Markoo̱ 14:61 - Xo̱jo̱n eén Néná

⁶¹ Ta̱nga Kjisoo̱ jmí ni katsójín, kó nde ngo én tsíchji̱a̱jín. Sꞌe̱ chináꞌmi xi ꞌniú nkꞌa xaá ti̱ asíyá nginií, nga bi̱ katsoó: –A jí xí Kristoo̱ ji, a jí xí ndií Néná jí.

Markoo̱ 14:61 ပူးပေါင်းရင်းမြစ်များ

Xo̱jo̱n Salmoo̱ 119:12

¡Ngatamachikonñé ji Ne! ¡Takoyèní tsi̱ꞌe̱ nga sa̱ꞌinkjatjosón an ni xi tsó kjo̱a̱botíxomàa̱!

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Matioo̱ 8:29

Kó bi̱ katsó nga askjandáyà kui jaá: –Mí ni xi tjiín kjo̱a̱a̱ ji̱n, Kjiso̱, ndií Néná. A jè kjo̱a̱ni̱ma̱ kjoéꞌe̱ niꞌínkjeꞌejne̱ ngindiee̱ nga kjo̱chó ni̱xtjii̱n.

Markoo̱ 14:60

Kó chináꞌmi xi ꞌniú nkꞌa xaá jastjíe̱n ngamasiee̱n xota̱ kjiín, kósꞌe̱ asíyaá Kjisoo̱, nga bi̱ katsoó: –A jmí ni séjín. Mí ni xi ndyi̱chji̱a̱ kui jaá kondra̱ tse̱.

Markoo̱ 15:2

Kó Pilatoo̱, bi̱ tsꞌén asíyaá: –A jí xí nda̱ Ree̱ xota̱ jundíoo̱ ji. Kó Kjisoo̱, bi̱ katsó: –Ja̱ bo̱a̱ kjiꞌi ni xi tꞌísé ji.

Juaa̱ 1:34

Kó an kamábe an kui, kó je katsóyà an nga kuí bí xi ndií Néná.

Juaa̱ 10:24

Kó xota̱ jundíoo̱ jaꞌatjindee̱ Kjisoo̱, kó bi̱ katsoó: –Ngaskande kjiꞌání nga kꞌuiyéjne̱ nga ji xi Kristoo̱. Tꞌíyéjne̱ ngotꞌe̱ nga ji.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 19:7

Kó xota̱ jundíoo̱, bi̱ katsó: –Ji̱n tikónjne̱ ngo kjo̱a̱kiti, kó kui kjo̱a̱kitii̱ tsó nga chjiéngá ko̱yà, ngatꞌa̱ ndií Néná katsoó yojoo̱.

Juaa̱ 19:9

Kó ti̱ tsꞌasꞌien nginí ngi̱ya ndiꞌa nínga niꞌánjeé xotaa̱, kó ti̱ bi̱ ti̱ katsó nginií Kjisoo̱: –Ñá ngindie ndokjo̱e̱ ji. Ta̱nga Kjisoo̱ jmí ni katsójín.

Ni xi kamá 8:32

Kó ki̱a̱ nínga tjítsꞌényà kui nda̱a̱ xo̱jo̱n eén Néná, bi̱ tsó: Tsangínjo̱ xikoó ngo cho̱tsa̱nga̱ xi fí niꞌánkꞌién, ko̱jo xikoó ngo cho̱tsa̱nga̱ xi kjandayàjín ngije sikón ngindyi̱ko̱n xota̱ xi botie tsja̱a̱, kó ti̱nde bo̱a̱ tsꞌén iskjíxꞌájín tsꞌoa.

1 Timoo̱ 1:11

Kui kjo̱a̱bokoyá xi nda xi xikó kjiꞌi kjo̱a̱je xi tjiín éntjatsi̱e̱e̱ kui Néná xi tsja tjiín, kuí éntjatsi̱e̱e̱ xi kiniꞌánkꞌasꞌienna tsi̱ꞌe̱ nga kꞌuini̱jmì án.

1 Timoo̱ 6:15

Kui Jesukristoo̱ xi kjo̱e̱ꞌe kuí má ni̱xtjin xi mejeén Néná nga kjo̱e̱ꞌe. Ta̱ ngo tsí má kui Néná xi tsja tjiín, kui xi botixómáná ngayeje ñá, kuí xí nda̱ Ree̱ ngayeje re, ko̱jo Ndi̱a̱a̱ ngayeje ndi̱a̱.

1 Xo̱jo̱o̱n Peé 2:23

kui xi kjiꞌanga chꞌo kiꞌmií, jmí ni chꞌo katsójín, kó kjiꞌanga kiniꞌánkjaꞌatio kjo̱a̱ni̱ma̱, indyiándikónjín, ta̱sá ngi̱ya tsja Néná kisꞌijñaya, kui Néná xí kixi̱ tsáyà tsi nda ko̱jo tsi ndajín ndyi̱tsꞌèn xotaa̱.