Matioo̱ 11:28 - Xo̱jo̱n eén Néná

²⁸ Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Matioo̱ 11:28 ပူးပေါင်းရင်းမြစ်များ

Joo̱b 14:1

»Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Joo̱b 5:7

Xikótsꞌèn nga ndiꞌií boá xi konnii̱ nga kjínkꞌá xꞌueé, ti̱ bo̱a̱ ti̱ tsꞌén xota̱ nga̱sondiee̱ boá xi konnii̱ nga tsie kjo̱a̱ni̱ma̱ foaꞌatio.

Xo̱jo̱n Salmoo̱ 116:7

Ji Ne, achichí nda niꞌínje̱ní, jè ka̱ma nda kjófé an.

Xo̱jo̱n Salmoo̱ 32:4

Nga jñó nga ni̱xtji̱e̱n nga ꞌniú ngase kiniꞌínjéní, ngaskande nga je ngaꞌniúna, xikó maá ngo naxó xi xíꞌniú nga ma cho̱ndoboaá.

Xo̱jo̱n Salmoo̱ 38:4

Ngatꞌa̱ ni xi ꞌniú ndajín xi katsꞌen an je kamáꞌniúnié an, kó xikó maá tsi ngo chꞌià é kjimá xi ngiti̱ chikjo̱a̱jínna.

Xo̱jo̱n Salmoo̱ 94:13

tsi̱ꞌe̱ nga kꞌuieé kjo̱a̱xió ni̱xtjin xi ndajiín, tji̱e̱nga kjimanda ti̱xa̱nga̱tsjo̱ó xota̱ xi ꞌniú ndajiín.

Eklesiastee̱ 1:14

Askotsijèe̱n ngayeje xá xí niꞌán kui nga̱sondiee̱, kósꞌe̱ kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 1:8

¡Achichí ꞌbojónná ngayeje nii̱, kó nde jmíjín xi kó ka̱tso̱! ¡Nde ngojín xi fenda nga kotsijen! ¡Nde ngojín xi fenda nga ntꞌié!

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Matioo̱ 23:4

Ngatꞌa̱ kjo̱a̱botíxoma xi ꞌniú niꞌin ꞌbínieé xotaa̱, ta̱nga kui jaá nde ngo tsja tsꞌéntíyàjiín tsi̱ꞌe̱ nga sa̱ꞌínkjatjosón kui kjo̱a̱botíxomaa̱.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 7:37

Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

Ni xi kamá 15:10

Ngotꞌe̱ ꞌne̱, míkjo̱a̱a̱ nga Néná ndyi̱chjatꞌayákónjnú nga kjo̱a̱ꞌniú ndyi̱niꞌánjnúu̱ kui xota̱ xi tsi̱ꞌe̱ Néná, nga ko̱a̱ꞌa̱nijín ngo chꞌià xí ngaskande ñá ko̱jo xota̱ tji̱e̱ xcháná kamájiín tsaꞌanijín.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Xota̱ Ngalasia̱ 5:1

Kristoo̱ katsꞌéndéná tsi̱ꞌe̱ nga ku̱i̱ṉtsomandé, kó kuíni nga ꞌniú ti̱ndyiàjnú, kó ngata̱ boeꞌéndièjínjnúu̱ nga ta̱jmì niní xi ku̱i̱ꞌíjñaꞌniú nginíjnú.

2 Xota̱ Tesalónika̱ 1:7

Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú.

Xota̱ Ebreo̱ 4:1

Ta̱kó tikónná ngi̱ndie nga ku̱i̱tjásꞌi̱e̱n ngi̱ya nínga niꞌánkjaꞌyá xi tsjaá xota̱ xi tsi̱ꞌe̱ Néná, xikó katsó nga katsóyàtjón, kuíni nga xchóo̱n yojoná, ngatꞌa̱ achichíra̱ ndasen kjiꞌi tsi tjín jún xi ka̱májín kjo̱chó kui ngi̱ndiee̱.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.