Matioo̱ 13:38 - Xo̱jo̱n eén Néná

³⁸ kó jno̱o̱, kuí xí nga̱sondiee̱, kó xojmá xi ndaa̱, kuí xí xota̱ xi tsi̱ꞌe̱ nínga botixómá Néná, kó xka̱ xi ndajiín, kuí xí xota̱ xi tsi̱ꞌe̱ xindajín,

Matioo̱ 13:38 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Xo̱jo̱n Salmoo̱ 22:30

Ngo xtín xota̱ tji̱e̱ xi je katjoꞌójin sa̱ꞌínseén, kó kui nii̱ xi kꞌuiníjmì ngi̱jii̱n ngaskande xota̱ tji̱e̱ xi jaskan kꞌuieé.

Matioo̱ 13:19

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Matioo̱ 24:14

Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.

Matioo̱ 5:37

Ta̱sá kjiꞌanga ko̱ndókjo̱a̱jnú «jo̱o̱n» tꞌínjnú tsi ngo ni xi bo̱a̱ kjiꞌi, kó «jmí» tꞌínjnú tsi ngo ni xi bo̱a̱jín kjiꞌi, ngatꞌa̱ ngayeje én xí sꞌi̱són ngasee̱, tsi̱ꞌe̱ xindajín boá.

Matioo̱ 8:12

ta̱nga xi ndií kui ngi̱ndie nínga botíxomaa̱, ndi̱tsén jàn nínga jñoó ko̱ꞌna̱xié, kó ki̱a̱ boá nínga skja̱ndá, ko̱jo nínga skji̱ni̱e̱ya má ṉꞌni̱u̱ kui xotaa̱.

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Juaa̱ 12:24

Ja̱koxi̱, ja̱koxi̱ ni xi xiánjnúꞌun, nga tsi ngo xojmaá to ndso̱ko̱a̱n ṉño̱pan xi kꞌo̱kajín tꞌanangii̱, kó tsi ko̱yàjín, kꞌuijñá soboá, ta̱nga tsi ko̱yà, achichí to kꞌuieé.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Ni xi kamá 13:10

sꞌe̱ bi̱ katsoó: –¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná.

Xota̱ Roma̱ 10:18

Ta̱nga an bosíyá an: A tsintꞌiéjín. ¡Ja̱koxi̱ nga jè tsintꞌié! Bi̱ tsó xo̱jo̱o̱n Néná: Nda̱a̱ je kandaꞌyá ngayeje nga̱sondiee̱, kó eén je jachó ngaskande nínga fetꞌanii̱ nga̱sondiee̱.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 14:6

Kó kamábe an ingo ndítsjie xi tsoꞌbátji̱e̱n ngamasiee̱n ndiꞌakꞌajmii̱, kó ngo éntjatsi̱e̱ xi májiín fe tsꞌényaꞌa, tsi̱ꞌe̱ nga ku̱i̱ꞌíni̱jmi̱ì ngayeje xota̱ xi síndo tꞌanangii̱, ko̱jo na̱xi̱ńdá, ko̱jo xtín xota̱, ko̱jo én, ko̱jo xota̱ na̱xi̱ńdá,