Matioo̱ 13:52 - Xo̱jo̱n eén Néná

⁵² Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.

Matioo̱ 13:52 ပူးပေါင်းရင်းမြစ်များ

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Énkjínkón 15:7

Kjiꞌanga chji̱a̱ xota̱ xi kjínkoón, kjo̱a̱kjíntakón boá xi bokoyá, ¡ta̱nga xota̱ xi kitikjo̱a̱a̱ bo̱a̱jín tsꞌén tikón ini̱ma̱a̱!

Énkjínkón 18:4

Én xí chji̱a̱ xotaa̱, xikónií ndáfoa xi tjín nínga ꞌniú na̱nga̱a̱, ta̱nga kjo̱a̱kjínkoón, kuí boá xi xikoó ndáfoa xi jmíni̱xtjin fe.

Én xí nda xi ꞌniú tsjatsó ngasee̱ 7:13

Yámandrángoraa̱ je kjifoaꞌándá naxó xí boajaá, kó tꞌa nga̱ntjo̱a̱ná je tjín ngayeje to̱ko̱ya to xi nda chinie, to xi sꞌe̱ kichꞌieje̱n má, ko̱jo to xi je tsienii̱ nga kaꞌnaje̱n, jí boá xi tsꞌénfoaꞌatjoó kui too̱, ji xota̱ xi tjóna.

Matioo̱ 12:35

Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

Matioo̱ 13:51

Sꞌe̱ bi̱ katsó Kjisoo̱ nga asíyá: –A makjínjnú ngayeje kui nii̱. –Jo̱o̱n, Ndi̱a̱. Katsó kui jaá.

Matioo̱ 13:53

Kó ngije tsíchji̱a̱ Kjisoo̱ kui énkjiín, xín kijí.

Matioo̱ 23:34

Kuíni nga an sangiyájnúꞌun já chji̱ni̱e̱ꞌe̱én Néná, já chji̱ni̱e̱ xi kjínkón ko̱jo chji̱ni̱e̱kjo̱a̱kiti, ta̱nga tjín kuí jaá xi si̱ꞌankꞌiénjnú ko̱jo tjín xí kjótꞌajnú kro, tjín xí kjoájnúu̱ ngi̱ya ndiꞌa nínga ndokjo̱a̱ eén Néná, kó kje̱ꞌe xi ku̱i̱yotjingíjnúu̱ xki̱ na̱xi̱ńdá,

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Rkaa̱ 11:49

Kuíni nga Néná, bi̱ katsó nga katsꞌénkjién kjo̱a̱kjínkoón: “An sangiyájnúꞌun já chji̱ni̱e̱ꞌe̱én ko̱jo já apostro̱, kó kui xotaa̱ tjín xí si̱ꞌankꞌien, kó ti̱ tjín xí ku̱i̱yòtjíngií.”

Juaa̱ 13:34

Ngo kjo̱a̱botíxoma tja̱tsi̱e̱ tsjajnúꞌun: Tjó ti̱ꞌánjnú nga ngo nga ngo xingi̱jnú, xikótsꞌèn katsꞌentjójnúꞌun jún, ti̱ bo̱a̱ ti̱ tsꞌén ti̱ꞌantjójnú xingi̱jnú.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

Xota̱ Éfeso̱ 3:4

Kjiꞌanga si̱ꞌanyajnú kui xo̱jo̱o̱n, xcha̱jnú nga nda makjínna ni xi índa Néná ngatꞌaa̱ Kristoo̱.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Kolosa̱ 1:7

Kuí eén xi kamájnú nga akóyájnú nda̱ ntsꞌié xi tjóná xi ꞌmí Epafraa̱, kui nda̱ xi kixi̱ fíjo̱ xaá, nga tjítsꞌén xaá Jesukristoo̱ nganda tsa̱jún.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

1 Timoo̱ 3:6

Jmí tsi ngo nda̱ xi sꞌe̱ tsi kisꞌijii̱n Néná, ngatꞌa̱ tsi ta̱ je ka̱maa̱ yojoo̱, kó xikótsꞌèn kamájeé xindajín ndiabloo̱ bo̱a̱ ka̱maa̱.

Titoo̱ 1:9

Én xi ꞌniátakón xí akakoyaá, kó kuí xí chjiéngá ko̱kóyá, tsi̱ꞌe̱ nga ka̱maa̱ tsja̱angaꞌniuú kje̱ꞌe xota̱ nga sa̱ꞌínkjién kuí kjo̱a̱bokoyá ndaa̱, ko̱jo tsi̱ꞌe̱ nga sa̱ꞌínkie nga sa̱ꞌínkꞌoyà yojoo̱ kui xota̱ xi kondra̱ síndonii̱ kui kjo̱a̱bokoyaá.