Matioo̱ 11:3 - Xo̱jo̱n eén Néná

³ kó bi̱ katsoó tsi̱ꞌe̱ nga bi̱ tsꞌén ko̱síyaá Kjisoo̱: –A jí boá kui nda̱ xi kjo̱e̱ꞌe̱é, axa̱ xchiyá xò ji̱n kje̱ꞌe.

Matioo̱ 11:3 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 118:26

¡Ngatamachikonñé re xi tsꞌéndibání jaꞌeén Néná! Ndeskande na̱ngo̱xi̱i̱ Néná ndyi̱niꞌánchikonñéjne̱ ngayeje jún.

Xki̱ 24:17

»Ni xi akóna Néná, kji̱e̱ fotjosónjín, sꞌe̱ tsí ka̱ma kui nii̱. Sꞌe̱ kꞌuijñá ngo nda̱ re ki̱a̱ na̱xi̱ńdá Israee̱l, kui xi ꞌna̱ ka̱ma xikoó ngo ńño. Kuí boá xi sa̱ꞌiín nga skjánjo̱ xotaa̱ nangi Moaa̱b, kó sa̱ꞌínkjié kui xi je ki̱a̱ katsꞌén ndiꞌaa̱ nangi kjitiyaa̱.

Matioo̱ 11:10

Ngatꞌa̱ kjo̱a̱a̱ kuii̱ bí xi kjitꞌa xo̱jo̱n eén Néná, nínga bi̱ tsoó: Kꞌi̱e̱ sangiyatjoón chji̱ni̱e̱ꞌénna, tsi̱ꞌe̱ nga ko̱e̱je̱tjoón nga ku̱i̱ꞌíjñanda ndi̱yàa̱.

Matioo̱ 11:4

Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú ko̱jo ni xi je kandaꞌyájnú,

Matioo̱ 21:5

Bi̱ tꞌínjnúu̱ xota̱ na̱xi̱ńdáꞌniú Jerusale̱n: «Jànꞌa̱n, ki̱a̱ tsꞌéndibákoón nda̱ Rée̱, nda̱ xi ntꞌiéꞌeén, kó ngo bórró tikónsoón, ngo ndí bórró, ndií cho̱ xi bonkꞌá chꞌià.»

Matioo̱ 21:9

Kó xota̱ xi tjimátjoón ko̱jo xi yajátji̱ngii̱ askjandáyà má, nga bi̱ katsó: ¡ꞌNa̱xiéꞌéjne̱, ji xota̱ tji̱e̱e̱ Ndabi̱! ¡Ngatamachikonñé xi ndibání ngajoo̱ Ndi̱a̱ná! ¡Kó ꞌna̱xiéꞌéjne̱ jàn ndiꞌakꞌajmi jàn!

Markoo̱ 11:9

Kó xota̱ xi tjimátjoón ko̱jo xi yajátji̱ngii̱ askjandáyà má, nga bi̱ katsó: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná!

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Juaa̱ 11:27

Sꞌe̱ bi̱ katsó na̱ Martaa̱: –Jo̱o̱n Ndi̱a̱, kó sꞌijinna nga jí xí Kristo̱ xi ndií Néná, xi kjo̱e̱ꞌe kuí nga̱sondiee̱.

Juaa̱ 12:13

kó iskjíbé tjiaa̱ xka̱jèn, sꞌe̱ jataxie nga kijíkjaꞌáyíndi̱yà Kjisoo̱, kó bi̱ katsó nga askjandáyà: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná, nda̱ Ree̱ Israee̱l!

Juaa̱ 16:14

Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú.

Juaa̱ 4:21

Sꞌe̱ Kjisoo̱, bi̱ katsó: –Xota̱chjo̱on, sꞌijin ngatamaa̱ nga je ma kjachó chi̱bo̱a̱ nga je ngiti̱ jmíjín xi chjiéngá kji̱ndi̱bá kui tji̱ngi̱i̱, ko̱jo tsi chjiéngá ko̱e̱je̱ na̱xi̱ńdáꞌniú Jerusale̱n, tsi̱ꞌe̱ nga sa̱ꞌíndikón Na̱ꞌmii̱.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 7:31

Kó achichí má xota̱ xi kisꞌijii̱n Kjisoo̱, kó bi̱ katsó: –Nga kjo̱e̱ꞌe Kristoo̱, a kjín ngase kjo̱a̱ndikón sa̱ꞌín ta̱bo̱a̱jiín kui nda̱a̱.

Xota̱ Ebreo̱ 10:37

Ngatꞌa̱ bi̱ tsó xo̱jo̱n eén Néná: Tsá, achichí tsá ndibá xi chjiéngá kji̱ndi̱baá, kó kꞌo̱ndíyájiín.