Matioo̱ 10:28 - Xo̱jo̱n eén Néná

²⁸ Ngata̱ ndakonjínmájnú xi tsꞌenkꞌién yojoná, ta̱nga májiín tsꞌenkꞌién ini̱ma̱ná, ta̱sá ti̱nda̱kònjnú kui xi maa̱ tsꞌénkjí ini̱ma̱jnú ko̱jo yojojnú ndo̱bo̱a̱ṉkꞌi̱e̱e̱n.

Matioo̱ 10:28 ပူးပေါင်းရင်းမြစ်များ

Joo̱b 37:24

Kuíni nga ngayeje xotaa̱ xi tsakjón má, ta̱nga nde jmí xki̱ boaꞌájín xota̱ xi ta̱nisién kjínkón tsoó yojoo̱».

Xo̱jo̱n Salmoo̱ 119:120

Fotsié má an nga tsakjon má an ngindyikin ji, ¡ée̱n boá xi tsꞌénkjátsiéna!

Eklesiastee̱ 5:7

Kui nga̱sondiee̱ tjikítsie maá ni xi niꞌánkjiín takón, ko̱jo én, ko̱jo ni xi ta̱kjo̱a̱ndaní bo̱a̱, ta̱nga ji chjiéngá ko̱ké ji nga yendikín jí Néná.

Matioo̱ 10:26

Ja̱ kuíni nga ngata̱ ndakonjínmájnú, ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Juaa̱ 5:29

kó xota̱ xi ni nda katsꞌén, kjo̱a̱ꞌáꞌyaá tsi̱ꞌe̱ nga kꞌuíndo nginí, ta̱nga xi ndajín katsꞌén, ti̱ kjo̱a̱ꞌáꞌyaá nga, ta̱nga tsi̱ꞌe̱ nga ka̱majérií.

Ni xi kamá 21:13

Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.

Xota̱ Ebreo̱ 10:31

¡Achichí ndikón kjiꞌi nga xota̱ xi ndyi̱tsꞌènjeé kꞌo̱ka ngi̱ya tsja kui Néná xí tikoón!

Xota̱ Ebreo̱ 11:35

Ta̱ngatꞌanii̱ kjo̱a̱sꞌijii̱n nga tjín ínchjín xí kasako nginií xkjín ngatꞌa̱ Néná katsꞌénkjaꞌáꞌyaá. Kje̱ꞌe xota̱ xi íjñámasienjín nga sꞌijii̱n Néná tsi̱ꞌe̱ nga sꞌi̱jñandé, kó ta̱sá katsꞌénjo̱ꞌo nga kiniꞌánꞌoón, ko̱jo nga kiniꞌánkꞌién, ngatꞌa̱ ndyi̱koyaa̱ ngo kjo̱a̱foaꞌáꞌyá xi nda ngase.

Xo̱jo̱o̱n Sandiyaá 4:12

Ta̱ ngo tsí má xi katsjá kjo̱a̱kitii̱, ko̱jo xi tsáyà tsi nda ko̱jo tsi ndajín ndyi̱tsꞌèn xotaa̱, kó kuí boá xi maa̱ ꞌboxiéꞌá, ko̱jo tsi sa̱ꞌínchaja xotaa̱, kó ji, ꞌyá jií bo̱a̱ nga ji kon xi tiꞌmíyé ji tsi nda ko̱jo tsi ndajín ndyi̱tsꞌèn kje̱ꞌe xota̱.

1 Xo̱jo̱o̱n Peé 3:14

Ta̱nga ndatsi kjo̱a̱ni̱ma̱ ku̱i̱tja̱tiójnú ta̱ngatꞌanii̱ kjo̱a̱kixi̱i̱, achichíra̱ tsjajnú nga bo̱a̱ ka̱majnú. Kuíni nga ngata̱ ꞌyàjín xi mindyiandíkónjnú, ti̱nde ngata̱ nda̱jín májnú jún.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.