Matioo̱ 16:27 - Xo̱jo̱n eén Néná

²⁷ Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 16:27 ပူးပေါင်းရင်းမြစ်များ

Joo̱b 34:11

Ngatꞌa̱ kuí boá xi ku̱i̱ꞌíchjií xota̱ nga̱sondiee̱ ta̱ xikó kjiꞌi ni xi katsꞌén, kó tsja̱á xikó kjiꞌi ni xi tsoboaá.

Xo̱jo̱n Salmoo̱ 62:12

Jí boá xi tjiín kjo̱a̱ni̱ma̱takón ji Ne, ngatꞌa̱ jí boá xi boeꞌée̱ chjí xí tsoboaá nga ngo nga ngo xotaa̱, kjo̱a̱a̱ ni xi katsꞌén.

Énkjínkón 24:12

Ngatꞌa̱ tsi bi̱ sé jí: Yajín ji̱n kui nii̱. Kó a ka̱makjínjínrií kui Néná xí kotꞌa ini̱ma̱a̱. Kui xi kotsijee̱n ko̱jo xi bee ji. Ti̱ ka̱márií sku̱i̱e̱ kui nii̱ nga, ¡kó kuí boá xi tsja̱á ni xi tsoboaá xotaa̱ kjo̱a̱a̱ ni xi katsꞌén nga ngo nga ngo!

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Matioo̱ 13:41

kó ndií nda̱ xi̱ꞌii̱n sa̱ngíyá ndítsjiee̱, kó kjo̱a̱ꞌáxín ki̱a̱ nínga botixómá ngayeje kui xota̱ xi ta̱ngatꞌanii̱ kui nga kje̱ꞌe xí tsꞌénjé, ko̱jo xi ndyi̱tsꞌèn ni xi ndajiín,

Matioo̱ 13:49

Bo̱a̱ ti̱ ka̱ma nga kju̱i̱e̱ nga̱sondiee̱: Kji̱ndi̱bá ndítsjiee̱, kó kjo̱a̱ꞌájin xota̱ xi kixi̱i̱, kó xín ku̱i̱ꞌíndo xota̱ xi ndajiín,

Matioo̱ 24:30

Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 14:62

Kó Kjisoo̱, bi̱ katsó: –Jo̱o̱n, Án boá, kó xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Markoo̱ 8:38

Ngatꞌa̱ ngayeje xota̱ xi soboá ka̱maa̱ kjo̱a̱a̱ an, ko̱jo kjo̱a̱a̱ énna kꞌi̱e̱ ngindyi̱ko̱n kui xota̱ xi ndyi̱tsꞌèntꞌaa̱ kjo̱a̱ Néná, ko̱jo kui xota̱jeé, ti̱ bo̱a̱ ti̱ tsꞌén ndií nda̱ xi̱ꞌii̱n soboá ka̱maa̱ kjo̱a̱a̱ kui, nga kjo̱e̱ꞌéjo̱ kjo̱a̱jee̱ Na̱ꞌmii̱ ko̱jo ndítsjiee̱.

Rkaa̱ 21:27

Kósꞌe̱ kjiꞌá boá nga xcha̱ ndií nda̱ xi̱ꞌii̱n, nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kjindibájo̱.

Rkaa̱ 22:69

Ta̱nga ndeskande ngotꞌe̱ ku̱i̱ꞌítsꞌi̱yani nga ndií nda̱ xi̱ꞌii̱n kꞌuijñá nga fojnií Néná xí tsi̱ꞌe̱ ngayeje ngaꞌniú xí tjiín.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Juaa̱ 21:22

Sꞌe̱ Kjisoo̱, bi̱ katsó: –Tsi mejénna nga kꞌuijñá kui nda̱a̱ ngaskande nga kji̱ndi̱bá an, kó jí, mí ndaseén. Ndibétji̱ngíní jí.

Juaa̱ 21:23

Kui eén ngayeje já ntsꞌiee̱ xi tsintꞌié, nga kui nda̱ xi xota̱ tsi̱ꞌe̱ Kjisoo̱ kui xi tjó kamaá, ko̱yàjín, ta̱nga Kjisoo̱ jmí tsi katsó nga ko̱yàjín, bi̱ katsó: “Tsi mejénna an nga kui kꞌuijñá ngaskande nga kji̱ndi̱bá an, kó jí, mí ndaseén.”

Ni xi kamá 1:11

kó bi̱ katsoó: –Já Ngalilea̱, míkjo̱a̱a̱ nga nkꞌa jàn ndyi̱tsitsijenjnú. Ti̱ kuíní Kjiso̱ xi̱ꞌbi̱ xi kisꞌijñajo̱jnú, xi je tsangínjo̱ ndiꞌakꞌajmi jàn xi kji̱ndi̱bá nginí xikótsꞌèn kamáyàjnú nga kijí ndiꞌakꞌajmi jàn.

Xota̱ Roma̱ 14:12

Ja̱ kuíni nga, nga ngo nga ngo ñá si̱ꞌankꞌasꞌiée̱n xki̱ Néná kjo̱a̱a̱ ni xi kiniꞌán.

Xota̱ Roma̱ 2:6

kjiꞌanga Néná ku̱i̱ꞌíchjií nga ngo nga ngo xotaa̱ xikó kjiꞌi ni xi katsꞌén.

1 Xota̱ Korinto̱ 15:23

Ta̱nga ńgó tji̱e̱n ńgó tji̱e̱n kjo̱a̱ꞌáꞌyaá xikótsꞌèn tsoboaá nga ngo nga ngo: Tjón má Kristoo̱ je jaꞌáꞌyaá, sꞌe̱ jaskan kjiꞌanga kjo̱e̱ꞌe nginí Kristoo̱, kjo̱a̱ꞌáꞌyaá xota̱ xi tsi̱ꞌe̱.

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

1 Xota̱ Korinto̱ 8:8

Nga ja̱koxi̱ jmí tsi ta̱ngatꞌanii̱ nichiniee̱ nga ꞌniú ngase tiña ku̱i̱ndyiontꞌáa̱ Néná, ngatꞌa̱ jmí tsi nda ngase ka̱ma ñá kjo̱a̱a̱ nichiniee̱, ti̱nde jmí tsi chiboa ngase ka̱ma ñá kjo̱a̱a̱ nga xi̱ni̱e̱ jàn nichinie.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

Xota̱ Éfeso̱ 6:8

Ngatꞌa̱ je yàjnú nga Néná tsja̱á ngo chjí xota̱ xi ni xi nda ndyi̱tsꞌe̱én, tsi xota̱ ndé, ko̱jo tsi xota̱ xi moso̱ xi kastiñá.

Xota̱ Kolosa̱ 3:25

Ta̱nga kui xota̱ xi ni xi kixi̱jín sa̱ꞌiín, sa̱ko̱ó ni xi tsoboaá kjo̱a̱a̱ kui ni xi katsꞌén, ngatꞌa̱ Néná skjánjín tsꞌénjo̱ xotaa̱.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

1 Xota̱ Tesalónika̱ 4:16

Ngatꞌa̱ ko̱nda̱ꞌyá ngo nda̱ xi tsjá kjo̱a̱, kósꞌe̱ ku̱i̱chji̱a̱ ndítsjie ngito̱ko̱o̱, kó kjo̱ni̱e̱ tjioo̱ Néná, sꞌe̱ Ndi̱a̱ná kji̱ndi̱bájayani ndiꞌakꞌajmii̱, kó kui xota̱ xi sꞌijii̱n Kristoo̱ xi je jesoón, kuí xí tjón kjo̱a̱ꞌáꞌyaá.

Xo̱jo̱o̱n Sandiyaá 5:7

Kó kuíni jún ntsꞌie, ngatꞌiéjnú kjo̱a̱chiyákjo̱a̱ ngaskande nga kjo̱e̱ꞌe nginí Ndi̱a̱ná. Tsitsíjen chi̱bo̱a̱yajnúu̱ kótsꞌèn nda̱ xi tsꞌénxájin tꞌanangii̱ nga koyakjo̱a̱ sakon sakoo̱n cha̱a̱n ni xi ítji̱e̱ ngaskande nga boaꞌa stsé xi boaꞌa cho̱stseè.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

Xo̱jo̱o̱n Jundaa̱ 1:14

Kó ko̱jo Enoo̱k, kui xi ma yitoni nda̱ xi kisꞌijña kui nga̱sondiee̱ jaskan ngije kisꞌijña Andaa̱n, tsíchji̱a̱ xikoó ngo chji̱ni̱e̱ꞌe̱én Néná kjo̱a̱a̱ kui xotaa̱ nga bi̱ katsó: “Jéꞌe̱n, Ndi̱a̱ná je tsꞌéndibá, kó achichí kjín mi̱ ma ndítsjie xi tsꞌéndibájo̱,

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.

Ni xi akakoo̱ 20:12

Kó kamábe an ngayeje xota̱ xi jesón xi xchá xí kjindí nga ndyi̱a̱kixi̱ kje̱n nínga tikón xi botixómaá, kó katjoxꞌá kjín chꞌo̱ xo̱jo̱o̱n ko̱jo ingo xo̱jo̱n, kui xi xo̱jo̱o̱n kjo̱a̱mindyioo̱n, kó xota̱ xi je jesoón akatíjeé ta̱ xikó kjiꞌi ni xi katsꞌén ko̱jo xikó kjiꞌi ni xi kjitꞌa kui xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.