndií nda̱ xi̱ꞌii̱n.

Matioo̱ 16:13

Kó ngije jachó Kjisoo̱ xtji̱e̱e̱n nangi Sesarea̱ nínga tikón xtitjón Ngiripee̱, bi̱ katsó nga asíyaá xota̱ tsi̱ꞌe̱: –Kó tsó xotaa̱, kjo̱a̱a̱ ꞌyá xóní xi ndií nda̱ xi̱ꞌii̱n.

Matioo̱ 24:3

Kó kjiꞌanga Kjisoo̱ tikónndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó: Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.

Matioo̱ 24:34

Ja̱koxi̱ ni xi xiánjnúꞌun jún, nga kji̱e̱ ko̱yàjín xota̱ xi síndo ngotꞌe̱ tsi tjónjín kjo̱tjosón kui nii̱.

Matioo̱ 24:42

Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú.

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 13:26

Kósꞌe̱ kjiꞌá boá nga xcha̱ ndií nda̱ xi̱ꞌii̱n nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kji̱ndi̱bájo̱.

Markoo̱ 8:38

Ngatꞌa̱ ngayeje xota̱ xi soboá ka̱maa̱ kjo̱a̱a̱ an, ko̱jo kjo̱a̱a̱ énna kꞌi̱e̱ ngindyi̱ko̱n kui xota̱ xi ndyi̱tsꞌèntꞌaa̱ kjo̱a̱ Néná, ko̱jo kui xota̱jeé, ti̱ bo̱a̱ ti̱ tsꞌén ndií nda̱ xi̱ꞌii̱n soboá ka̱maa̱ kjo̱a̱a̱ kui, nga kjo̱e̱ꞌéjo̱ kjo̱a̱jee̱ Na̱ꞌmii̱ ko̱jo ndítsjiee̱.

Markoo̱ 9:1

Kó Kjisoo̱ ti̱ bi̱ ti̱ katsó ngase: –Ja̱koxi̱ ni xi xiánjnúꞌun nga tjín káꞌá xi síndojinná kꞌi̱e̱e̱ xi ko̱yàjín ngaskande nga sku̱i̱e̱ nga kjo̱e̱ꞌe ngaꞌniuú Néná nga ko̱tíxoma.

Rkaa̱ 18:8

Xiyàjnúꞌun nga Néná tsá ko̱jo kixi̱ tsꞌén sa̱ꞌínseén xotaa̱. Ta̱nga nga kjo̱e̱ꞌe nginí ndií nda̱ xi̱ꞌii̱n, a sa̱kórií kjo̱a̱sꞌijin kꞌi̱e̱ tꞌanangii̱.

Rkaa̱ 2:26

kó A̱si̱énni̱xtjii̱n Néná katsóyàtjoón kui nda̱a̱ nga kji̱e̱ ko̱yàjín tsi tjónjín sku̱i̱e̱ Kristoo̱, kui xi sa̱ngíyá Néná.

Rkaa̱ 9:27

Ta̱nga ja̱koxi̱ ni xi xiánjnúꞌun nga tjín káꞌá xi síndojinná kꞌi̱e̱e̱, xi ko̱yàjín ngaskande nga sku̱i̱e̱ nga ko̱tíxoma Néná.

Juaa̱ 21:22

Sꞌe̱ Kjisoo̱, bi̱ katsó: –Tsi mejénna nga kꞌuijñá kui nda̱a̱ ngaskande nga kji̱ndi̱bá an, kó jí, mí ndaseén. Ndibétji̱ngíní jí.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Juaa̱ 8:52

Sꞌe̱ bi̱ katsó já jundíoo̱: –Ngotꞌe̱ ꞌne̱ nga je yàjne̱ nga xindajín tjíjii̱n yojòo̱, ngatꞌa̱ Abraa̱n ko̱jo já chji̱ni̱e̱ꞌe̱én Néná jesón, kó jí bi̱ se ji: “Xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.”

Ni xi kamá 1:11

kó bi̱ katsoó: –Já Ngalilea̱, míkjo̱a̱a̱ nga nkꞌa jàn ndyi̱tsitsijenjnú. Ti̱ kuíní Kjiso̱ xi̱ꞌbi̱ xi kisꞌijñajo̱jnú, xi je tsangínjo̱ ndiꞌakꞌajmi jàn xi kji̱ndi̱bá nginí xikótsꞌèn kamáyàjnú nga kijí ndiꞌakꞌajmi jàn.

1 Xota̱ Korinto̱ 15:23

Ta̱nga ńgó tji̱e̱n ńgó tji̱e̱n kjo̱a̱ꞌáꞌyaá xikótsꞌèn tsoboaá nga ngo nga ngo: Tjón má Kristoo̱ je jaꞌáꞌyaá, sꞌe̱ jaskan kjiꞌanga kjo̱e̱ꞌe nginí Kristoo̱, kjo̱a̱ꞌáꞌyaá xota̱ xi tsi̱ꞌe̱.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

Xo̱jo̱o̱n Sandiyaá 5:7

Kó kuíni jún ntsꞌie, ngatꞌiéjnú kjo̱a̱chiyákjo̱a̱ ngaskande nga kjo̱e̱ꞌe nginí Ndi̱a̱ná. Tsitsíjen chi̱bo̱a̱yajnúu̱ kótsꞌèn nda̱ xi tsꞌénxájin tꞌanangii̱ nga koyakjo̱a̱ sakon sakoo̱n cha̱a̱n ni xi ítji̱e̱ ngaskande nga boaꞌa stsé xi boaꞌa cho̱stseè.

2 Xo̱jo̱o̱n Peé 1:16

Kjiꞌanga kiꞌmíyàjne̱ nga kji̱ndi̱bá nginí Ndi̱a̱ná Jesukristoo̱ nga kjo̱e̱ꞌéjo̱ ngaꞌniuú, jmí tsi én xchá maña̱ xi ta̱ kiniꞌánda xí tsangíntjingijne̱, ta̱sá kiꞌmíyàjne̱ ngatꞌa̱ ji̱n má xi kamáyàjne̱ ngaꞌniuú Ndi̱a̱ná.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.