Matioo̱ 11:11 - Xo̱jo̱n eén Néná

¹¹ Ja̱koxi̱ ni xi xiánjnúꞌun nga kꞌi̱e̱ kui nga̱sondiee̱, kji̱e̱ tsenjín ingo nda̱ xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.

Matioo̱ 11:11 ပူးပေါင်းရင်းမြစ်များ

Joo̱b 14:1

»Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Joo̱b 15:14

ꞌYání bo̱a̱ xota̱ nga̱sondiee̱ tsi̱ꞌe̱ nga tsjie kꞌo̱xié yojoo̱, ko̱jo nga bo̱a̱ ka̱tso̱ nga jmí jéjiín.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Matioo̱ 11:10

Ngatꞌa̱ kjo̱a̱a̱ kuii̱ bí xi kjitꞌa xo̱jo̱n eén Néná, nínga bi̱ tsoó: Kꞌi̱e̱ sangiyatjoón chji̱ni̱e̱ꞌénna, tsi̱ꞌe̱ nga ko̱e̱je̱tjoón nga ku̱i̱ꞌíjñanda ndi̱yàa̱.

Matioo̱ 11:12

Ta̱nga ndeskande ni̱xtjin nga Jua̱ xi botíndaá tsíchji̱a̱ eén Néná, kó ngaskande ngotꞌe̱, nínga botíxomaa̱ Néná ꞌniú tjíbixkánjo̱, kó kui xota̱ xi ndyi̱kjánjo̱o̱ mejeén sa̱ꞌínkjié.

Matioo̱ 3:1

Kui ni̱xtjin jàn jachó Jua̱ xi botíndaá nga íni̱jmì eén Néná ki̱a̱ nangi kixí xi tikón nangi Jundea̱,

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Matioo̱ 5:19

Kuíni nga ta̱ꞌya xota̱ní xi sa̱ꞌínkjatjosónjín ngo kui kjo̱a̱botíxomaa̱, ndatsi ngo xi ta̱nisién ꞌniú chichií, kó tsi ko̱kóyaá xotaa̱ tsi̱ꞌe̱ nga sa̱ꞌínkjatjosónjín, kuí boá xi chichí si̱ꞌan nínga botíxomaa̱ Néná. Ta̱nga ta̱ꞌya xota̱ní xi sa̱ꞌínkjatjosón, ko̱jo xi ko̱kóyaá kje̱ꞌe xota̱ nga sa̱ꞌínkjatjosón kui kjo̱a̱botíxomaa̱, achichí je si̱ꞌan ki̱a̱ nínga botixómá Néná.

Rkaa̱ 1:15

Ngatꞌa̱ ndíi̱ achichí ꞌniú nkꞌa xá xí kꞌuieé ngindyi̱ko̱n Néná. Jmí bino̱ ko̱jo jmí xán kꞌuijín, kó ndeskande nga tjiyáꞌmá nga A̱si̱énni̱xtjii̱n Néná tsja̱angaꞌniuú.

Rkaa̱ 7:28

Tsꞌénxiyàjnúꞌun nga kꞌi̱e̱ kui nga̱sondiee̱ kji̱e̱ tsenjín ingo nda̱ chji̱ni̱e̱ꞌén xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.

Rkaa̱ 9:48

kó bi̱ katsoó: –Ta̱ ꞌyání xi skjíbéní kui nda̱chií ngajona, ti̱ tsꞌénkjíbéna án nga, kó ta̱ ꞌyání xi tsꞌénkjíbéna, tsꞌénkjíbé kui Néná xi katsangiyana, ngatꞌa̱ kui xi ꞌniú chichí ngi̱jii̱n jún, kuí xi̱ꞌba̱ xi chjí ngasenii̱.

Juaa̱ 1:15

Juaa̱ tsíchji̱a̱ kjo̱a̱a̱ kui, kó bi̱ katsó nga katsóyà: –Kjo̱a̱a̱ kuii̱ bí xi kixian an, nga bi̱ kixian an: Kui xi sꞌe̱ ndibaá, kuí xí tjón ngase, ngatꞌa̱ ja̱bo̱a̱ jè tikón ngindiee̱ nga kotíjña̱ an.

Juaa̱ 1:27

kuí xi̱ꞌbi̱ xi jaskan an ndibá, kui xi ngaskande tsoboájínna an nga skjíndóo̱ ńꞌniuú tji̱xíndieé.

Juaa̱ 10:41

Sꞌe̱ achichí má xota̱ xi jachókoón, kó bi̱ katsó kui xotaa̱: –Nga ja̱koxi̱, Juaa̱ nde ngojín chi̱bo̱a̱ ndikón katsꞌén, ta̱nga ngayeje ni xi katsó Juaa̱ kjo̱a̱a̱ Kjisoo̱, ni ja̱koxi̱ boá.

Juaa̱ 3:30

Kuí boá xi chjiéngá ꞌniú ngase ngatamayandikón, kó an chiboa ngase ngatamayandikónna.

Juaa̱ 5:35

Juaa̱ boá kui ndiꞌí xí kití ko̱jo xi katsꞌéntsijee̱n, kó jún kamámejénjnú nga tsja kamájnú kui ndiꞌií chiboa ni̱xtjin.

Juaa̱ 7:39

Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

1 Xota̱ Korinto̱ 15:9

Ngatꞌa̱ xian an, nga an xí apostro̱ xi chichí ngase an ngi̱jii̱n já apostro̱ xi ngasee̱, nde tsoboájínna an nga apostro̱ xiáa̱n yojona, ngatꞌa̱ án xí tsangatji̱ngíi̱ xota̱ na̱ngo̱xi̱i̱ Néná.

1 Xota̱ Korinto̱ 6:4

Kó kuíni nga, tsi kjo̱a̱xti tjínjnú kjo̱a̱a̱ nii̱ kui nga̱sondiee̱, míkjo̱a̱a̱ nga xota̱ xi yandikónjín ngi̱jii̱n xota̱ na̱ngo̱xi̱i̱ xi ndyi̱mongínchonjnú nga sa̱ꞌíndajin kui kjo̱a̱xtii̱.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

Xota̱ Ebreo̱ 11:40

Kui nii̱ xi kamá ngatꞌa̱ Néná je tjíndaa̱ nga ko̱jo ñá tsja̱aná ngo ni xi nda ngase, tsi̱ꞌe̱ nga kui xotaa̱ ko̱jo ñá, nijan ka̱ma xí chjiéngá ka̱ma.

1 Xo̱jo̱o̱n Peé 1:10

Já chji̱ni̱e̱ꞌe̱én Néná xí kisꞌie ngasꞌe̱ kamámejeén sku̱i̱e̱, ko̱jo tsangase ndi̱yà sen see̱n kjo̱a̱a̱ kui kjo̱a̱ꞌnaxiéꞌaá, kjiꞌanga katsóyàtjón nga Néná tsja̱ajnú kui kjo̱a̱ndaa̱.