Matioo̱ 12:34 - Xo̱jo̱n eén Néná

³⁴ ¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Matioo̱ 12:34 ပူးပေါင်းရင်းမြစ်များ

Xo̱jo̱n Salmoo̱ 53:1

Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

Xo̱jo̱n Salmoo̱ 64:3

kui xi xikoó tsi tsꞌényojó na̱je̱n xikó maá ki̱cha̱ndojó xi ꞌniú yojó, kó tsꞌénkjién xikoó yáyojó xi ndikimaya tjiín,

Xo̱jo̱n Salmoo̱ 64:5

Kjiꞌanga ꞌbínda ni xi ndajiín, ja̱kꞌi̱e̱ ja̱ngaján tsjangaꞌniuú xkjín, ꞌbínda ꞌmá nga ꞌbíndo chja̱ya̱, kó bi̱ tsó: ꞌYá xí sku̱i̱e̱ kui nii̱.

Énkjínkón 16:23

Xota̱ xi tjiín kjo̱a̱kjínkón ngi̱jin ini̱ma̱a̱ achichí nda tsꞌénkjó ni xi chji̱a̱, kó én xí chji̱a̱ tsꞌoa nda ngase tsꞌénꞌíndatakón.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Matioo̱ 12:35

Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

Matioo̱ 15:18

Ta̱nga ni xi fotjonii̱ ndso̱ꞌbá, ini̱ma̱ná ndibánií, kó kuí nii̱ xi tsꞌénndándí ngo xota̱ ngindyi̱ko̱n Néná.

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Rkaa̱ 3:7

Kjiꞌanga jataxie xotaa̱ tsi̱ꞌe̱ nga kastindá, Juaa̱ bi̱ katsoó: –¡Xota̱ xi ja̱kon ye̱ kónjnú! ꞌYá xí bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Rkaa̱ 6:45

Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Xota̱ Éfeso̱ 4:29

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

Xota̱ Éfeso̱ 5:4

Ti̱nde nga ndokjo̱a̱jínjnú én xi tsjáná kjo̱a̱soboá, ko̱jo én xí ta̱xkiya, ko̱jo énkjàn xi chꞌo tsó, ngatꞌa̱ jmí ni chjíjiín kui eén, ta̱sá én xí tsjaá ndokꞌóchjì Néná xí ndókjo̱a̱jnú.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.