Matioo̱ 16:19 - Xo̱jo̱n eén Néná

¹⁹ Kó ji tsjaa yibii̱ nínga botíxomaa̱ Néná, kó ngayeje ni xi kuítꞌaꞌní jí tꞌanangii̱, si̱tꞌaꞌniú ndiꞌakꞌajmi jàn, kó ngayeje ni xi chjándé jí tꞌanangii̱ xtjóndó ndiꞌakꞌajmi jàn.

Matioo̱ 16:19 ပူးပေါင်းရင်းမြစ်များ

Matioo̱ 18:18

Ja̱koxi̱ ni xi xiánjnúꞌun nga ngayeje ni xi kuítꞌaꞌniújnú kꞌi̱e̱ tꞌanangii̱, ti̱ si̱tꞌaꞌniú ki̱a̱ ndiꞌakꞌajmii̱, kó ngayeje ni xi chjándójnú kꞌi̱e̱ tꞌanangii̱, ti̱ kꞌuíndondé ki̱a̱ ndiꞌakꞌajmii̱ nga.

Juaa̱ 20:23

Ngayeje xota̱ xi si̱ꞌanjetakónjnúu̱ jeé, Néná sa̱ꞌínjetakoón, kó ngayeje xota̱ xi si̱ꞌanjetakónjínjnúu̱ jeé, Néná sa̱ꞌínjetakónjiín.

Ni xi kamá 15:7

Kó ngije tsie askjoyáni kui kjo̱a̱a̱, jastjíe̱n Peé, kó bi̱ katsoó: –Jún já ntsꞌie, jún jè yàjnú nga je tsienii̱ nga Néná jaꞌájinna ngi̱jii̱n jún, tsi̱ꞌe̱ nga xiyàa̱ éntjatsi̱e̱e̱ Néná xota̱ xi jundío̱jiín, tsi̱ꞌe̱ nga sꞌi̱jii̱n.

2 Xota̱ Korinto̱ 2:10

An sa̱ꞌinjetakóo̱n xota̱ xi jún si̱ꞌanjetakónjnúu̱ ngo ni, ngatꞌa̱ ni xi je katsꞌenjetakón an, tsi chjiéngá sa̱ꞌinjetakón an, bo̱a̱ katsꞌen an ngindyi̱ko̱n Kristoo̱ nganda tsa̱jún,

1 Xota̱ Tesalónika̱ 4:8

Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.

Ni xi akakoo̱ 1:18

ko̱jo án boá xi tikòn an, kꞌien án ngasꞌe̱, ta̱nga ngotꞌe̱, tikòn án ngatsjéni̱xtjin, kó án boá xi tikónna yibii̱ nínga botíxomaa̱ kjo̱a̱bo̱yaa̱.

Ni xi akakoo̱ 11:6

Kui chistikoo̱ tjiín ngaꞌniú tsi̱ꞌe̱ nga ku̱i̱ꞌíchjá ndiꞌakꞌajmii̱, tsi̱ꞌe̱ nga ko̱a̱ꞌájín stseé kui ni̱xtjin nga ndyi̱tsóyá én xi kixiyàa̱, kó ti̱ tjiín ngaꞌniú tsi̱ꞌe̱ nga ndáfoaa̱ jín sa̱ꞌín, ko̱jo tsi̱ꞌe̱ nga sa̱ꞌínkjaꞌatio kjo̱a̱ni̱ma̱ xotaa̱ kui tꞌanangii̱ nga kji̱ndi̱bá ngayeje to̱ko̱ya ni xi ndajín, ta̱ xi kótjín ndi̱yà mejénrií.

Ni xi akakoo̱ 3:7

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Filandelfiaa̱: “Kui nii̱ xi tsó kui xi tsjie ko̱jo xi ja̱koxi̱i̱, kui xi tikoón yibii̱ nda̱ re Ndabii̱, kui xi kjiꞌanga tjín xi kjíxꞌá, ta̱ꞌyajín xi ka̱maa̱ ku̱i̱ꞌíchjá, kó kjiꞌanga tjín xi ꞌbíchjá, ta̱ꞌyajín xi ka̱maa̱ skjíxꞌá:

Ni xi akakoo̱ 9:1

Ndítsjie xi ma uún katsꞌénkjanie tjioo̱, kó kamábe an ngo ńño xi kjindibáni ndiꞌakꞌajmi jàn, kó tsꞌáka tꞌanangii̱, kó kuí xí katseꞌeé yibii̱ ti̱xa̱na̱nga̱a̱ tꞌanangii̱.