Matioo̱ 15:31 - Xo̱jo̱n eén Néná

³¹ ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.

Matioo̱ 15:31 ပူးပေါင်းရင်းမြစ်များ

Jenesii̱s 32:28

kui nda̱a̱ bi̱ katsoó: —Jè ngiti̱ Jakoo̱bjín kꞌuiín, Israee̱l kꞌuiín ngotꞌe̱, ngatꞌa̱ jè ikixkénje̱ ji Néná ko̱jo xota̱ nga̱sondiee̱, kó kiniꞌíi̱n.

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Éksondo̱ 24:10

Kó ki̱a̱a̱ ngayeje kui xota̱ Israee̱l kamábe Néná, kó iskjiniejo̱ nichinie, kó katsꞌejo̱ ni ꞌyó, ta̱nga Néná jmí ni katsꞌénjo̱jín. Ngindie se Néná kisꞌijña ngo ni xi achichí ꞌna̱ kamá xikó maá nkꞌajmii̱, ¡ngaskande bo̱a̱ má kisꞌie xikoó ngo tꞌanangi xi ndi̱jo̱ aso xi chi̱tsen kamándani!

Matioo̱ 15:30

Kó achichí má xota̱ xi jachókoón Kjisoo̱ xi jachójo̱ xota̱ xi fí ni̱ma̱ tꞌa, ko̱jo xota̱ xi ti̱ka̱, ko̱jo xota̱ xi ni̱ma̱ tsja, ko̱jo xota̱ xi májín chji̱a̱, ko̱jo achichí xota̱ xi ndajín tjiín, kó Kjisoo̱ ngayejee̱ nga katsꞌéndaya,

Matioo̱ 18:8

Kuíni nga tsi ndse̱ ko̱jo tsi ndsa̱ki ko̱ngijeé, ta̱sá ti̱chékjé jí, kó kjin ti̱chíjmi, ta̱sá ndatsi ka̱tòn ndse̱ ko̱jo tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ ko̱jo tsi síndo nga jó ndsa̱ki nga ku̱i̱chíjmijii̱n ngi̱jii̱n ndiꞌí xí jmíni̱xtjin kꞌo̱o̱.

Matioo̱ 21:14

Kó xota̱ xi ti̱ka̱ ko̱jo xi fí ni̱ma̱ tꞌa, jachókoón Kjisoo̱ ki̱a̱ na̱ngo̱xi̱i̱, kó katsꞌéndaya.

Matioo̱ 8:10

Nga tsintꞌié kuí nii̱ Kjisoo̱, achichí kijíndikoón, kó bi̱ katsoó xota̱ xi yajátji̱ngii̱: –Ja̱koxi̱ ni xi xiánjnúꞌun nga kji̱e̱ ngo nda̱ sakóna kꞌi̱e̱ Israee̱l xi bi̱ tsꞌén ꞌniú sꞌijii̱n.

Matioo̱ 9:32

Kó tji̱e̱nga ndyi̱fotjo kui jaá, ngo nda̱ xi ni̱ma̱ xi májín chji̱a̱ xi tjíjii̱n ngo a̱si̱énni̱xtjii̱n xindajín jachóchinií.

Matioo̱ 9:33

Kó Kjisoo̱ ngije tsꞌaxié kui a̱si̱énni̱xtjii̱n xindajiín, nda̱ xi májín chji̱a̱a̱, tsíchji̱a̱, kó ngayeje xotaa̱ kijíndikoón kui nii̱, kó bi̱ katsoó xkjín: Kji̱e̱ ngo ndi̱yà yàjne̱ kui nii̱ kꞌi̱e̱ Israee̱l.

Matioo̱ 9:8

Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Markoo̱ 2:12

Kósꞌe̱ kui nda̱ xi ni̱ma̱a̱, tji̱e̱nmá jastjíe̱n, iskjíbé ṉchaa̱n, sꞌe̱ jataxie nga kamábe ngayeje xotaa̱, kó achichí kijíndikoón ngayejee̱, kó katsjaá kjo̱a̱je Néná, nga bi̱ katsoó xkjín: –Kji̱e̱ ngo ndi̱yà yàjne̱ ngo ni xi xikoó xi̱ꞌbi̱.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Markoo̱ 9:43

Kuíni nga tsi ndse̱ ko̱ngijeé, ta̱sá ti̱chékjé jí, ta̱sá nda tsi ka̱tòn ndse̱ nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ nga kꞌuin jí ndo̱bo̱a̱ṉkꞌi̱e̱e̱n, ngi̱jii̱n ndiꞌí xí jmíni̱xtjin ꞌboo̱,

Rkaa̱ 14:13

Ta̱sá kjiꞌanga ngo sꞌué si̱ꞌin, tꞌíyée̱ xota̱ ni̱ma̱a̱, ko̱jo xota̱ xi ni̱ma̱ tsja, ko̱jo xota̱ xi májín fí, ko̱jo xota̱ xi ti̱ka̱,

Rkaa̱ 14:21

Nga jachó nginí kui mosoo̱, katsóyaà ndi̱a̱ xi tjítsꞌén sꞌueé, kó achichí katsꞌénxchán kuí nda̱a̱, sꞌe̱ bi̱ katsoó mosoo̱: “Tꞌen ji ngayeje nínga síndo ndi̱tse̱n, ko̱jo ndi̱yàtié, kó ndibéje̱ ngayeje xota̱ ni̱ma̱, ko̱jo xota̱ xi ni̱ma̱ tsja, ko̱jo xota̱ xi ni̱ma̱ se, ko̱jo xota̱ xi ti̱ka̱.”

Rkaa̱ 18:43

Ti̱ kjiꞌa kamátsijen nginií nda̱ ti̱ka̱a̱, kó kijítji̱ngii̱ nga katsjaá kjo̱a̱je Néná, kó ngayeje xota̱ na̱xi̱ńdá xí kamábe kui nii̱, katsꞌéntsjaà Néná.

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.