Matioo̱ 1:21 - Xo̱jo̱n eén Néná

²¹ Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 1:21 ပူးပေါင်းရင်းမြစ်များ

Jenesii̱s 17:19

Sꞌe̱ bi̱ katsó Néná: —Ndatsi sꞌijinjiín, ta̱nga ja̱koxi̱ boá nga na̱ Saraa̱ tsjaá jí ngo ndí, kó Isaa̱ kꞌuítꞌe jaꞌén jí. Ngatsjéni̱xtjin nga kꞌuijñá kui ni xi tsꞌénꞌbindajoo̱ ji ngi̱jin xota̱ tji̱e̱ tse̱.

Jenesii̱s 17:21

Ta̱nga ta̱ Isaa̱ tsí boá xi tjítsꞌenjo̱ an kjo̱a̱ꞌbíndana, kui ndí xí stse̱én na̱ Saraa̱ ngotꞌe̱ ngo noó.

Jenesii̱s 18:10

Kó ngo kui jaá xi bi̱ katsó: —Nó xí ndibaá kji̱ndi̱bákón ngiñaá ji, kó kui ni̱xtjii̱n chjóo̱n je katsen ndií kjiꞌa. Kó na̱ Saraa̱ nga̱xto̱n nga̱ntjo̱a̱a̱ ndiꞌa xi tji̱xi̱ín cho̱ kiniꞌándanii̱ tikón, kó ki̱a̱ tsintꞌieé ngayeje ni xi katsó Abraa̱n ko̱jo kui jaá.

Matioo̱ 1:25

Kó nde kji̱e̱ foyojojo̱jín xkjín nga kisꞌiee̱ ngo ndí na̱ Riyaa̱, kui xi KJISO̱ ítꞌajaꞌén.

Rkaa̱ 1:13

Ta̱nga ndítsjiee̱, bi̱ katsoó: —¡Sakariya̱, ngata̱ ndakinjín má ji! Ngatꞌa̱ Néná je tsintꞌieé ji ko̱jo chjóo̱n nga ndyi̱ndokjo̱a̱jnúu̱, kó na̱ Sabee̱ ngo ndí kꞌuieé, xi Jua̱ kuítꞌe jaꞌén jí.

Rkaa̱ 1:31

Ngotꞌe̱ ꞌne̱ ngo ndí xꞌi̱e̱ ji, kó ngije stse̱n kuí ndií, KJISO̱ kuítꞌe jaꞌén.

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Rkaa̱ 2:21

Kó nga jachó xi ma jin ni̱xtjin, kiniꞌaán sirkunsisioo̱n kui ndií, kósꞌe̱ KJISO̱ ikítꞌa jaꞌén, ti̱ kuii̱ jaꞌén xí katsóyàtjón ndítsjiee̱, ngindiee̱ nga ko̱a̱ꞌa̱ ndí na̱ Riyaa̱.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Ni xi kamá 13:23

Xota̱ tji̱e̱e̱ Ndabii̱ kjindibáni Kjisoo̱, kui xi katsangiya Néná tsi̱ꞌe̱ nga kꞌo̱xiéꞌá xota̱ Israee̱l xikó katsó nga katsóyàtjón.

Ni xi kamá 3:26

Kjiꞌanga Néná katsꞌénkjaꞌáꞌyaá ndií, tjón jún katsangiyajnú, tsi̱ꞌe̱ nga katsꞌénchikonñéjnú, ko̱jo tsi̱ꞌe̱ nga bo̱a̱ tsꞌén nga ngo nga ngojnú ngiti̱ jmí ni xi chꞌokjiꞌi si̱ꞌánjínjnú.

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.