Markoo̱ 16:14 - Xo̱jo̱n eén Néná

¹⁴ Nga fetꞌa Kjisoo̱ akoó yojoo̱ nga tiengo xota̱ tsi̱ꞌe̱ tji̱e̱nga síndotꞌa yeje yámíxa̱, kó katsꞌénxchánjo̱ ngatꞌa̱ kisꞌijinjiín, ko̱jo kjo̱a̱a̱ nga ta̱nisién tajá kamá ini̱ma̱a̱, ngatꞌa̱ nga katsꞌénsꞌijinjiín xota̱ xi je kamábe nga je jaꞌáꞌyaá Kjisoo̱.

Markoo̱ 16:14 ပူးပေါင်းရင်းမြစ်များ

Xki̱ 14:11

kó bi̱ katsoó Moisee̱: —Ngaskande kjiꞌání nga kui xota̱ na̱xi̱ńdaá sꞌi̱jii̱n nga ndikónjín an, ko̱jo nga jmíjínna ngaꞌniú. Achichí kjo̱a̱ndikón je katsꞌen an ngindyi̱ko̱n, kó a ta̱kó kji̱e̱ sꞌijinjiín an.

Matioo̱ 11:20

Kósꞌe̱ Kjisoo̱ katsꞌénxchánjo̱ xota̱ na̱xi̱ńdá xí síndo nínga katsꞌén kjín kjo̱a̱ndikón, ngatꞌa̱ kui xotaa̱ katsꞌénkꞌoyájín yojoo̱, kó bi̱ katsoó:

Matioo̱ 17:20

Kó Kjisoo̱, bi̱ katsó: –Ngatꞌa̱ ꞌniújín sꞌijinjnú, ngatꞌa̱ ja̱koxi̱ ni xi xiánjnúꞌun nga tsi ndeta̱ chií tsí sꞌijinjnú Néná xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui tji̱ngi̱i̱: «Xín tꞌen ji», kó xín ko̱e̱je̱, kó ngayeje nii̱ xi ka̱ma si̱ꞌánjnú.

Matioo̱ 28:17

kó kui jaá nga kamábe Kjisoo̱ katsꞌéndikón, ta̱nga tjín káꞌá xi jó xi ján íjñaá ini̱ma̱a̱.

Markoo̱ 7:18

Kó Kjisoo̱, bi̱ katsoó: –A ti̱nde jún makjínjínjnú. A kó makjínjínjnú nga ngayeje ni xi skji̱ni̱e̱ xotaa̱ nga kuijín nii̱ xi sa̱ꞌíndándí ngindyi̱ko̱n Néná,

Rkaa̱ 24:11

Ta̱nga kui jaá, ta̱ kjo̱a̱tsobé tsí kamaá ni xi katsóyà kui ínchjiín, kó kisꞌijinjiín.

Rkaa̱ 24:25

Kó Kjisoo̱, bi̱ katsoó kui jaá: –¡Mí xí ta̱ chi̱ninijnú ko̱jo mí xí ta̱ chjiya ini̱ma̱jnú nga kisꞌijinjínjnú ngayeje ni xi katsó já chji̱ni̱e̱ꞌe̱én Néná!

Juaa̱ 20:25

Kó xota̱ tsi̱ꞌe̱ xi ngasee̱, bi̱ katsoó: –Jè kamáyàjne̱ Ndi̱a̱a̱. Ta̱nga Tomaa̱, bi̱ katsó: –Tji̱e̱nga skuiejín an ti̱xa̱a̱ karabo̱ xi ikꞌieé tsja, ko̱jo tji̱e̱nga sangisꞌiénjín an ńjná ndsa̱ án, kó tji̱e̱nga sangisꞌiénjín an ndsa̱ an ni̱se̱e̱n nínga kiniꞌánꞌoón, sꞌi̱jinjínna.

Juaa̱ 20:26

Kó ngije jaꞌa jin ni̱xtjin ngijee̱, ti̱ kamátikó nginí xota̱ tsi̱ꞌe̱ Kjisoo̱ ko̱jo Tomaa̱. Kó jachó Kjisoo̱ nga tjíchjá nga̱ntjo̱a̱a̱, kó Kjisoo̱ kasasienkixi̱ ngamasiee̱n kui jaá, kó bi̱ katsó: –Ngatꞌiéjnú kjo̱a̱xió ngayejejnú.

Juaa̱ 20:27

Sꞌe̱ Kjisoo̱, bi̱ katsoó Tomaa̱: –Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.

Juaa̱ 21:1

Ngije kamá kui nii̱, Kjisoo̱ akó nginií yojoo̱ xota̱ tsi̱ꞌe̱ tꞌa ngi̱ndi̱o̱ tsie Tiberia̱, kó bi̱ kamá nga akoó yojoo̱ kui jaá:

Juaa̱ 21:14

Kuí xi̱ꞌbi̱ xi ma jaán ndi̱yà nga Kjisoo̱ akoó yojoo̱ xota̱ tsi̱ꞌe̱, ngije ja̱bo̱a̱ je jaꞌáꞌyaá ngi̱jii̱n xota̱ xi je jesoón.

Ni xi kamá 1:3

kui já apostro̱ xi akoó yojoo̱, ngije kꞌien kó jaꞌáꞌyaá, kó bo̱a̱ tsꞌén akó cha̱n cha̱a̱n chi̱bo̱a̱ nga tikón, yichán ni̱xtjin akoó yojoo̱ Kjisoo̱ kui jaá, kó tsíchji̱a̱jo kjo̱a̱a̱ xikótsꞌèn ko̱tíxoma Néná.

1 Xota̱ Korinto̱ 15:5

kó nga Kristoo̱, akoó yojoo̱ Peé, sꞌe̱ jaskan akoó yojoo̱ nga tiejó xota̱ tsi̱ꞌe̱.

Ni xi akakoo̱ 3:19

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.