Matioo̱ 10:41 - Xo̱jo̱n eén Néná

⁴¹ Ngayeje xota̱ xi sa̱ꞌínkjaꞌa ngi̱ya ndiꞌaa̱ ngo nda̱ chji̱ni̱e̱ꞌe̱én Néná, kjo̱a̱a̱ nga nda̱ chji̱ni̱e̱ꞌe̱én Néná, sꞌe̱ sa̱ko̱ó ni xi je katsꞌén ngo nda̱ chji̱ni̱e̱ꞌe̱én Néná, kó xi sa̱ꞌínkjaꞌa ngo nda̱ xi kixi̱, kjo̱a̱a̱ nga nda̱ xi kixi̱, sꞌe̱ sa̱ko̱ó ni xi je katsꞌén ngo nda̱ xi kixi̱.

Matioo̱ 10:41 ပူးပေါင်းရင်းမြစ်များ

Jenesii̱s 20:7

Ta̱nga ngotꞌe̱ ꞌne̱, te̱ꞌéꞌoyé nginíi̱ chjo̱ón kui ndaa̱, ngatꞌa̱ nda̱ chji̱ni̱e̱ꞌénna boá, kó kuí boá xi ku̱i̱ꞌatjeé jí tsi̱ꞌe̱ nga ku̱i̱ndyinra ji nga̱sondie. Kó tsi bo̱a̱jín si̱ꞌin, ja̱koxi̱ nga ko̱yè jí, ko̱jo ngayeje xota̱ tse̱.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 25:44

Kósꞌe̱ kui jaá, bi̱ ka̱tso̱o̱: «Ndi̱a̱, kjiꞌání nga kamáyàjne̱ nga kamábojoó, nga kamáxíndaá, nga kisꞌiṉtje̱sén ji, nga katsjaxtí, nga kamáꞌoón, nga kixindyin ndo̱bo̱a̱yà kó kiniꞌánsénjínjne̱.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Matioo̱ 6:1

Ngata̱ ngindyi̱ko̱n xota̱jín niꞌánjnú kjiꞌanga ngo ni xi kixi̱ si̱ꞌánjnúu̱ ngo xota̱, tsi̱ꞌe̱ nga sku̱i̱e̱ nga nda ndyi̱niꞌánjnú, tsi bo̱a̱ si̱ꞌánjnú, Na̱ꞌminá xí tikón ndiꞌakꞌajmi jàn tsja̱ajínjnú ni xi je tikónndaa̱.

Matioo̱ 6:18

tsi̱ꞌe̱ nga xotaa̱ sku̱i̱e̱jín nga kjindiá tiniꞌínkjeꞌe yojòo̱, ta̱ ngo tsí Néná xí Na̱ꞌmíi̱ xi ngatamabe, ngatꞌa̱ kui, ngayeje ni xi tjiꞌmaá xi be, kó kuí xí tsja̱á ni xi je tikónndaa̱ kui.

Matioo̱ 6:4

tsi̱ꞌe̱ nga kui chji̱e̱e̱ jmíjín xi sku̱i̱e̱, kó Na̱ꞌmíi̱ xi be ngayeje ni xi ꞌma niꞌaán, tsjaá jí ni xi tsoboaá nga si̱ꞌin ji ngindyi̱ko̱n xotaa̱.

Matioo̱ 6:6

Ta̱nga ji, kjiꞌanga ko̱ndókjoée̱ Néná, ngo ngi̱yaꞌma ti̱tjásꞌi̱n, tꞌíchjéꞌní jí nga̱ntjo̱a̱a̱, sꞌe̱ ndokjoée̱ Na̱ꞌmíi̱ xi tikón nínga ꞌmaa̱, kó kui Na̱ꞌmíi̱ xi be ni xi ꞌmaa̱, jè tikónndaa̱ ngo ni xi tsjaá jí.

Matioo̱ 7:8

Ngatꞌa̱ ngayeje xota̱ xi ku̱i̱ꞌa, ko̱e̱ꞌeé, kó xi ko̱ngase, sa̱ko̱ó, kó xi ku̱i̱chji̱a̱ tꞌa ngo nga̱ntjo̱a̱, xchjáxꞌaá.

Ni xi kamá 16:15

Kó nga kastindá kuí xota̱chjo̱on, ko̱jo xota̱ ngi̱ya ndiꞌaa̱, jaskan ꞌniú tsíꞌájne̱ nga bi̱ katsó: –Tsi jún xi bo̱a̱ ꞌmíjnú nga ja̱koxi̱ nga an sꞌijinna Ndi̱a̱ná, ndibá ni̱ꞌankjaꞌyájnú ndiꞌana. Kó ꞌniú katsꞌénjne̱ nga ki̱a̱ ku̱i̱ndyionjne̱ ndiꞌaa̱.

Xota̱ Roma̱ 16:23

Tinde xò bo̱a̱ tsó Ngayoo̱, nda̱ xi katsjána ngi̱ndie nga kisꞌijña an ndiꞌaa̱, ko̱jo nínga matikó ngayeje xota̱ na̱ngo̱xi̱i̱. Tinde xò bo̱a̱ tsó Erastoo̱, nda̱ xi koo̱n to̱o̱n na̱xi̱ńdáꞌniuú, ko̱jo nda̱ ntsꞌié xi ꞌmí Kuartoo̱.

1 Xota̱ Korinto̱ 9:17

Kó kuíni nga tsi ta̱ an so̱bo̱a̱ xí mejénna nga sa̱ꞌin an ni xi tjítsꞌen an, sa̱kóna ngo chjí, ta̱nga tsi ikꞌíniéna nga sa̱ꞌin an, ni xi katsjáxána Néná nga kamáꞌniátakónna kuí xí tjítsꞌenkjatjosón an.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

2 Xo̱jo̱o̱n Juaa̱ 1:8

Chónjnú yojojnú tsi̱ꞌe̱ nga kjo̱tsònjín xá xi kiniꞌánjne̱ ngi̱jinjnú. Ta̱sá ti̱ndyi̱séjnú nga sa̱kó ndo̱jò ndójo̱jnú ni xi je tikónndaa̱ Néná nga tsja̱ajnú.