Matioo̱ 10:26 - Xo̱jo̱n eén Néná

²⁶ Ja̱ kuíni nga ngata̱ ndakonjínmájnú, ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.

Matioo̱ 10:26 ပူးပေါင်းရင်းမြစ်များ

Énkjínkón 10:9

Xota̱ xi kixi̱i̱, achichí kjo̱a̱xió ꞌbeé, ta̱nga xota̱ xi tsoꞌbá ndi̱yà xí ndajiín, kjo̱chó ni̱xtjin nga sa̱ꞌínchaja yojoo̱.

Énkjínkón 28:1

Xota̱ xi ꞌniú ndajiín, monga ndatsi jmí tsi tjimíyotji̱ngii̱, ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.

Énkjínkón 29:25

Tsi ngo xota̱ xi tsakjón kje̱ꞌe xota̱, xikónii̱ tsi ngo chja̱ya̱ tsꞌénꞌbijñaá yojoo̱, ta̱nga xota̱ xi Néná ꞌniátakón, kuí boá xi jmí ni ka̱májiín.

Eklesiastee̱ 12:14

Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.

Matioo̱ 10:28

Ngata̱ ndakonjínmájnú xi tsꞌenkꞌién yojoná, ta̱nga májiín tsꞌenkꞌién ini̱ma̱ná, ta̱sá ti̱nda̱kònjnú kui xi maa̱ tsꞌénkjí ini̱ma̱jnú ko̱jo yojojnú ndo̱bo̱a̱ṉkꞌi̱e̱e̱n.

Markoo̱ 4:22

Ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín nínga tsijee̱n.

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Rkaa̱ 8:17

Ngatꞌa̱, nde ngojín ni xi ꞌma xi xcha̱jín, ti̱nde jmíjín ngo ni xi ko̱ndókjo̱a̱si̱e̱n xi xcha̱ nda ndajín, ko̱jo tsi xcha̱jín nínga tsijee̱n.

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 4:13

Kósꞌe̱ kjiꞌanga kamábe jáxaá nga katsakjónjín nga tsíchji̱a̱ Peé ko̱jo Juaa̱, kamákjiín nga kui já apostroo̱, jmí xo̱jo̱n kamájiín, kó achichí kijíndikoón, kó kamábe nga Kjisoo̱ kisꞌiṉtso̱majo̱.

Ni xi kamá 4:19

Ta̱nga Peé ko̱jo Juaa̱, bi̱ katsó nga tsíchji̱a̱: –Bo̱a̱ tꞌínjnú tsi kixi̱ ngindyi̱ko̱n Néná nga jún xi ko̱nda̱ꞌyáꞌénjne̱, ngindiee̱ nga Néná xí ko̱nda̱ꞌyáꞌénjne̱,

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

1 Xo̱jo̱o̱n Peé 3:14

Ta̱nga ndatsi kjo̱a̱ni̱ma̱ ku̱i̱tja̱tiójnú ta̱ngatꞌanii̱ kjo̱a̱kixi̱i̱, achichíra̱ tsjajnú nga bo̱a̱ ka̱majnú. Kuíni nga ngata̱ ꞌyàjín xi mindyiandíkónjnú, ti̱nde ngata̱ nda̱jín májnú jún.