Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matioo̱ 12:35 - Xo̱jo̱n eén Néná

35 Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

အခန်းကိုကြည့်ပါ။ ကော်ပီ




Matioo̱ 12:35
17 ပူးပေါင်းရင်းမြစ်များ  

Kui xotaa̱ ku̱i̱chji̱a̱joo ko̱jo ko̱kóyaá, kó ndeskande ngi̱jin ini̱ma̱a̱ kꞌo̱xiéni én xí ku̱i̱chji̱a̱joo.


Kjiꞌanga chji̱a̱ xota̱ xi ꞌniú ndajiín, chja̱ya̱ xi tsꞌenkꞌiénná boá xi ꞌbíndoo̱ xotaa̱, ta̱nga kjiꞌanga chji̱a̱ xota̱ xi kixi̱i̱, kuí nii̱ xi ꞌboxiéꞌá kui xotaa̱.


Achichí tsjá maá xotaa̱ nga be nga nda ni xi chji̱a̱, kó achichí nda ngase maa̱ kjiꞌanga kuí má chi̱bo̱a̱a̱ nga tsjá ngo én.


Ini̱ma̱a̱ xota̱ xi kixi̱i̱ tjón tsꞌénkjó ni xi ku̱i̱chji̱a̱, ta̱nga tsꞌoa xota̱ xi ꞌniú ndajiín, ni xi ndajín boá xi chji̱a̱.


Én xí nda ndokjo̱a̱a̱, kuí boá xi xikoó yá xí tsjá kjo̱a̱mindyioo̱n, ta̱nga én xí chꞌo tsoó, tsꞌéndásénná.


¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.


Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.


Bo̱a̱ tsꞌén nga ngayeje yá xí nda, to xi nda xí tsjá, ta̱nga yá xí ndajín, to xi ndajín xí tsjá.


Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.


Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.


¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.


Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ