Markoo̱ 14:36 - Xo̱jo̱n eén Néná

³⁶ Kó bi̱ katsó nga tsíchji̱a̱a̱ Néná: –Abba, (Na̱ꞌmi, tsó kui eén), ji xi ngayeje nii̱ xi máa niꞌín ji, tsi ka̱ma, chje̱ꞌéxín boeꞌéní kui kjo̱a̱ni̱ma̱a̱, ta̱nga jmí tsi ni xi xian an xi ngatama, ta̱sá ngatama ni xi mejeén ji.

Markoo̱ 14:36 ပူးပေါင်းရင်းမြစ်များ

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Xo̱jo̱n Salmoo̱ 40:8

Ji Ne tsa̱ꞌa̱n, nga tsꞌenkjatjosón an ni xi mejeén ji, kuí nii̱ xi tsie ngase kjo̱a̱tsja tsjána, ¡kó kjo̱a̱bokoyáa̱ ngi̱jin ini̱ma̱na tikónjin!

Matioo̱ 26:39

Kó Kjisoo̱ ngi̱chí kijíboaꞌá, asiéntikoó kó yejénxtien kje̱n ngaskande nga kisitꞌaa̱ tꞌanangii̱, sꞌe̱ tsíchji̱a̱a̱ Néná, nga bi̱ katsó: –Na̱ꞌmi, tsi ka̱ma, chje̱ꞌéxín boeꞌéní kuí kjo̱a̱ni̱ma̱a̱, ta̱nga jmí tsi ni xi xian an ni xi ngatama, ta̱sá ngatama ni xi mejeén ji.

Matioo̱ 26:42

Kó ti̱ kijí nginí Kjisoo̱ ingo ndi̱yà, ti̱ tsíchji̱a̱ nginií Néná, nga bi̱ katsó: –Na̱ꞌmi, tsi kjo̱a̱ꞌniútjínnií nga kjo̱a̱ꞌa an kui kjo̱a̱ni̱ma̱a̱, kjo̱a̱jiín, ngatama ni xi mejeén ji nga ka̱ma.

Matioo̱ 6:9

Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Markoo̱ 10:27

Kósꞌe̱ Kjisoo̱ askotsijee̱n kui jaá, kó bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Markoo̱ 10:39

Kó bi̱ katsó kui jaá: –Jo̱o̱n, kjo̱chíkjo̱a̱jne̱. Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an,

Markoo̱ 14:37

Kó nga jachó Kjisoo̱ nínga síndo xota̱a̱, kamábe nga kjiyojofé, sꞌe̱ bi̱ katsoó Peé: –Ximo̱, a titsjafé jí. A kamájín chi ikindyie ndyikin tsi ta̱ ngo ora̱.

Juaa̱ 12:27

Ngotꞌe̱ achichí nda̱ kjimaa̱ ini̱ma̱na, kó mí ni xi xián án. Na̱ꞌmi, ꞌna̱xiéꞌéní kui chi̱bo̱a̱a̱. Ta̱nga kuí xá jachó an kui chi̱bo̱a̱a̱.

Juaa̱ 18:11

Sꞌe̱ Kjisoo̱, bi̱ katsoó Peé: –Nangísꞌín nginí ki̱cha̱ndojóo̱ tji̱xinkícha̱a̱. Tsi Na̱ꞌmii̱ xi tsꞌéntsjána kui kjo̱a̱ni̱ma̱a̱, a chjiénjín nga kjo̱a̱ꞌatio an.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 5:30

Ka̱májínna sa̱ꞌin an ngo ni an so̱bo̱a̱, xikótsꞌèn ntꞌie an, bo̱a̱ tsꞌén xiya an tsi nda ko̱jo tsi ndajín ndyi̱tsꞌèn xotaa̱, kó kixi̱ tsꞌénkotsijée̱n tsi nda ko̱jo tsi ndajín ndyi̱tsꞌèn xotaa̱, ngatꞌa̱ jmí tsi ni xi mejénna an xi mongase an, ni xi mejeén xi katsangiyana xí mongase an.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

Xota̱ Filipo̱ 2:8

kó nga xota̱ kamá, ni̱ma̱kjo̱a̱ katsꞌén ti̱ kui yojoo̱, kó tsintꞌiéꞌeén Néná ngaskande nga kꞌien, nga kꞌientꞌa kroo̱.

2 Timoo̱ 2:13

Tsi kje̱ꞌe xota̱ ka̱májiín ka̱maꞌniátakónná ñá, ta̱nga ka̱ma ka̱maꞌniátakón Kristoo̱. Ngatꞌa̱ kui ka̱májiín tsi ti̱ kuii̱ ko̱síkjo eén.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Xota̱ Ebreo̱ 6:18

Kó Néná ndisojín, ngatꞌa̱ jó ni ni nga sasíkjojín kjo̱a̱a̱ ni xi katsóyàtjón nga tsja̱a ko̱jo nga katsjá tsꞌoa. Kó bo̱a̱ tsꞌén kꞌuiéná ngo ngaꞌniú xi ꞌniú, ngatꞌa̱ ñá mejénná nga Néná skónná, kó ꞌniátakón ñá nga ndyi̱chiyá nga kui xi tsja̱aná ni xi katsóyàtjónná.