Markoo̱ 12:40 - Xo̱jo̱n eén Néná

⁴⁰ Kui jaá, kuí boá xi tsꞌénchéjeé ni xi tjiín ínchjín kꞌán xi je kꞌien xi̱ꞌii̱n, kó achichí xò tsí Néná chji̱a̱a̱ ꞌne̱ ja̱ma, tsi̱ꞌe̱ nga sku̱i̱e̱ndikón xotaa̱. Kuí xota̱ xi̱ꞌba̱ xi tsie ngase ka̱majeé.

Markoo̱ 12:40 ပူးပေါင်းရင်းမြစ်များ

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Matioo̱ 23:14

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱niꞌánkjiéjnú ndiꞌaa̱ ínchjín kꞌán xi je kꞌien xi̱ꞌii̱n, kó ti̱xꞌi̱a̱n achichí ndojó ndyi̱niꞌánjnú énjnú nga ndyi̱ndokjo̱a̱jnúu̱ Néná. Ta̱ngatꞌanii̱ kui nii̱ nga tsie ngase ka̱majéjnú.

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 6:7

Kó kjiꞌanga ko̱ndókjoée̱ Néná, ngata̱ ti̱ kui ti̱ kuijín ni ndokjo̱e̱ ji, xikoó xota̱ xi jundío̱jín, ngatꞌa̱ tsꞌénkjó kuí xotaa̱ nga kjiꞌá boá nga ku̱i̱ntꞌie̱é Néná kjiꞌanga tsie én xí chji̱a̱.

Markoo̱ 12:39

kó tsja máa nga ꞌbíndonié yáxíríe̱ xi tjón síndo ngi̱ya ndiꞌa nínga ndokjo̱a̱ eén Néná, kó tsja máa nga kui tjón ꞌbíndo ngi̱ndie xi tjón síndoo̱ yámíxa̱ nínga chinie ṉño̱o̱.

Rkaa̱ 20:47

Kó kui jaá, kuí boá xi tsꞌénchéjeé ni xi tjiín ínchjín kꞌán xi je kꞌien xi̱ꞌii̱n, kó achichí xò tsí Néná chji̱a̱a̱ ꞌne̱ ja̱ma, tsi̱ꞌe̱ nga sku̱i̱e̱ndikón xotaa̱. Kuí xota̱ xi̱ꞌba̱ xi tsie ngase ka̱majeé.

2 Xota̱ Korinto̱ 11:20

Niꞌánchíkjo̱a̱jnúu̱ tsi tjín xí moso̱ xi kastiñá sa̱ꞌínjnú, ko̱jo tsi tjín xí kꞌo̱ṉcha̱jojnú, ko̱jo tsi tjín xí sa̱ꞌínchejéjnú ni xi tsa̱jún, ko̱jo tsi tjín xí je kꞌo̱xiéjnú yojoo̱, ko̱jo tsi tjín xí ko̱tꞌa tꞌanijonjnú.

2 Timoo̱ 3:6

Ngatꞌa̱ kuí boá kui xotaa̱ xi ꞌbosꞌien xki̱ ndiꞌa, kó ꞌbindísojo̱ ínchjín xi inda tjimá xi májiín ꞌbíꞌniuú yojoo̱ nga ndyi̱tsꞌèn jé, kui xi ndyi̱tsꞌènkjátjosón ta̱jmì niní xi mejeén ini̱ma̱a̱.