Markoo̱ 9:33 - Xo̱jo̱n eén Néná

³³ Kó jachó na̱xi̱ńdáꞌniú Kapernau̱n. Kó ngije síndo ngi̱ya ndiꞌaa̱, Kjisoo̱, bi̱ katsó nga asíyaá xota̱a̱: –Mí xí ndyi̱nchiboájnú ngi̱ya ndi̱ya̱à nga ndyi̱ndibá ngoye.

Markoo̱ 9:33 ပူးပေါင်းရင်းမြစ်များ

Matioo̱ 17:24

Kó nga jachó Kjisoo̱ ko̱jo xota̱a̱ ki̱a̱ na̱xi̱ńdáꞌniú Kapernau̱n, já xí ndyi̱foaꞌáchjí to̱n xi machjítjé na̱ngo̱xi̱i̱ kijíkoón Peé, kó bi̱ katsó nga asíyaá: –A ꞌbíchjíjín Mostroo̱ to̱n xi machjítjéni na̱ngo̱xi̱i̱.

Markoo̱ 2:8

Kó Kjisoo̱ kamákjín tji̱ꞌni̱u̱ú a̱si̱énni̱xtjii̱n ni xi yíjin kon kui jaá, kó bi̱ katsó nga asíyaá: –Míkjo̱a̱a̱ nga bo̱a̱ tsꞌén ndyi̱fojintakónjnú.

Markoo̱ 3:19

ko̱jo Junda̱ Iskariotee̱, nda̱ xi jaskan katsꞌénkꞌasꞌien Kjisoo̱.

Juaa̱ 2:25

kó jmí kjo̱a̱jín nga tjín xí katsóyaà kókón xotaa̱, ngatꞌa̱ ja̱bo̱a̱ je be kui kókón, ko̱jo kótsꞌèn tsꞌénkjó.

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

Xota̱ Ebreo̱ 4:13

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n kui, ta̱sá ngayeje nii̱ xi síndo tsijen ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.