Matioo̱ 12:31 - Xo̱jo̱n eén Néná

³¹ Kó kuíni nga bo̱a̱ tꞌíxiánjnúꞌun: Nga ngayeje jé ko̱jo xota̱ xi chꞌo ka̱tso̱, ka̱majetakoón, ta̱nga xi chꞌo ka̱tso̱o̱ A̱si̱énni̱xtjii̱n Néná ka̱majetakónjiín.

Matioo̱ 12:31 ပူးပေါင်းရင်းမြစ်များ

Rkaa̱ 12:10

Ngayeje xota̱ xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondraa̱ A̱si̱énni̱xtjii̱n Néná, si̱ꞌanjetakónjiín.

Ni xi kamá 7:51

Kó bi̱ katsó ngase Ixtibaa̱: Ta̱nga jún tajá tokojnú, ko̱jo ini̱ma̱jnú, ko̱jo tji̱bo̱a̱nijónjnú, ngatsjéni̱xtjin nga ndyi̱mongínjnúu̱ kondra̱ A̱si̱énni̱xtjii̱n Néná, xikó má katsꞌén xota̱ xi xchájnú.

Xota̱ Ebreo̱ 10:26

Ngatꞌa̱ tsi ngayeje takón nga si̱ꞌanjé ngije kamáyà ni xi ja̱koxi̱i̱, jè ngiti̱ jmíjín ingo kjo̱a̱tjó xi ka̱ma si̱ꞌankꞌasꞌien kjo̱a̱a̱ jeé.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.

Xota̱ Ebreo̱ 6:4

Xota̱ xi je kiniꞌántsijee̱n, ko̱jo xi je askotꞌa kjo̱a̱ndaa̱ Néná, ko̱jo xi je katseꞌeé A̱si̱énni̱xtjii̱n Néná,

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.