Matioo̱ 13:44 - Xo̱jo̱n eén Néná

⁴⁴ Nínga botíxomaa̱ Néná, xikónií ngo ti̱jìto̱n xi tikónꞌmá ngo ngindie kꞌijñá, kó ngo nda̱ sa̱ko̱ó, kó ti̱ ki̱a̱a̱ ku̱i̱ꞌíjñaꞌma nginí, kó achichí tsja tjiín sꞌe̱ fí ndiꞌaa̱, kó botiñá ngayeje ni xi tjiín, sꞌe̱ ꞌbotsie kui kꞌijñaá.

Matioo̱ 13:44 ပူးပေါင်းရင်းမြစ်များ

Joo̱b 28:13

Jmíjín xi be kókjiꞌi chjínií xota̱ nga̱sondiee̱, ngatꞌa̱ jmí tsi kui nga̱sondiee̱ chji̱a̱ni.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Énkjínkón 17:16

Kótsꞌèn ka̱maa̱ kꞌo̱tsieni kjo̱a̱kjínkón xota̱ xi kitikjo̱a̱a̱, xi ndatsi tjiín to̱n, ta̱nga jmí ni makjínjiín.

Énkjínkón 18:1

Xota̱ xi ndikonkoón, ta̱ ni xi nda maá kuí tsí xi mongase, kó chꞌo maa̱ nga tjín xí tsjaá ngo kjo̱a̱botíxoma xi nda.

Énkjínkón 23:23

Ti̱ndyi̱sé ji kjo̱a̱kixi̱i̱, ko̱jo kjo̱a̱kjínkoón, ko̱jo kjo̱a̱chji̱ni̱e̱e̱, ko̱jo kjo̱a̱kjíntakoón, ¡kó ngata̱ bosíkjejín ji kui nii̱!

Matioo̱ 13:24

Kjisoo̱ katsóyaà ingo énkjín, xi bi̱ tsó: –Nínga botíxomaa̱ Néná xikónií ngo nda̱ xi ítji̱e̱ xojmá xí nda jno̱ nínga tsꞌénxá,

Matioo̱ 13:46

kó ngije sa̱ko̱ó ngo xi ꞌniú chjií, kijí ndiꞌaa̱, kó atíñá ngayeje ni xi tjiín, sꞌe̱ tsꞌatsie kui ndi̱jo̱o̱.

Matioo̱ 13:47

Ti̱ bo̱a̱ ti̱ tsꞌén nínga botíxomaa̱ Néná xikó maá ngo nda̱ꞌya xi ikjien ngi̱jin ndáchíkoón, kó ngayeje to̱ko̱ya tji̱o̱ fíyaá,

Matioo̱ 19:21

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Matioo̱ 19:27

Kósꞌe̱ bi̱ katsó Peé: –Ja̱ jè yé ji, nga ji̱n ngayeje nii̱ ikꞌíjñámasienjne̱, kó kꞌi̱e̱ timatji̱ngijne̱ ji. Kó mí ni xi sa̱kójne̱.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 6:21

Ngatꞌa̱ nínga tikón kjo̱a̱cho̱njnú, ti̱ ki̱a̱ kꞌuijñá ini̱ma̱jnú nga.

Rkaa̱ 14:33

Bo̱a̱ tsꞌén, ta̱ꞌyaní jún xi tjónjín kꞌuijñámasienjnú ngayeje ni xi tjínjnú, ka̱májín xota̱na ka̱majnú.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Xota̱ Roma̱ 15:4

Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná.

Xota̱ Kolosa̱ 2:3

Kuíni nga kjiꞌanga xcha̱ Kristoo̱ sa̱kóná ngayeje kjo̱a̱kjínkón, ko̱jo kjo̱a̱kjíntakón xi ꞌniú chjínií.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.