Matioo̱ 12:41 - Xo̱jo̱n eén Néná

⁴¹ Xota̱ xi chji̱a̱ni na̱xi̱ńdáꞌniú Nínibe̱ kjo̱stjíe̱n ni̱xtjin nga si̱ꞌanjeé kui xotaa̱, kó kuí xí sa̱ꞌínjeé kui xotaa̱, ngatꞌa̱ nga tsintꞌié ni xi íni̱jmì Jonaa̱, katsꞌénkꞌoyá yojoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Jonaa̱.

Matioo̱ 12:41 ပူးပေါင်းရင်းမြစ်များ

Jonaa̱ 1:2

«¡Ti̱sítji̱n, kó tꞌen ji ki̱a̱ na̱xi̱ńdáꞌniú Nínibe̱, kui na̱xi̱ńdáꞌniú xí jee̱, kó bo̱a̱ tꞌíi̱n kui xotaa̱ nga kui ni xi ndajín xí ndyi̱tsꞌèn, ngaskande ngindyikón án je jeꞌe!»

Jonaa̱ 3:4

Kó tsꞌasꞌien Jonaa̱ na̱xi̱ńdáꞌniuú, kó nga ngo ni̱xtjii̱n nga askjandáyaá xotaa̱ nga bi̱ katsoó: «¡Ngotꞌe̱ yichán ni̱xtjii̱n, Néná sa̱ꞌínkjié kui na̱xi̱ńdáꞌniuú!»

Matioo̱ 12:39

Sꞌe̱ Kjisoo̱, bi̱ katsó: –Kui xota̱ xi ndajín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱.

Matioo̱ 12:42

Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.

Matioo̱ 12:45

Kósꞌe̱ fí, kó ꞌbitíkó ngi yito a̱siénni̱xtjin xi ꞌniú ndajín ngase ta̱bo̱a̱jiín kui, kó ꞌbosꞌienjin nginií kui nda̱a̱, kó ki̱a̱ ꞌbíndo, kó kui nda̱a̱ chꞌo ngase tsꞌén ꞌbíjñá ta̱bo̱a̱jiín ngasꞌe̱. Bo̱a̱ ti̱ ka̱maa̱ xota̱ xi ndajín xi tjín ngotꞌe̱.

Matioo̱ 12:6

Ta̱nga xiyàjnúꞌun nga kꞌi̱e̱ tikónjo̱jnú ngo nda̱ xi chjí ngasenii̱ ta̱bo̱a̱jiín na̱ngo̱xi̱i̱.

Matioo̱ 16:4

Kui xota̱ xi ndajiín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱. Sꞌe̱ Kjisoo̱ índomasien kui jaá, kó kijí.

Matioo̱ 17:17

Kó Kjisoo̱, bi̱ katsó: ¡Xota̱ xi sꞌijinjiín ko̱jo xi ndajín! Ngaskande kjiꞌání nga chjiéngá kotíjña̱jojnúꞌun. Ngaskande kjiꞌání nga ta̱kó sa̱ꞌinchíkjo̱a̱jnúꞌun. ¡Ndibájo̱jnúꞌun kꞌi̱e̱e̱!

Matioo̱ 23:36

Ja̱koxi̱ boá nga xota̱ xi tjín ngotꞌe̱ sa̱tíjeé nga ku̱i̱ꞌíchjí kjo̱a̱a̱ ngayeje kui nii̱.

Rkaa̱ 11:32

Xota̱ xi chji̱a̱ni na̱xi̱ńdáꞌniú Nínibe̱, kjo̱stjíe̱n ni̱xtjin nga si̱ꞌanjeé kui xotaa̱, kó kuí xí sa̱ꞌínjeé kui xotaa̱, ngatꞌa̱ nga tsintꞌié ni xi íni̱jmì Jonaa̱ katsꞌénkꞌoyá yojoo̱, kó ngotꞌe̱ ꞌne̱, kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Jonaa̱.

Juaa̱ 3:31

Kui xi kjindibáni nkꞌa jàn, kuí xí je ngase ta̱bo̱a̱jínnii̱ ta̱ꞌya xota̱ní, kó kui xi nga̱sondiee̱ nangii̱, kuí xí xota̱ nga̱sondie, kó ni xi tsi̱ꞌe̱ nga̱sondiee̱ xí chji̱a̱. Ta̱nga kui xi ndiꞌakꞌajmi jàn kjindibáni, je ngase ta̱bo̱a̱jínnii̱ ta̱ꞌya xota̱ní,

Juaa̱ 4:12

A xchá ngase ji ta̱bo̱a̱jiín xota̱ tji̱e̱ xchájne̱ Jako̱b, xi katsjájne̱ kui ndáńchꞌií, nínga katsꞌe ndáfoa kui, ko̱jo ndií, ko̱jo cho̱ xi kamáxchaá.

Xota̱ Roma̱ 2:27

Kó tsi ngo xota̱ xi jmíjiín sirkunsisioo̱n, ta̱nga tsꞌénkjátjosón cha̱n cha̱n kjo̱a̱kitii̱, kuí boá xi ka̱tso̱yà tsi nda ko̱jo tsi ndajín tiniꞌín ji, ji xi ye ji kjo̱a̱kitii̱ ko̱jo kjo̱a̱sirkunsisioo̱n kó tiniꞌínkjatjosénjín ji.

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.