Matioo̱ 10:16 - Xo̱jo̱n eén Néná

¹⁶ Kꞌi̱e̱ tsꞌéntsangiyajnúꞌun xikó maá cho̱tsa̱nga̱ xi tjimá ngi̱jii̱n cho̱lobo̱, kó kuíni nga ti̱ndyiondajnú xikó maá ngo ye̱, ta̱nga inda ini̱ma̱ ngatamajnú xikó maá ngo tójo.

Matioo̱ 10:16 ပူးပေါင်းရင်းမြစ်များ

Jenesii̱s 3:1

Ta̱nga ye̱e̱ achichí maña̱ kamá, ta̱bo̱a̱jiín ngayeje cho̱ kꞌijñá xí katsꞌénda Néná. Ngo ndi̱yà kuí ye̱e̱, bi̱ katsoó naa̱: —A bo̱a̱ xò katsójnú Néná nga ka̱májín xi̱ni̱e̱jnú ngayeje to xi tsjá yá xí tjín nínga kjiꞌi yátjieé.

Jenesii̱s 3:13

Kósꞌe̱ Néná bi̱ katsoó kui naa̱: —Míkjo̱a̱a̱ nga bo̱a̱ kjiꞌi kon ni xi kiniꞌín ji. Kó bi̱ katsó kui naa̱: —Ye̱e̱ boá xí tsꞌenṉcha̱jona. Kuíni nga iskjíni̱e̱ an kui too̱.

Matioo̱ 24:25

Ja̱ je katsóyàtjónjnúꞌun ni xi ka̱ma.

Matioo̱ 24:45

ꞌYá moso̱ xi kixi̱ ko̱jo xi ꞌniátakón xi ka̱maa̱ si̱ꞌankjatjosón, nga ndi̱a̱a̱ sa̱ꞌínkonda ndiꞌaa̱ tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Matioo̱ 25:2

Ún kui ínchjiín xi chi̱ni, kó ún xi xi̱ꞌinkjo̱a̱.

Matioo̱ 25:4

ta̱nga ínchjín xí xi̱ꞌinkjo̱a̱a̱ iskjíbé ndiꞌíxoò, kó yaꞌatꞌa ngase ndátí.

Matioo̱ 25:9

Ta̱nga ínchjín xí xi̱ꞌinkjo̱a̱a̱, bi̱ katsó: «Ka̱májín ko̱e̱ꞌéjne̱, ngatꞌa̱ kjo̱chóꞌájín tsi̱ꞌe̱ ndiꞌíxòjne̱ ko̱jo ndiꞌíxòjnú, ta̱sá tangínjnú nínga síndo xi botiñá ndátií, tsi̱ꞌe̱ nga si̱ꞌantsiéjnú ngase.»

Rkaa̱ 10:3

Tangínjnú, kꞌi̱e̱ tsꞌéntsangiyajnúꞌun xikó maá cho̱tsa̱nga̱ xi tjimá ngi̱jii̱n cho̱lobo̱.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Ni xi kamá 20:29

Ngatꞌa̱ nga jè be an nga ngije kjuín án, kjo̱e̱ꞌe kje̱ꞌe xi xikó maá cho̱lobo̱ tamá nga ka̱mamejeén sa̱ꞌínkjié xota̱ na̱ngo̱xi̱i̱,

1 Xota̱ Korinto̱ 14:20

Jún ntsꞌie, ngata̱ bo̱a̱jín tsꞌén fojintakónjnú xikótsꞌèn tsꞌénkjó jákjíndií, ta̱sá bo̱a̱ ti̱ꞌánjnú xikoó jákjíndií nga tsꞌensénjiín ni xi ndajiín, ta̱nga ti̱ꞌankjójnú xikoó ngo xota̱ xi xchá.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 11:14

Kó ngata̱ ma ndikónjínjnú, ngatꞌa̱ ti̱ kuii̱ xindajín Satanaa̱ tsꞌénkjátsónyá maña̱ yojoo̱, nga ndítsjiee̱ Néná tsoó yojoo̱.

2 Xota̱ Korinto̱ 11:3

Ta̱nga nda̱ kjimana, nga xikótsꞌèn ye̱e̱ katsꞌénkjién kjo̱a̱mañaa̱ nga tsꞌenṉcha̱jo na̱ Ebaa̱, nga ti̱ bo̱a̱ ti̱ tsꞌén xi̱ꞌṉcha̱jojnú jún, tsi̱ꞌe̱ nga ka̱matsobéjii̱n kjo̱a̱kjíntakónjnú, kó jmí tsi tsjietsꞌén, ko̱jo tsi ngayeje takónjnú nga kongintjingíjnúu̱ Kristoo̱.

2 Xota̱ Korinto̱ 8:20

Mejénjínjne̱ nga tjín xí ku̱i̱chji̱a̱ꞌonjne̱ kjo̱a̱a̱ xikótsꞌèn si̱ꞌanxájo̱jne̱ to̱nchji̱e̱ tsie xi kjimatikoó.

Xota̱ Filipo̱ 2:15

Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú,

Xota̱ Kolosa̱ 1:9

Kuíni nga ji̱n ndeskande koó nga kandaꞌyájne̱, ngatsjéni̱xtjin ndyi̱ndokjo̱a̱tjéjne̱ jún, ko̱jo ndyi̱chjiáꞌájne̱ Néná tsi̱ꞌe̱ nga ko̱kó cha̱n cha̱njnú ni xi mejeén nga si̱ꞌánjnú jún, ko̱jo tsi̱ꞌe̱ nga tsja̱ajnú ngayeje to̱ko̱ya kjo̱a̱kjínkón, ko̱jo nga A̱si̱énni̱xtjii̱n xi tsja̱ajnú nga ka̱makjínjnú ni xi tsi̱ꞌe̱ Néná.

Xota̱ Kolosa̱ 4:5

Ti̱ndyiónjnú xikoó xota̱ xi kjínkón ngi̱jii̱n xota̱ xi sꞌijinjiín Néná, kó ni xi nda ti̱ꞌánjnú nga kꞌuiéjnú ngi̱ndie.

1 Xota̱ Tesalónika̱ 2:10

Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná.

1 Xota̱ Tesalónika̱ 5:22

Ti̱ꞌanchꞌójnúu̱ yojojnú ngayeje ni xi ndajiín.