Matioo̱ 12:25 - Xo̱jo̱n eén Néná

²⁵ Ta̱nga Kjisoo̱ kamákjiín ni xi katsꞌénkjó kui jaá, kó bi̱ katsoó: Ngayeje ngi̱ndie nínga botixómá ngo nda̱ re tsi jó tjín ka̱ma, jè sꞌi̱jña soboá, kó tsi ngo na̱xi̱ńdá ko̱jo tsi xota̱ xi síndo ngo ndiꞌa tsi jó tjín ka̱ma, ngiti̱ ka̱májiín kꞌuijñá ngase.

Matioo̱ 12:25 ပူးပေါင်းရင်းမြစ်များ

Xo̱jo̱n Salmoo̱ 139:2

Yé jí kjiꞌanga botíjña̱ an, ko̱jo kjiꞌanga fostjíe̱n an, ¡ta̱ kjin makjínnii̱ ni xi tjíjinko̱n an!

Matioo̱ 9:4

Kó Kjisoo̱ kamákjiín ni xi tjítsꞌénkjiín kon, sꞌe̱ bi̱ katsoó: –Ánní nga ni xi ndajín ndyi̱fojintakónjnú.

Markoo̱ 2:8

Kó Kjisoo̱ kamákjín tji̱ꞌni̱u̱ú a̱si̱énni̱xtjii̱n ni xi yíjin kon kui jaá, kó bi̱ katsó nga asíyaá: –Míkjo̱a̱a̱ nga bo̱a̱ tsꞌén ndyi̱fojintakónjnú.

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

1 Xota̱ Korinto̱ 2:11

Ngatꞌa̱, ngojín xota̱ xi be ni xi tsꞌénkjó kje̱ꞌe xota̱. Nga ngo nga ngo xotaa̱ ta̱kuítsí xi be ni xi tsꞌénkjó. Ti̱ bo̱a̱ ti̱ tsꞌén ta̱ꞌyajín xi be ni xi tjíjinkon Néná, ta̱kuítsí A̱si̱énni̱xtjii̱n Néná xí be.

Xota̱ Ngalasia̱ 5:15

Ta̱nga tsi ti̱ juún tjínjnú kjo̱a̱xti, chónjnú yojojnú nga ti̱ júnjín xi si̱ꞌankjiejnú xingi̱jnú.

Xota̱ Ebreo̱ 4:13

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n kui, ta̱sá ngayeje nii̱ xi síndo tsijen ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

Ni xi akakoo̱ 16:19

Kó kui na̱xi̱ńdáꞌniuú ján tjín kamá, kó ngayeje na̱xi̱ńdá xí tjín nga̱sondiee̱ ixóndó, kó Néná jaꞌátsjiee̱n kui na̱xi̱ńdáꞌniú xi ꞌmí Babiloniaa̱, tsi̱ꞌe̱ nga sa̱ꞌínkꞌi binoo̱ kjo̱a̱xchán ꞌniuú Néná.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.