Matioo̱ 10:19 - Xo̱jo̱n eén Néná

¹⁹ Ta̱nga nga si̱ꞌankꞌasꞌienjnú ngi̱ya tsja jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú ko̱jo tsi kótsꞌèn ko̱ndókjo̱a̱jnú ngo ni, ngatꞌa̱ ti̱ kuii̱ chi̱bo̱a̱ kꞌuiyájnú ni xi ko̱ndókjo̱a̱jnú.

Matioo̱ 10:19 ပူးပေါင်းရင်းမြစ်များ

Éksondo̱ 4:12

Ngotꞌe̱ ꞌne̱, tꞌen ji nangi Ejipto̱, ngatꞌa̱ án boá xi kosiko̱joo nga nda ko̱ndókjo̱e̱ ji, kó án boá xi xiyaá mí ni xi ko̱ndókjo̱e̱ ji.

Éksondo̱ 4:15

Ndókjo̱e̱je ji Aaroo̱n, kó tꞌíyée̱ ngayeje ni xi je kixiaan, tsi̱ꞌe̱ nga kui xi ku̱i̱chji̱a̱jo xota̱ na̱xi̱ńdaá ngajo tse̱, xikó maá tsi ji xi tindokjo̱e̱, xikótsꞌèn ji ndokjo̱e̱je ji xikó maá tsi an xi tsꞌénchji̱a̱ an, kó an kosiko̱jójnúꞌun nga ko̱ndókjo̱a̱jnú ko̱jo kokojnúꞌun ni xi si̱ꞌánjnú.

Matioo̱ 10:18

Kó ngaskande ngindyi̱ko̱n xtitjón ko̱jo re kongínjo̱jnú ta̱ngatꞌanii̱ an, tsi̱ꞌe̱ nga ko̱ndókjo̱a̱jnú kjo̱a̱a̱ an ngindyi̱ko̱n kui xotaa̱ ko̱jo xota̱ xi jundío̱jiín.

Matioo̱ 6:25

Kuíni nga bi̱ xiánjnúꞌun: Ngata̱ nda̱jín májnú kjo̱a̱a̱ kjo̱a̱mindyionjnú, kjo̱a̱a̱ mí ni xi xi̱ni̱e̱jnú ko̱jo mí ni xi sꞌi̱o̱jnú, ko̱jo kjo̱a̱a̱ yojojnú, ko̱jo kjo̱a̱a̱ mí ńjño xi xcha̱jàjnú. A chjíjín ngasenii̱ kjo̱a̱mindyioo̱n ta̱bo̱a̱jiín nichiniee̱, kó a chjíjín ngasenii̱ yojoo̱ ta̱bo̱a̱jiín ńjño xi chajaá.

Matioo̱ 6:31

Kó kuíni nga, ngata̱ nda̱jín májnú nga bi̱ kꞌuínjnú: «Mí ni xi xi̱ni̱e̱, mí ni xi sꞌi̱o̱, mí ni xi xcha̱já.»

Matioo̱ 6:34

Kó kuíni nga, ngata̱ nda̱jín májnú kjo̱a̱a̱ ni xi ka̱ma ndyiojón, ngatꞌa̱ ndyiojoón kꞌuiérií ni xi nda̱ ka̱maa̱, jè ndakjiꞌi nga, nga ngo nga ngo ni̱xtjii̱n tjiín kjo̱a̱xti xi tsi̱ꞌe̱.

Rkaa̱ 12:11

Kó kjiꞌanga kongínjo̱jnú ndiꞌa nínga ndokjo̱a̱ eén Néná, ko̱jo tsi ngindyi̱ko̱n nendiꞌamasien, ko̱jo tsi ngindyi̱ko̱n xota̱xá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ko̱jo tsi ni xi kꞌuínjnú,

Rkaa̱ 12:12

ngatꞌa̱ A̱si̱énni̱xtjii̱n Néná ko̱kóyájnú ti̱ kuii̱ chi̱bo̱a̱ ni xi kꞌuínjnú jún.

Ni xi kamá 6:10

kó kamájín xi katsꞌeén, ngatꞌa̱ nga tsíchji̱a̱, kisꞌiee̱ kjo̱a̱kjínkón ko̱jo A̱si̱énni̱xtjii̱n Néná.

Xota̱ Filipo̱ 4:6

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.