Matioo̱ 16:23 - Xo̱jo̱n eén Néná

²³ Kjisoo̱ askoꞌá Peé, sꞌe̱ bi̱ katsoó: ¡Tji̱taxínboeꞌéní xindajín Satana̱! Ngatꞌa̱ ni xi stingí an kjima ji, ngatꞌa̱ jmí tsi nii̱ Néná xi tifojintakín ji, nii̱ xotaa̱ boá xi tifojintakín.

Matioo̱ 16:23 ပူးပေါင်းရင်းမြစ်များ

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Matioo̱ 16:22

Kósꞌe̱ Peé kijíjo̱tꞌaxín Kjisoo̱, kó bi̱ katsoó nga tajá tsíchji̱a̱jo: ¡Ji Ndi̱a̱, Néná ngatjaꞌáxiín ngayeje kui ni xi̱ꞌba̱! Nga jmí ni ka̱májiín.

Matioo̱ 18:7

Achichí ni tjiín kui nga̱sondiee̱ xi tsꞌén nga ngo xota̱ xi tsꞌénkjátjosónjiín Néná, kó jmíjín kótsꞌèn ka̱ma kꞌuichjáa̱. Ta̱nga, achichí nga ndajín kꞌuijñá kui xota̱ xi sa̱ꞌín ngo ni, tsi̱ꞌe̱ nga kje̱ꞌe xota̱ sa̱ꞌínkjatjosónjiín Néná.

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

Markoo̱ 8:33

Ta̱nga Kjisoo̱ katsꞌénkꞌafóyá nga askotsijee̱n ngayeje xota̱ tsi̱ꞌe̱, kó katsꞌénxchánjo̱ Peé, nga bi̱ katsoó: ¡Tji̱taxínboeꞌéní xindajín Satana̱! Ngatꞌa̱ jmí tsi nii̱ Néná xí tifojintakín, nii̱ xotaa̱ boá xi tifojintakín ji.

Rkaa̱ 4:8

Kó Kjisoo̱, bi̱ katsoó: –Chjéndi̱yáa̱ xindajín Satana̱, ngatꞌa̱ jè kjitꞌa xo̱jo̱n eén Néná, nínga bi̱ tsoó: “Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.”

Juaa̱ 6:70

Sꞌe̱ Kjisoo̱, bi̱ katsó: –A ánjín xi jaꞌajinjnúꞌun nga tiejójnú. Ta̱nga ngo jún xi xindajín ndiabloo̱ chji̱a̱ni.

Xota̱ Roma̱ 14:13

Kó kuíni nga ngiti̱ ko̱ndókjo̱a̱taꞌinján ñá xingi̱ tsi nda ko̱jo tsi ndajín ndyi̱tsꞌèn, ta̱sá si̱ꞌankjó cha̱n cha̱n tsi̱ꞌe̱ nga ta̱xkiya si̱ꞌán jàn ngo ni xi sa̱ꞌín nga ngo ntsꞌie xi ngiti̱ ka̱maꞌniátakónjín Néná.

Xota̱ Roma̱ 14:21

Ta̱sá ndatsi jmí yojo xi̱ni̱e̱ jàn, ko̱jo tsi jmí bino̱ sꞌi̱o̱ jàn, ko̱jo tsi ta̱ jmíjín ni xi si̱ꞌán tsi ngo ntsꞌié kꞌo̱ka nga sa̱ꞌínjé, ko̱jo tsi chꞌo ka̱maa̱ ko̱jo tsi ngiti̱ sꞌi̱jinjiín Néná.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

Xota̱ Kolosa̱ 3:2

¡Ni xi chji̱a̱ni ndiꞌakꞌajmii̱ xí ti̱ꞌankjójnú, jmí tsi ni xi chji̱a̱ni kui nga̱sondiee̱!