Markoo̱ 7:14 - Xo̱jo̱n eén Néná

¹⁴ Kó Kjisoo̱ tsíchji̱a̱a̱ ngayeje xota̱ kjiín, kó bi̱ katsoó: –Ndaꞌyájnúꞌun ngayejejnú, kó ngatamakjínjnú kui nii̱:

Markoo̱ 7:14 ပူးပေါင်းရင်းမြစ်များ

Xo̱jo̱n Salmoo̱ 94:8

Ngatamakjínjnú kui nii̱, jún xota̱ chi̱ni xi chji̱a̱ni na̱xi̱ńdaá, kó jún xota̱ xi kitikjo̱a̱, ngaskande kjiꞌání nga xota̱ xi kjínkón ka̱majnú jún.

Énkjínkón 8:5

Jún ndí já xo̱ngò xi jmí ni bejín, ndí jákjíndí xi kji̱e̱ jmí ni májiín, ¡nda má ti̱ꞌankjójnú ni xi ndyi̱niꞌánjnú!

Matioo̱ 15:10

Kó Kjisoo̱ tsíchji̱a̱a̱ xota̱ kjiín, kó bi̱ katsoó: –Ndaꞌyájnú, kó ngatamakjínjnú kui nii̱.

Markoo̱ 7:13

Kó bo̱a̱ tsꞌén niꞌánchjíjínjnúu̱ eén Néná, nga kui kjo̱a̱xcha̱á ndyi̱bokoyájnúu̱ xotaa̱. Kó kjín ngase ni xi xikoó xi̱ꞌbi̱ xi ndyi̱niꞌánjnú.

Markoo̱ 7:15

Ngayeje ni xi ndibání ndi̱tsén jàn xi kꞌo̱sꞌien ngi̱jin yojoo̱ xotaa̱, kuijín nii̱ xi tsꞌénndándí ngindyi̱ko̱n Néná, ta̱nga kuí ni xi fotjoo̱ ini̱ma̱a̱ xi tsꞌénndándí.

Rkaa̱ 12:1

Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Ni xi kamá 8:30

Kó ngije jachó tiña Ngiripee̱, tsintꞌié nga kui nda̱ Etiopiyaa̱ tjítsꞌényà xo̱jo̱n xi katsꞌénꞌindó nda̱ chji̱ni̱e̱ꞌe̱én Néná xi ꞌmí Isayaa̱, kósꞌe̱ Ngiripee̱, bi̱ katsó nga asíyaá kui nda̱a̱: –A kjimakjiín ji ni xi tiꞌniꞌínyé.