Matioo̱ 10:22 - Xo̱jo̱n eén Néná

²² Kó ngayeje xota̱ xi sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Matioo̱ 10:22 ပူးပေါင်းရင်းမြစ်များ

Énkjínkón 29:27

Xota̱ xi kixi̱i̱ chꞌo maa̱ xota̱ xi ꞌniú ndajiín, kó xota̱ xi ꞌniú ndajiín chꞌo maa̱ xota̱ xi kixi̱i̱.

Matioo̱ 10:39

Xi ka̱mamejeén sa̱ko̱ó kjo̱a̱mindyioo̱n, ta̱sá sa̱ꞌínchaja, kó xi sa̱ꞌínchaja ta̱ngatꞌanii̱ an, kuí boá xi sa̱ko̱ó kjo̱a̱mindyioo̱n.

Matioo̱ 24:13

Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Matioo̱ 24:9

Kósꞌe̱ xotaa̱ sa̱ꞌínkꞌasꞌienjnú jún tsi̱ꞌe̱ nga ku̱i̱yotjíngíjnú, ko̱jo tsi̱ꞌe̱ nga si̱ꞌankꞌiénjnú, kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna.

Matioo̱ 5:11

Achichíra̱ tsjajnú jún kjiꞌanga xotaa̱ chꞌo ka̱tso̱jnú, ko̱jo nga sa̱ꞌín ꞌbokiejnú, ko̱jo nga ta̱ngatꞌanii̱ an ko̱ngatji̱ngijnú nga sa̱ꞌínkjién ngayeje to̱ko̱ya ni xi ndajín nga ku̱i̱ꞌíndiso.

Markoo̱ 13:13

Kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Rkaa̱ 21:17

kó ngayeje xotaa̱ sa̱ꞌínchꞌójnú ta̱ngatꞌanii̱ jaꞌénna.

Rkaa̱ 21:19

ꞌNiú ti̱ndyiàjnú tsi̱ꞌe̱ nga kjo̱tjoꞌajnú.

Rkaa̱ 6:22

Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Rkaa̱ 8:15

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Juaa̱ 7:7

Ka̱májiín xotaa̱ kui nga̱sondiee̱ sa̱ꞌínchꞌójnú jún, ta̱nga chꞌórií an, ngatꞌa̱ xiyàa̱ nga ndajín ndyi̱tsꞌèn.

Ni xi kamá 9:16

ngatꞌa̱ án xí kokòo̱ kókjiꞌi tsie kjo̱a̱ni̱ma̱ kjo̱a̱ꞌatio ta̱ngatꞌanii̱ jaꞌénna.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

2 Xota̱ Korinto̱ 4:11

Ngatꞌa̱ ji̱n xi tindyionjne̱, tjín xí mejeén sa̱ꞌínkꞌiénjne̱ ta̱ngatꞌanii̱ Kjisoo̱, tsi̱ꞌe̱ nga ti̱ bo̱a̱ ti̱ tsꞌén kjo̱a̱mindyioo̱n Kjisoo̱ xcha̱ ngi̱jin yojojne̱ xi maa̱ ꞌme.

Xota̱ Ngalasia̱ 6:9

Kó kuíni nga chjiénjín nga kju̱i̱e̱ndà nga si̱ꞌán ni xi ndaa̱, ngatꞌa̱ nga kjo̱chó ni̱xtjin, xꞌi̱je̱n kui cha̱a̱n ni xi ikꞌítji̱e̱.

Xota̱ Ebreo̱ 3:14

Ngatꞌa̱ jè nijan tjisákóná ni xi tsi̱ꞌe̱ Kristoo̱, tsi ngaskande nga kju̱i̱e̱tꞌa ꞌniú ku̱i̱ndyionjo̱ kui kjo̱a̱ꞌniátakón xi kisꞌiená nga tjón.

Xota̱ Ebreo̱ 6:11

Ta̱nga mejénjne̱ nga ngo nga ngojnú ta̱kó takorajnú kui ngaꞌniú xí ndyi̱niꞌánjnú ngaskande nga kju̱i̱e̱tꞌaa̱, tsi̱ꞌe̱ nga kui kjo̱a̱chiyaá ka̱mando̱jo,

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Juaa̱ 3:13

Ndí já ntsꞌie, ngata̱ fíndikónjínjnú tsi xotaa̱ kui nga̱sondiee̱ sa̱ꞌínchꞌójnú.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”

Ni xi akakoo̱ 2:26

Kó kui xi sa̱ꞌiín, kó sa̱ꞌínkjatjosón ngaskande nga kju̱i̱e̱tꞌa ni xi mejénna nga sa̱ꞌín, tsjàa̱ xá, tsi̱ꞌe̱ nga kui ko̱tíxomaa̱ na̱xi̱ńdaá,

Ni xi akakoo̱ 2:3

kó tjiín kjo̱a̱chiyákón, kó tjíchikjoáa̱ ta̱ngatꞌanii̱ jaꞌénna, kó kjiꞌmeyájín ji.

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.