Matioo̱ 16:16 - Xo̱jo̱n eén Néná

¹⁶ Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 16:16 ပူးပေါင်းရင်းမြစ်များ

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Xo̱jo̱n Salmoo̱ 42:2

Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Matioo̱ 1:16

kó Jako̱b na̱ꞌmii̱ Kosiee̱, xi̱ꞌii̱n na̱ Riyaa̱, na̱aa̱n Kristoo̱.

Matioo̱ 14:33

Sꞌe̱ kui já xí síndoyá ngi̱ya tjotso jee̱, katsꞌéndikón Kjisoo̱, kó bi̱ katsoó: ¡Ja̱koxi̱ nga jí xi ndií Néná!

Matioo̱ 16:15

Kó Kjisoo̱, bi̱ katsoó: –Kó jún, ꞌyání an, kó ꞌmíjnú.

Matioo̱ 26:63

Ta̱nga Kjisoo̱ jmí ni katsójín. Kósꞌe̱ chináꞌmi xi ꞌniú nkꞌa xaá, bi̱ katsoó: –Ngiboanéná xi tikoón, nga tꞌíyéjne̱ tsi ji xi Kristoo̱, ndií Néná.

Matioo̱ 27:54

Kó ngito̱ko̱o̱ jájuún ko̱jo jájún xi ndyi̱konda Kjisoo̱ nga kamábe kjo̱a̱ndi̱ko̱ón, ko̱jo ngayeje ni xi kamaá, achichí katsakjónní, kó bi̱ katsó: –¡Ja̱koxi̱ nga kui nda̱a̱ xi ndií Néná!

Matioo̱ 4:3

Kó xi kjitꞌayákónná jachókoón Kjisoo̱ tsi̱ꞌe̱ nga skótꞌayákón, kó bi̱ katsoó: –Tsi ja̱koxi̱ nga ndií Néná jí, bo̱a̱ tꞌín ji nga pan ngatama kui ndi̱jo̱o̱.

Markoo̱ 14:61

Ta̱nga Kjisoo̱ jmí ni katsójín, kó nde ngo én tsíchji̱a̱jín. Sꞌe̱ chináꞌmi xi ꞌniú nkꞌa xaá ti̱ asíyá nginií, nga bi̱ katsoó: –A jí xí Kristoo̱ ji, a jí xí ndií Néná jí.

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 11:27

Sꞌe̱ bi̱ katsó na̱ Martaa̱: –Jo̱o̱n Ndi̱a̱, kó sꞌijinna nga jí xí Kristo̱ xi ndií Néná, xi kjo̱e̱ꞌe kuí nga̱sondiee̱.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Ni xi kamá 14:15

–¡Jún já! Míkjo̱a̱a̱ nga bi̱ kjiꞌi ni xi ndyi̱niꞌánjnú. A yàjínjnú nga xota̱ ji̱n xikoó jún, ja̱ kuíni nga jéꞌe̱ ji̱n nga kꞌuiníjmi̱jne̱ éntjatsi̱e̱e̱ Néná, tsi̱ꞌe̱ nga kꞌuijñámasienjnú kui ni xi niꞌánjnú xi jmí ni chjíjiín, kó ta̱sá Néná ti̱ndyi̱sé nginíjnú, kui Néná xí tikón ja̱koxi̱i̱, xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín,

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Ni xi kamá 8:37

Sꞌe̱ Ngiripee̱, bi̱ katsó: –Tsi ngayeje ini̱màa̱ nga sꞌijii̱n, ka̱ma. Kó kui nda̱a̱, bi̱ katsó: –Sꞌijinna nga Jesukristoo̱ xi ndií Néná.

Ni xi kamá 9:20

Kó Sauloo̱ ti̱ kjiꞌa íni̱jmì ki̱a̱ ndiꞌa nínga ndokjo̱a̱ eén Néná nga Kjisoo̱ xi ndií Néná.

Xota̱ Roma̱ 1:4

Ta̱nga nga jaꞌáꞌyaá Jesukristoo̱ ngi̱jii̱n xota̱ xi je jesoón, ta̱ngatꞌanií A̱si̱énni̱xtjii̱n Néná, kó akó nga ja̱koxi̱ nga kui xi ndií Néná xí tjiín ngaꞌniuú.

2 Xota̱ Korinto̱ 1:19

Ngatꞌa̱ Jesukristoo̱ kuí xí ndií Néná, kó kjo̱a̱a̱ kuí boá xi ikꞌíni̱jmìjne̱ Silbanoo̱, ko̱jo Timoo̱, ko̱jo an ngi̱jinjnú, jmí tsi “jo̱o̱n” ko̱jo “jmí” ti̱ kjiꞌa katsó, kuí boá xi ngatsjéni̱xtjin “jo̱o̱n” tsó Néná.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

2 Xota̱ Korinto̱ 6:16

Kó kótsꞌèn ka̱mangojo̱ xkjín na̱ngo̱xi̱i̱ Néná, ko̱jo a̱sie̱én ngo ne xi tsꞌénda xotaa̱. Ngatꞌa̱ ñá boá xi na̱ngo̱xi̱i̱ Néná xí tikoón, xikó katsó ti̱ kuii̱ Néná: Ki̱a̱ kotíjña̱jìi̱n, kó ki̱a̱ kjótsoꞌbájìi̱n, kó an xí Nee̱ ka̱ma an, kó kui xotaa̱, xi xota̱ na̱xi̱ńdána ka̱ma.

Ndeuteronomio̱ 5:26

Ngayeje xota̱ xi be nga májín ndaꞌyaá nda̱a̱ Néná, xikótsꞌèn je kandaꞌyáa̱ ñá, kó to̱kó tindyión nga̱sondie.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

1 Timoo̱ 3:15

kó tsi kꞌo̱ndíyána, mejénna nga xchi̱e̱ ji kótsꞌèn ꞌbíndo xota̱ xi tsi̱ꞌe̱ Néná, kuí boá kui xotaa̱ xi na̱ngo̱xi̱i̱ Néná xi tikoón. Xota̱ na̱ngo̱xi̱i̱ kuí boá xi kjininkꞌá, ko̱jo xi tsja ngaꞌniuú én xí ja̱koxi̱i̱.

1 Timoo̱ 4:10

Ngatꞌa̱ ta̱ngatꞌanii̱ kui nii̱ nga ꞌniú ndyi̱niꞌánxá, ko̱jo nga ndyi̱bixkántjé, ngatꞌa̱ ndyi̱chiyáa̱ ni nda xi tsja̱aná kui Néná xi tikoón, kui xi ꞌboxiéꞌá ngayeje xotaa̱, ngase ma kui xota̱ xi sꞌijii̱n Néná.

Xota̱ Ebreo̱ 10:31

¡Achichí ndikón kjiꞌi nga xota̱ xi ndyi̱tsꞌènjeé kꞌo̱ka ngi̱ya tsja kui Néná xí tikoón!

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Xota̱ Ebreo̱ 3:12

Chónjnú yojojnú ntsꞌie, nga ngojín jún xi ꞌbeé ngo ini̱ma̱ xi ta̱nisién ndajín, ko̱jo tsi sꞌijinjiín tsi̱ꞌe̱ nga xín si̱ꞌankjaꞌájnúu̱ yojojnú kui Néná xí tikoón.

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Juaa̱ 4:15

Ngayeje xota̱ xi ka̱tso̱yà nga Kjisoo̱ xi ndií Néná, Néná tikónjii̱n xi bo̱a̱ ka̱tso̱o̱, kó kui tikónjii̱n Néná.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

1 Xo̱jo̱o̱n Juaa̱ 5:5

Xi sꞌijii̱n nga Kjisoo̱ xi ndií Néná, kuí boá xi tsꞌeén nga tsꞌénchájá kui nga̱sondiee̱.

Ni xi akakoo̱ 7:2

Ti̱ kamábe an ingo ndítsjie xi kjindibáni xtji̱e̱e̱n nínga fotjo tsꞌueé, xi tikoón chi̱bo̱a̱a̱ seyoo̱ kui Néná xí tikoón, kó kui ndítsjiee̱ ꞌniú askjandáyà nga tsíchji̱a̱a̱ xi ngi nijón ndítsjie xi je katseꞌeé ngaꞌniú, tsi̱ꞌe̱ nga sa̱ꞌínꞌoón tꞌanangii̱ ko̱jo ndáchíkoón, kó bi̱ katsoó: