Markoo̱ 9:50 - Xo̱jo̱n eén Néná

⁵⁰ Nda na̱xa̱a̱, ta̱nga tsi ngiti̱ ndiajín ka̱ma, mí xí ko̱e̱ꞌéngaꞌniú nginíjnú nga ka̱mandia. Ngasꞌiejnú na̱xa̱ ngi̱jinjnú, kó ngatꞌiéjnú kjo̱a̱xió ja̱kꞌi̱e̱ ja̱ngaján.

Markoo̱ 9:50 ပူးပေါင်းရင်းမြစ်များ

Joo̱b 6:6

Kjiꞌanga tjiín na̱xa̱ nichiniee̱, achichí ndakón má, ¡kó ngaskande tiboaa̱ chjo̱o nda chinie nga!

Xo̱jo̱n Salmoo̱ 133:1

¡Jmíjín ngo ni xi ꞌniú tsjákjiꞌi ngase, xikoó nga yà nga tsjatsꞌèn matikó ngayeje ntsꞌié ko̱jo ndichjá!

Xo̱jo̱n Salmoo̱ 34:14

Ti̱xínboeꞌée̱ ni xi ndajiín, kó ni xi ndaa̱ ti̱ꞌin, ti̱ndyi̱sé ji kjo̱a̱xioó, kó kui tꞌentji̱ngi ji.

Matioo̱ 5:13

Jún boá xi xikoó na̱xa̱a̱ tꞌanangii̱. Ta̱nga tsi ngiti̱ ndiajín ka̱ma na̱xa̱a̱, kótsꞌèn ka̱mandia nginí. Jè ngiti̱ jmí ni chjíjiín, ta̱ tsi̱ꞌe̱ nga ku̱i̱chíjmi tsí ndi̱tsén jàn, tsi̱ꞌe̱ nga tsja̱nié xotaa̱.

Markoo̱ 9:34

Ta̱nga kui jaá xió kisꞌińdo, ngatꞌa̱ nga tjimáyà ngi̱ya ndi̱ya̱à ndyi̱fotí kjo̱a̱a̱ ꞌyání xi chjí ngasenii̱ ngi̱jii̱n kui jaá.

Markoo̱ 9:49

Ngatꞌa̱ ndiꞌí boá xi si̱ꞌandiani ngayeje xotaa̱.

Xota̱ Roma̱ 12:18

Tsi jún xi ka̱majnú, xió ti̱ndyionjo̱jnú ngayeje xotaa̱.

2 Xota̱ Korinto̱ 13:11

Kó nga fetꞌanii̱ ni xi xiyàjnúꞌun já ntsꞌie, mejénna nga kꞌuiéjnú kjo̱a̱tsja, ti̱ndyi̱séjnú nga xota̱ xi kixi̱ ndo̱jò ndójo̱ ka̱majnú, te̱ꞌéngaꞌniújnúu̱ xingi̱jnú, kó ti̱ bo̱a̱ ti̱ tsꞌén ngasꞌiejnú jún nga, ngatꞌiéjnú kjo̱a̱xió, kó bo̱a̱ tsꞌén nga Néná xi tjiín kjo̱a̱xioó, ko̱jo xi tjiín kjo̱a̱tjoó nga tꞌíjñajinjnú.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Éfeso̱ 4:29

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

Xota̱ Kolosa̱ 4:6

Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.

1 Xota̱ Tesalónika̱ 5:13

Chjiéngá xcha̱ndikónjnú ko̱jo tjó ti̱ꞌánjnú kjo̱a̱a̱ xá xí ndyi̱tsꞌèn. Ngatꞌiéjnú kjo̱a̱xió ngi̱jinjnú.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

Xota̱ Ebreo̱ 12:14

Ti̱ndyi̱séjnú nga kꞌuiéjnú kjo̱a̱xió ngayejejnú, kó tsjietsꞌén ti̱ndyiónjnú ngindyi̱ko̱n Néná. Ngatꞌa̱ xi tsjiejín síndo ngindyi̱ko̱n Néná, sku̱i̱e̱jín Ndi̱a̱ná.

Xo̱jo̱o̱n Sandiyaá 1:20

Ngatꞌa̱ kjo̱a̱tamaá bosikójojínná nga kixi̱ ku̱i̱ndyión ngindyi̱ko̱n Néná.

1 Xo̱jo̱o̱n Peé 3:8

Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.