Matioo̱ 16:21 - Xo̱jo̱n eén Néná

²¹ Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 16:21 ပူးပေါင်းရင်းမြစ်များ

Matioo̱ 12:40

Ngatꞌa̱ xikótsꞌèn kisꞌijña Jonaa̱ ján ni̱xtjin ko̱jo ján ni̱xtji̱e̱n ngi̱ya nga̱tsꞌo̱a̱ ngo tji̱o̱ xi ꞌniú je, ti̱ bo̱a̱ ti̱ tsꞌén ndií nda̱ xi̱ꞌii̱n, ján ni̱xtjin ko̱jo ján ni̱xtji̱e̱n kꞌuijñá ngindie tꞌanangii̱.

Matioo̱ 16:22

Kósꞌe̱ Peé kijíjo̱tꞌaxín Kjisoo̱, kó bi̱ katsoó nga tajá tsíchji̱a̱jo: ¡Ji Ndi̱a̱, Néná ngatjaꞌáxiín ngayeje kui ni xi̱ꞌba̱! Nga jmí ni ka̱májiín.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 17:12

Ta̱nga an xiyàjnúꞌun nga Eliyaa̱ jè jeꞌe, kó kui xotaa̱ kamábejín nga kui, kó ta̱ ni xi mejénrií katsꞌénjo̱, ti̱ bo̱a̱ ti̱ tsꞌén tsie kjo̱a̱ni̱ma̱ kjo̱a̱ꞌatio ndií nda̱ xi̱ꞌii̱n ngi̱ya tsja kui xotaa̱.

Matioo̱ 17:9

Kó nga ndyi̱fotjajen tji̱ngi̱i̱, Kjisoo̱, bi̱ katsoó: –Ngata̱ ꞌyàjín xi ꞌmíyajnú ni xi kamáyàjnú ngaskande nga ndií nda̱ xi̱ꞌii̱n, kjo̱a̱ꞌáꞌyaá ngi̱jii̱n xota̱ xi je jesoón.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 26:2

–Ja̱ jè yàjnú nga ngi jó ni̱xtjin chaja nga ka̱ma sꞌué paskuaa̱, kó ndií nda̱ xi̱ꞌii̱n si̱ꞌankꞌasꞌien tsi̱ꞌe̱ nga kjótꞌa kro.

Matioo̱ 26:47

Kó ti̱ tsꞌénchji̱a̱ ngase Kjisoo̱ nga jachókoón nda̱ xi ꞌmí Jundaa̱, ngo nda̱ xi chji̱a̱ni nga tiejó xota̱ tsi̱ꞌe̱, kó kjín xota̱ tji̱e̱njo xi ndyi̱yaꞌa ki̱cha̱ ko̱jo yá, kó kui xotaa̱, já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, ko̱jo já xchá ngito̱ko̱o̱ na̱xi̱ńdaá xí katsangiya.

Matioo̱ 27:12

Kó kjiꞌanga já ngito̱ko̱o̱ chináꞌmii̱, ko̱jo já xchá ngito̱ko̱o̱ na̱xi̱ńdaá yíngítaꞌin Kjisoo̱, jmí ni katsójín.

Matioo̱ 27:63

kó bi̱ katsó: –Ndi̱a̱, je jaꞌátsjienjne̱ nga kui nda̱ ndisoo̱, bi̱ katsó nga kisꞌijña: Ngije kjo̱a̱ꞌa ján ni̱xtjin kjo̱a̱ꞌáꞌyána.

Matioo̱ 28:6

kꞌi̱e̱jín tikón, ngatꞌa̱ jè jaꞌáꞌyaá, xikó katsó kuí. Ja̱bíjnúꞌun, kó tsitsíjenjnúu̱ ngi̱ndie nínga ikꞌíjñá yojoo̱.

Markoo̱ 8:31

Kó Kjisoo̱ ítsꞌi̱yanii̱ nga akóyaá xotaa̱ nga ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Markoo̱ 9:12

Kó Kjisoo̱, bi̱ katsó: –Ja̱koxi̱ nga tjón Eliyaa̱ kjo̱e̱ꞌe, kó kuí xí sa̱ꞌíndaya ngayeje nii̱. Kó kótsꞌèn tjítꞌa xo̱jo̱n eén Néná kjo̱a̱a̱ ndií nda̱ xi̱ꞌii̱n. Tsó nga tsie xò kjo̱a̱ni̱ma̱ kjo̱a̱ꞌatio ko̱jo nga si̱ꞌanchꞌo xò.

Rkaa̱ 17:25

Ta̱nga tjón mára achichí kjo̱a̱ni̱ma̱ kjo̱a̱ꞌatio, kó ngayeje xota̱ xi̱ꞌbi̱ xi sa̱ꞌínchꞌó.

Rkaa̱ 24:46

kó bi̱ katsoó: –Bo̱a̱ tsꞌén je kjitꞌa xo̱jo̱o̱n nga chjiéngá tsie kjo̱a̱ni̱ma̱ kjo̱a̱ꞌatio Kristoo̱, ko̱jo nga xi ma ján ni̱xtjin kjo̱a̱ꞌáꞌyaá ngi̱jii̱n xota̱ xi je jesoón,

Rkaa̱ 9:31

kui jaá jaꞌatjiyajoo̱n kjo̱a̱jee̱ Néná, kó tsíchji̱a̱ni̱jmì kjo̱a̱a̱ kjo̱a̱bo̱ya xi sa̱ko̱ó Kjisoo̱ ki̱a̱ na̱xi̱ńdáꞌniú Jerusale̱n.