Matioo̱ 13:11 - Xo̱jo̱n eén Néná

¹¹ Kó Kjisoo̱, bi̱ katsó: –Ngatꞌa̱ jún jè kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xotaa̱ kji̱e̱ ꞌmíyajiín.

Matioo̱ 13:11 ပူးပေါင်းရင်းမြစ်များ

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Matioo̱ 13:10

Kósꞌe̱ xota̱ tsi̱ꞌe̱ Kjisoo̱ kijíkóntiñaa̱, kó bi̱ katsoó nga asíyaá: –Míkjo̱a̱a̱ nga énkjín ndokjo̱e̱je ji xotaa̱.

Matioo̱ 16:17

Kó Kjisoo̱, bi̱ katsó: –Achichíra̱tsjaa̱ ji Ximo̱, ndií Jonaa̱, ngatꞌa̱ jmí tsi jín ko̱jo tsi yojo xi katsóyaà kui nii̱, Na̱ꞌmina xi tikón ndiꞌakꞌajmii̱ boá xi katsóyaà.

Matioo̱ 19:11

Ta̱nga Kjisoo̱, bi̱ katsó: –Kui nii̱, jmí tsi ngayeje xota̱ xi makjiín, ta̱kuítsí xota̱ xi Néná je katsjaá tsi̱ꞌe̱ nga ka̱makjiín.

Matioo̱ 20:23

Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an, ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndie xi je íjñanda.

Markoo̱ 10:40

ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndiee̱.

Markoo̱ 4:11

Kó Kjisoo̱, bi̱ katsoó: –Jún je kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xota̱ xi síndo ndi̱tsén jàn énkjín xí tjindókjo̱a̱jo nga tjíꞌmíyaá ngayeje nii̱,

Rkaa̱ 8:10

Kó Kjisoo̱, bi̱ katsó: –Jún jè kiꞌmíyàjnú ni xi tjiꞌmaá xikótsꞌèn botixómá Néná, ta̱nga xota̱ xi ngasee̱ énkjín xí tjindókjo̱a̱jo, tsi̱ꞌe̱ nga ndatsi skotsíjen, sku̱i̱e̱jín, kó ndatsi ku̱i̱ntꞌiè, ka̱makjínjiín.

Juaa̱ 6:65

Kó bi̱ katsó Kjisoo̱: –Ja̱ kuíni je bo̱a̱ kixianjnúꞌun nga nde ngojín xi ko̱e̱je̱konna, tsi Na̱ꞌminajín xi tsja̱á kjo̱a̱.

Juaa̱ 7:17

tsi tjín xí mejeén sa̱ꞌínkjatjosón ni xi mejeén Néná, sku̱i̱e̱ tsi tsi̱ꞌe̱ Néná ni xi bokoyá an, ko̱jo tsi tsa̱ꞌa̱n.

Ni xi kamá 16:14

Kó ngo kui xota̱chjo̱on xi ꞌmí na̱ Lindia̱, xi chji̱a̱ni na̱xi̱ńdáꞌniú Tiatira̱ xi botiñá ńjño nda ńjño tsjakon xi a̱si̱én koán ndyi̱yaꞌa, kui xota̱chjo̱on ꞌniú kamábendikón Néná, kó tsintꞌié eén, kó Ndi̱a̱ná katsꞌénꞌinda ini̱ma̱a̱ tsi̱ꞌe̱ nga asiénnijoo̱n én xí tsíchji̱a̱ Pabloo̱.

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

1 Xota̱ Korinto̱ 13:2

Kó tsi tjínna ngo kjo̱a̱nda nga xiyà an én xí Néná tsjá, kó tsi makjínna ngayeje ni xi íꞌmá Néná ngasꞌe̱, kó tsi makjínna ta̱jmì niní, kó tsi ꞌniú sꞌijinna Néná, nga ngaskande ka̱mana sa̱ꞌintíyáa̱ ngo na̱xi̱, ta̱nga tsi jmíjínna kjo̱a̱tjó, jmí ni chjíjiín an.

1 Xota̱ Korinto̱ 15:51

Ta̱nga mejénna nga xcha̱jnú ngo ni xi tjiꞌmaá Néná: Jmí tsi ngayeje ñá nga ko̱yà, ta̱nga ngayeje ñá nga sa̱si̱kjoyá,

1 Xota̱ Korinto̱ 2:14

Ta̱nga kjíbéjín kui nii̱ xota̱ xi tsꞌénkjó ni xi tjíjinkon xota̱ nga̱sondiee̱, ngatꞌa̱ ta̱ ton maá, kó makjínjiín, ngatꞌa̱ ti̱kuíní A̱si̱énni̱xtjii̱n xi bokóná ni xi tsi̱ꞌe̱ Néná.

1 Xota̱ Korinto̱ 2:7

Én xí ndyi̱ndokjo̱a̱jne̱ kjo̱a̱kjínkoón Néná xi jmíjín xi bee boá, kjo̱a̱kjínkón xi tjiꞌmaá, tsi̱ꞌe̱ nga ko̱jo ñá, ka̱ma kꞌuiéná kjo̱a̱je xi íjñanda Néná ndeskande ngindiee̱ nga katsꞌénda nga̱sondiee̱.

1 Xota̱ Korinto̱ 4:1

Kó kuíni nga mejénna nga jún kjójintakónjnú nga moso̱ xi tsi̱ꞌe̱ Kristoo̱ boá ji̱n, ko̱jo nga ndyi̱bokojne̱ ngotꞌe̱ ni xi tsi̱ꞌe̱ Néná, kui ni xi kisꞌijña ꞌmaa̱ xotaa̱ ngasꞌe̱.

1 Xota̱ Korinto̱ 4:7

Ngatꞌa̱, ꞌyá xí bo̱a̱ tjítsó nga nda ngase ji xota̱. Kó mí ni xi tjiín jí xi Nénájín xi katsjaá. Kó tsi Néná xí katsjaá, míkjo̱a̱a̱ nga je tiꞌnaxié ji yojòo̱, xikoó tsi ji kasako so̱bo̱a̱a̱ kui nii̱.

Xota̱ Éfeso̱ 1:18

Ti̱ míꞌáa̱ Néná nga ka̱makjín cha̱n cha̱njnú kókjiꞌi kui kjo̱a̱chiyaá xota̱ xi je Néná tsíchji̱a̱a̱, tsi̱ꞌe̱ nga xcha̱jnú kókjiꞌi je ni xi tsja̱á xota̱ tsjiee̱.

Xota̱ Éfeso̱ 1:9

kó akóná ni xi kamámejeén nga sa̱ꞌín, xi íjñá ꞌma kje̱ꞌe ni̱xtjin, ngatꞌa̱ kamátsjaá nga índa tjón tjón ni xi sa̱ꞌín Kristoo̱.

Xota̱ Éfeso̱ 5:32

Achichí je kui ni xi tjiꞌmaá Néná, ta̱nga tsꞌenkjién án kui nii̱ nga chjiá an kjo̱a̱a̱ Kristoo̱, ko̱jo kjo̱a̱a̱ xota̱ na̱ngo̱xi̱i̱.

Xota̱ Éfeso̱ 6:19

Ti̱ bo̱a̱ ti̱ tsꞌén ndókjo̱a̱tjéjnúꞌun nga ko̱ndókjo̱a̱jnúu̱ Néná, tsi̱ꞌe̱ nga tsja̱ana én xí kꞌuini̱jmì an, ko̱jo tsi̱ꞌe̱ nga stsakjonjín an nga kuichjiá an, kó bo̱a̱ tsꞌén nga ka̱ma koko an ni xi kisiꞌma ngasꞌe̱ xi tsꞌén bokó éntjatsi̱e̱e̱ Néná ngotꞌe̱.

Xota̱ Kolosa̱ 2:2

Tsjàa̱ kjo̱a̱ni̱ma̱ yojona, tsi̱ꞌe̱ nga sa̱kó ngaꞌniuú ini̱ma̱a̱ xota̱ na̱ngo̱xi̱i̱, nga ta̱ ngo tjín ko̱a̱ꞌa̱ xkjín nga kꞌuieé kjo̱a̱tjó, ko̱jo nga kꞌuieé kjo̱a̱cho̱o̱n kjo̱a̱kjíntakón xi ndaa̱, tsi̱ꞌe̱ nga ka̱makjiín ni xi íjña ꞌma Néná ngasꞌe̱, kui xi Kristoo̱ ngotꞌe̱.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

1 Timoo̱ 3:9

Chjiéngá ꞌniú kꞌuíndojin kjo̱a̱sꞌijii̱n, kui ni xi ikꞌíjñáꞌma ngasꞌe̱, ta̱nga ngotꞌe̱ ꞌne̱, je tjisꞌíjñátsijen, ko̱jo nga tsjietsꞌén kꞌuijñá kjo̱a̱kjíntakoón.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

1 Xo̱jo̱o̱n Juaa̱ 2:20

Ta̱nga jún jè tikónjnú A̱si̱énni̱xtjii̱n Néná xi katsjájnú Kristoo̱, kó jè yàjnú ni xi ja̱koxi̱i̱.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.