Matioo̱ 1:19 - Xo̱jo̱n eén Néná

¹⁹ Kó Kosiee̱ nda̱ xi ka̱ma xi̱ꞌii̱n na̱ Riyaa̱, ngo nda̱ xi kixi̱ kamá, kó kamámejénjiín nga kjo̱a̱soboá tsja̱á ngindyi̱ko̱n xotaa̱. Kó katsꞌénkjó nga ta̱ ꞌma ꞌma ku̱i̱ꞌíjñá.

Matioo̱ 1:19 ပူးပေါင်းရင်းမြစ်များ

Jenesii̱s 38:24

Ngije jaꞌa mara̱ ján sá, tjín xí bi̱ katsoó Jundáa̱: —Na̱ Tamaa̱r tjínrá xi kisꞌiejo̱ ngatꞌa̱ ndí jè yaꞌa. Kó Jundáa̱ bi̱ katsó: —¡ꞌNa̱xiéjnú kui ngi̱ndiee̱ kó tꞌítí tikónjnú!

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Lebitiko̱ 19:20

»Tsi tjín xí kjojñájo̱ ngo na̱ chji̱ni̱e̱ꞌbo xi je mejeén ku̱i̱xanjo̱ kje̱ꞌe nda̱, ta̱nga tsi kji̱e̱ tikónndéjín, kui xi bo̱a̱ katsꞌeén, chjiéngá ku̱i̱ꞌíchjií kui nda̱a̱, kui ni xi ndajínkjiꞌi xi katsꞌénjo̱. Ta̱nga ti̱nde kui nda̱ xi bo̱a̱ katsꞌeén, ti̱nde kui naa̱ jmíjiín ngo jé nga ka̱ma si̱ꞌankꞌienni, ngatꞌa̱ jmí tsi je kamándé.

Lebitiko̱ 20:10

»Tsi tjín xí kjojñájo̱ chjo̱ón kje̱ꞌe nda̱, chjiéngá ko̱yà kui xi bo̱a̱ katsꞌeén ko̱jo kui naa̱ nga.

Markoo̱ 10:4

Kó kui jaá, bi̱ katsó: –Moisee̱ katsjandiè nga ka̱ma xò tsí ngo nda̱ xi je ixán, skjinínkꞌá ngo xo̱jo̱n nínga je je kjo̱a̱bixaa̱n, kó nga ka̱ma xò ku̱i̱ꞌíjñá chjo̱ón.

Markoo̱ 6:20

ngatꞌa̱ Erondee̱ katsakjónní Juaa̱, kjo̱a̱a̱ nga ta̱nisién ngo nda̱ xi kixi̱ kamá, ko̱jo tsjie kistsoꞌbájo̱ yojoo̱, kó kuíni nga ta̱sá askoo̱n. Kó kjiꞌanga tsintꞌié ni xi katsóyà Juaa̱, nde bejín mí xí sa̱ꞌínkjó, ta̱nga ti̱ kuí xi tsja kamaá nga tsintꞌieé.

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Ni xi kamá 27:39

Kó ngije kisisie̱èn, já xí tsꞌénxájo̱ tjotso jee̱ nde kamábejín tꞌanangii̱, ta̱nga kamábe ngo tꞌa chji̱ndi̱e̱e̱ ndáchíkoón, kó katsꞌénkjó nga ki̱a̱ skjién boaꞌá tꞌa tjotso jee̱ kui ngi̱ndiee̱.

2 Xota̱ Korinto̱ 1:15

ꞌNiú kamáꞌniátakónjnúꞌun kuíni nga katsꞌenkjó án nga tjón jún kjuínkátsijenjnúꞌun, tsi̱ꞌe̱ nga kꞌuiéjnú kjo̱a̱nda nga jó ndi̱yà kjuínkátsijenjnúꞌun.

Ndeuteronomio̱ 22:20

»Ta̱nga tsi ja̱koxi̱ nga kui naa̱ je kje̱ꞌe xí jajñajo̱ ngindiee̱ nga ku̱i̱xan,