Markoo̱ 2:20 - Xo̱jo̱n eén Néná

²⁰ Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kó kuí ni̱xtjii̱n nga ka̱ma kꞌuíndo kjindiá.

Markoo̱ 2:20 ပူးပေါင်းရင်းမြစ်များ

Xo̱jo̱n Salmoo̱ 45:11

Ree̱ ka̱mamejeén kjo̱a̱tsjakjiꞌii̱ yojòo̱, che̱ndikín jí, ngatꞌa̱ kuí boá xi Ndi̱a̱a̱ ka̱ma.

Én xí nda xi ꞌniú tsjatsó ngasee̱ 3:11

¡Tja̱tjójnú ínchjín xí chji̱a̱ni na̱xi̱ńdáꞌniú Jerusalee̱n! ¡Ja̱bítsitsíjenjnúu̱ nda̱ re Salomoo̱! Tikón maá to̱ko̱ kui korona̱ xi katsꞌéndaa̱ na̱aa̱n ni̱xtjin nga ixán, ¡kui ni̱xtjin xi ꞌniú tsjá ngase kamaá nga kisꞌijña kui nga̱sondiee̱!

Matioo̱ 26:31

Kósꞌe̱ Kjisoo̱, bi̱ katsoó xota̱a̱: –Ngayejejnú nga kui ni̱xtji̱e̱e̱n ngiti̱ sꞌi̱jinjínjnú an, ngatꞌa̱ jè kjitꞌa xo̱jo̱n eén Néná, nínga bi̱ tsoó: «Sa̱ꞌinꞌóo̱n nda̱ xi koo̱n cho̱tsa̱nga̱a̱, kó cho̱tsa̱nga̱a̱ stso̱joboa.»

Matioo̱ 9:15

Kó Kjisoo̱, bi̱ katsoó: –A ka̱márií xa̱ꞌya̱ kjo̱a̱ꞌa xota̱ xi tjimá ngo ndiꞌibixan tji̱e̱nga nda̱ xi ku̱i̱xaa̱n ki̱a̱ tikónjo̱. Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kjiꞌá boá nga ka̱ma kꞌuíndo kjindiá.

Markoo̱ 2:19

Kó Kjisoo̱, bi̱ katsoó: –A ka̱márií kꞌuíndo kjindiá xota̱ xi tjimá ndiꞌibixaa̱n, tji̱e̱nga ki̱a̱ tikónjo̱ nda̱ xi ku̱i̱xaa̱n. Tji̱e̱nga ki̱a̱ tikón nda̱ xi ku̱i̱xaa̱n, ka̱májín kꞌuíndo kjindiá.

Markoo̱ 2:21

Ngojín xota̱ xi ńjño tja̱tsi̱e̱ ko̱óyaá nga ku̱i̱ꞌíxtió ńjñoo̱ ngo xtjí xchá, tsi bo̱a̱ sa̱ꞌín, ńjño tja̱tsi̱e̱e̱ skjíndiyá ńjño xchaá, kó tsie ngase xtjóndiyá xtjií.

Rkaa̱ 17:22

Kósꞌe̱ bi̱ katsoó xota̱ tsi̱ꞌe̱: –Kjo̱chó ngo ni̱xtjin nga ka̱mamejénjnú nga ndeta̱ ngo ni̱xtjin xcha̱jnú ndií nda̱ xi̱ꞌii̱n, kó xcha̱jínjnú.

Rkaa̱ 5:35

Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kó kuí ni̱xtjii̱n nga ka̱ma kꞌuíndo kjindiá.

Juaa̱ 12:8

Ngatꞌa̱ xota̱ ni̱ma̱a̱ ngatsjéni̱xtjin kꞌuíndojinjnú, ta̱nga an, jmí tsi ngatsjéni̱xtjin kotíjña̱jinjnúꞌun.

Juaa̱ 13:33

Jún bo̱a̱ ndí ndí tsa̱ꞌa̱n, ta̱ chiboa tsí ni̱xtjin kotíjña̱jojnúꞌun. Ku̱i̱ndyi̱séjnúꞌun, ta̱nga xikó kixiáa̱n xota̱ jundíoo̱, ti̱ bo̱a̱ ti̱ xiánjnúꞌun jún: Nínga tsꞌénfí an, ka̱májín kongínjnú.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:13

Ta̱nga ngotꞌe̱ ꞌne̱, jè tsꞌénfikoo̱n ji, kó kui nii̱ tsꞌénxiyàa̱ xotaa̱ kui nga̱sondiee̱, tsi̱ꞌe̱ nga kꞌuié ndo̱jò ndójo̱ò kjo̱a̱tsjana.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Ni xi kamá 1:9

Kó ngije katsó kui nii̱, kamábe ngayeje kui já apostroo̱, kótsꞌèn kachjaninkꞌa Kjisoo̱, kó ngo ṉdi̱ yíꞌmá, kó ngiti̱ kamábejín ngase kui jaá.

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

Ni xi kamá 3:21

kui xi je ta̱xà bo̱a̱ kjiꞌini nga ndiꞌakꞌajmii̱ kꞌuijñá ngaskande ni̱xtjin nga ka̱mandaya ngayeje nii̱, kui ni xi katsó Néná nga katsꞌénkíchji̱a̱ já chji̱ni̱e̱ꞌén tsjiee̱ xi kisꞌińdo ni̱xtjin xcháján.

1 Xota̱ Korinto̱ 7:5

Ngata̱ ꞌbíxi̱a̱njínjnúu̱ yojojnú xingi̱jnú, ngototo tsi nga jójnú xi kꞌuíndajnú nga ku̱i̱ndyionxónjnú chiboa ni̱xtjin kjo̱a̱a̱ nga Néná ko̱ndókjo̱a̱jnúu̱, ta̱nga ngije jatjosón ni̱xtjin xi ikꞌíndajnú, ti̱ꞌantsjajo̱ nginíjnú xingi̱jnú, ngatꞌa̱ tsájmi̱ xindajín Satanaa̱ ka̱márií skjítꞌayákónjnú tsi ka̱maꞌniújínjnú yojojnú.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

2 Xota̱ Korinto̱ 11:27

Jè tsie xá xí katsꞌen an xi katsꞌénkjiendana. Kjín ni̱xtjin indyiáńjñáa̱ yojona. Jè jaꞌatio an bojó ko̱jo xíndá. Kjín ndi̱yà jaꞌatio an kjindiá nga jmí ni iskjíni̱e̱jín an. Kjín ndi̱yà jaꞌatio an nchꞌàn, ko̱jo nga jmí ńjño kisꞌiejínna.

2 Xota̱ Korinto̱ 6:5

Ko̱jo nga tjifoájne̱, ko̱jo nga ndyi̱niꞌánchíkjo̱a̱jne̱ tsi tjín xi ndyi̱fíjo̱jne̱ ndo̱bo̱a̱yà, ko̱jo nga tjíbixkánjo̱jne̱, ko̱jo nga xá ꞌniú ndyi̱niꞌánjne̱, ko̱jo nga ńjñá, ko̱jo tsi kjindiá ndyi̱bitjatiójne̱.

Ni xi akakoo̱ 19:7

Tsja ngatamaná, nga tsie máná kjo̱a̱tsja, kó ko̱e̱ꞌée̱ kjo̱a̱je, ngatꞌa̱ jè jachó chi̱bo̱a̱a̱ nga ku̱i̱xan ndií cho̱tsa̱nga̱a̱, kó chjo̱ón jè tikónnda:

Ni xi akakoo̱ 21:9

Kó kjindibákónna ngo kui xi yito ndítsjie xi ndyi̱yaꞌa chi̱tsen xí tjikítsie má kjo̱a̱ni̱ma̱ xi fetꞌaa̱, kó bi̱ katsóna: –Ja̱bíꞌi̱n, kokòo̱ chjo̱on xí ku̱i̱xanjo̱ cho̱tsa̱nga̱a̱.