Markoo̱ 8:38 - Xo̱jo̱n eén Néná

³⁸ Ngatꞌa̱ ngayeje xota̱ xi soboá ka̱maa̱ kjo̱a̱a̱ an, ko̱jo kjo̱a̱a̱ énna kꞌi̱e̱ ngindyi̱ko̱n kui xota̱ xi ndyi̱tsꞌèntꞌaa̱ kjo̱a̱ Néná, ko̱jo kui xota̱jeé, ti̱ bo̱a̱ ti̱ tsꞌén ndií nda̱ xi̱ꞌii̱n soboá ka̱maa̱ kjo̱a̱a̱ kui, nga kjo̱e̱ꞌéjo̱ kjo̱a̱jee̱ Na̱ꞌmii̱ ko̱jo ndítsjiee̱.

Markoo̱ 8:38 ပူးပေါင်းရင်းမြစ်များ

Matioo̱ 12:39

Sꞌe̱ Kjisoo̱, bi̱ katsó: –Kui xota̱ xi ndajín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱.

Matioo̱ 13:41

kó ndií nda̱ xi̱ꞌii̱n sa̱ngíyá ndítsjiee̱, kó kjo̱a̱ꞌáxín ki̱a̱ nínga botixómá ngayeje kui xota̱ xi ta̱ngatꞌanii̱ kui nga kje̱ꞌe xí tsꞌénjé, ko̱jo xi ndyi̱tsꞌèn ni xi ndajiín,

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 16:4

Kui xota̱ xi ndajiín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱. Sꞌe̱ Kjisoo̱ índomasien kui jaá, kó kijí.

Matioo̱ 24:30

Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 13:26

Kósꞌe̱ kjiꞌá boá nga xcha̱ ndií nda̱ xi̱ꞌii̱n nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kji̱ndi̱bájo̱.

Markoo̱ 14:62

Kó Kjisoo̱, bi̱ katsó: –Jo̱o̱n, Án boá, kó xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Markoo̱ 8:37

Axa̱ mí ni xi tsja̱á ngo nda̱ xi ko̱sítꞌa ini̱ma̱a̱.

Rkaa̱ 19:26

Ta̱nga bi̱ katsó nda̱ ree̱: “An xiyàjnúꞌun nga ngayeje xi tjiín, ko̱e̱ꞌeé, ta̱nga xi jmíjiín, ngaskande ni xi tjiín xi chje̱ꞌéxiín.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:51

Kó bi̱ katsó ngase Kjisoo̱: –Ja̱koxi̱ ni xi xian an: Nga jún xcha̱jnú nga tsjientíxa̱ ndiꞌakꞌajmi jàn, kó xcha̱jnú nga ko̱e̱je̱nijíngí ko̱jo nga kjo̱tjajen ndítsjiee̱ Néná nga kjo̱e̱ꞌekoón ndií nda̱ xi̱ꞌii̱n.

Juaa̱ 12:34

Sꞌe̱ bi̱ katsó kui xotaa̱: –Ta̱ngatꞌanii̱ kjo̱a̱kitii̱ nga yàjne̱ nga Kristoo̱ kꞌuijñá ngatsjéni̱xtjin. Ja̱ kótsꞌèn se ji nga ndií nda̱ xi̱ꞌii̱n chjiéngá xtjonínkꞌá. ꞌYání bo̱a̱ kui ndií nda̱ xi̱ꞌin xi̱ꞌbi̱.

Juaa̱ 5:27

Kó ti̱ katsjaá xá, tsi̱ꞌe̱ nga ka̱ma ka̱tso̱yà tsi nda ko̱jo tsi ndajín ndyi̱tsꞌèn xotaa̱, ngatꞌa̱ kuí boá xi ndií nda̱ xi̱ꞌii̱n.

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 1:16

Ngatꞌa̱ soboájín mána kjo̱a̱a̱ éntjatsi̱e̱e̱ Néná xí ꞌbini̱jmì án, ngatꞌa̱ kuí xí ngaꞌniuú Néná tsi̱ꞌe̱ nga kjo̱tjoꞌa ngayeje xota̱ xi sꞌijii̱n, tsi xota̱ xi jundío̱ ko̱jo tsi xota̱ xi jundío̱jín.

Xota̱ Ngalasia̱ 6:14

Kjo̱a̱ ngaá an ꞌne̱, mejénjínna nga je kꞌoxié an yojona, ngototo kjo̱a̱a̱ ni xi katsꞌén Ndi̱a̱ná Jesukristoo̱ nga kꞌientꞌa kroo̱. Ngatꞌa̱ ki̱a̱ tꞌaa̱ kro jè kꞌienjo̱ an Kristoo̱. Kó ni xi tsi̱ꞌe̱ kui nga̱sondiee̱ jè ngiti̱ jmí ni bejín kjo̱a̱a̱ an, ti̱nde an ngiti̱ jmí ni bejín an kjo̱a̱a̱ ni xi tsi̱ꞌe̱ kui nga̱sondiee̱.

Ndeuteronomio̱ 33:2

nga bi̱ katsoó: «Néná ki̱a̱ tsꞌéndibání na̱xi̱ Sinaii̱, kó ndiꞌií ki̱a̱ ndibánií ndeskande nangi Endoo̱n. Ndeskande na̱xi̱i̱ Paraa̱n ya ꞌna̱ ꞌna̱ nga je ndibá, kó ngaskande Meribaa̱ fochó, ki̱a̱ nangi Kandee̱. Ndiꞌí boá xi tjiyátsjà xi kixi̱i̱, kó achichí kjín mi̱ ma já tamá xí kján xi tsꞌéndibájo̱.

1 Xota̱ Tesalónika̱ 2:19

Ngatꞌa̱ kjiꞌanga kji̱ndi̱bá nginí Ndi̱a̱ná Jesukristoo̱, mí ni xi ndyi̱chiyájne̱. Axa̱ mí ni xi tsja ka̱majne̱. Axa̱ mí ni xi tsja̱ajne̱ kjo̱a̱je. A júnjín bo̱a̱.

1 Xota̱ Tesalónika̱ 3:13

Néná nga tsja ngaꞌniuú ini̱ma̱jnú, kó kjiꞌanga kjo̱e̱ꞌe nginí Ndi̱a̱ná Jesukristoo̱ nga kjo̱e̱ꞌéjo̱ xota̱ na̱xi̱ńdá tsjiee̱, nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ꞌniú tsjie ku̱i̱ndyionjnú ngindyi̱ko̱n Néná xí Na̱ꞌminá.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

2 Timoo̱ 1:16

Ndi̱a̱ná nga tsjaá kjo̱a̱ni̱ma̱takoón xota̱ xkjín Onesíforoo̱, ngatꞌa̱ kui nda̱a̱ achichí kjín ndi̱yà katsjangaꞌniúna, kó soboájín kamaá nga ndo̱bo̱a̱yà kisꞌijña an.

2 Timoo̱ 1:8

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

Xo̱jo̱o̱n Sandiyaá 4:4

¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

Ni xi akakoo̱ 14:10

Néná sa̱ꞌínxchán, kó ꞌniú sa̱ꞌínjeé, ngo kjo̱a̱ni̱ma̱ xi ꞌniú sa̱ꞌínkjaꞌa ngi̱jin ndiꞌí, ko̱jo ngi̱jin asufre̱ xi tjítí ngindyi̱ko̱n ndítsjiee̱ ko̱jo cho̱tsa̱nga̱a̱.