Matioo̱ 10:23 - Xo̱jo̱n eén Néná

²³ Kó kjiꞌanga ku̱i̱yotjíngíjnú ngo na̱xi̱ńdá, xín ti̱yójnú, ngatꞌa̱ ja̱koxi̱ ni xi xiánjnúꞌun nga nde kji̱e̱ mongínyejejínjnú nangi Israee̱l nga kjo̱e̱ꞌe ndií nda̱ xi̱ꞌii̱n.

Matioo̱ 10:23 ပူးပေါင်းရင်းမြစ်များ

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 2:13

Kó ngije kijí já kjínkoón, ngo ndítsjiee̱ Néná jeꞌechji̱a̱jo ngi̱jin ńjñaá Kosiee̱, kó bi̱ katsoó: –Ti̱sítji̱n ji, kó ti̱yíje̱ ndií ko̱jo na̱aa̱n, kó tangínjnú nangi Ejipto̱, sꞌe̱ ki̱a̱ ti̱ndyiónjnú ngaskande nga an xi bo̱a̱ xian án, ngatꞌa̱ Erondee̱ ko̱ngase ndií tsi̱ꞌe̱ nga sa̱ꞌínkꞌién.

Matioo̱ 23:34

Kuíni nga an sangiyájnúꞌun já chji̱ni̱e̱ꞌe̱én Néná, já chji̱ni̱e̱ xi kjínkón ko̱jo chji̱ni̱e̱kjo̱a̱kiti, ta̱nga tjín kuí jaá xi si̱ꞌankꞌiénjnú ko̱jo tjín xí kjótꞌajnú kro, tjín xí kjoájnúu̱ ngi̱ya ndiꞌa nínga ndokjo̱a̱ eén Néná, kó kje̱ꞌe xi ku̱i̱yotjingíjnúu̱ xki̱ na̱xi̱ńdá,

Matioo̱ 23:36

Ja̱koxi̱ boá nga xota̱ xi tjín ngotꞌe̱ sa̱tíjeé nga ku̱i̱ꞌíchjí kjo̱a̱a̱ ngayeje kui nii̱.

Matioo̱ 24:27

Ngatꞌa̱ xikó maá nga foaꞌatꞌe nga ꞌbítsi̱yanii̱ nínga fotjo tsꞌueé, sꞌe̱ fetꞌanii̱ nínga ꞌbotjé, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n.

Matioo̱ 24:30

Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 24:34

Ja̱koxi̱ ni xi xiánjnúꞌun jún, nga kji̱e̱ ko̱yàjín xota̱ xi síndo ngotꞌe̱ tsi tjónjín kjo̱tjosón kui nii̱.

Matioo̱ 24:48

Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: «Kꞌo̱ndíyárií ndi̱a̱na nga kjo̱e̱ꞌe»,

Matioo̱ 25:13

Kósꞌe̱ bi̱ katsó Kjisoo̱: –Kuíni, ngata̱ tsjayojoféjínjnú, ngatꞌa̱ yàjínjnú ni̱xtjin ko̱jo chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Matioo̱ 4:12

Kó nga tsintꞌié Kjisoo̱ nga Juaa̱ ndo̱bo̱a̱yà tjiꞌyá, kijíꞌoyá nginí nangi Ngalilea̱.

Markoo̱ 13:26

Kósꞌe̱ kjiꞌá boá nga xcha̱ ndií nda̱ xi̱ꞌii̱n nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kji̱ndi̱bájo̱.

Rkaa̱ 18:8

Xiyàjnúꞌun nga Néná tsá ko̱jo kixi̱ tsꞌén sa̱ꞌínseén xotaa̱. Ta̱nga nga kjo̱e̱ꞌe nginí ndií nda̱ xi̱ꞌii̱n, a sa̱kórií kjo̱a̱sꞌijin kꞌi̱e̱ tꞌanangii̱.

Rkaa̱ 21:27

Kósꞌe̱ kjiꞌá boá nga xcha̱ ndií nda̱ xi̱ꞌii̱n, nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kjindibájo̱.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Ni xi kamá 17:10

Kó ti̱ kjiꞌa, ngije kamájñoó, já ntsꞌie xi síndo kui na̱xi̱ńdáꞌniuú katsꞌénkjí Pabloo̱ ko̱jo Silaa̱ ki̱a̱ na̱xi̱ńdáꞌniú Berea̱, kó ngije jachó kui jaá, kijí ki̱a̱ ndiꞌa nínga chji̱a̱ eén Néná xota̱ jundíoo̱,

Ni xi kamá 17:14

Kuíni nga já ntsꞌie xi chji̱a̱ni kui ngi̱ndiee̱ tji̱e̱nmá katsóyaà Pabloo̱, tsi̱ꞌe̱ nga tsá ko̱e̱je̱ nínga tikóntꞌa ndáchíkoón, tji̱e̱nga Silaa̱ ko̱jo Timoo̱ ta̱kó kisꞌińdora na̱xi̱ńdáꞌniú Berea̱.

Ni xi kamá 20:1

Sꞌe̱ ngije kamá kui kjo̱a̱xtii̱, Pabloo̱ tsíchji̱a̱a̱ xota̱ xi sꞌijii̱n Kjisoo̱, kó ngije katsjaá kjo̱a̱botíxoma, ko̱jo ngije janíkjá, katsꞌénkixotꞌa, sꞌe̱ kijí nangi Masendonia̱.

Ni xi kamá 8:1

Kó ki̱a̱ tikón Sauloo̱ nga kiniꞌánkꞌién Ixtibaa̱, kó nda kasasiee̱n kui nii̱. Kui ni̱xtjii̱n ítsꞌi̱yanii̱ nga ꞌniú ikiyotji̱ngii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, kó ngayeje xota̱ na̱ngo̱xi̱i̱ kastsojoboa nga kijí nangi xi chji̱a̱ni Jundea̱ ko̱jo Samaria̱, ta̱kuítsí já apostroo̱ xi kastsojoboajín.