Markoo̱ 12:14 - Xo̱jo̱n eén Néná

¹⁴ Kó ngije jachó kui jaá, bi̱ katsoó: –Mostro̱, jè yàjne̱ nga ja̱koxi̱ ni xi bokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, ta̱sá ja̱koxi̱i̱ ndi̱yà xí tsi̱ꞌe̱ Néná xí tibokoyé ji. A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱. A ko̱e̱ꞌéjne̱ axa̱ ko̱e̱ꞌéjínjne̱.

Markoo̱ 12:14 ပူးပေါင်းရင်းမြစ်များ

Xo̱jo̱n Salmoo̱ 120:2

Ji Ne, ꞌna̱xiéꞌéní kjo̱a̱a̱ xota̱ xi ndisoo̱, ꞌna̱xiéꞌéní kjo̱a̱a̱ xota̱ xi ꞌboṉcha̱a̱.

Xo̱jo̱n Salmoo̱ 55:21

Én xí katsꞌénkjién inda ngase kamá ta̱bo̱a̱jiín mantekiyaa̱, ta̱nga ngi̱jin ini̱ma̱a̱ kjo̱a̱xchán boá xi kisꞌiee̱, én xí tsíchji̱a̱ inda ngase kamá ta̱bo̱a̱jiín istii̱, ta̱nga kui boá xi ki̱cha̱ xi yojó ngajó ngaboaá kamá.

Matioo̱ 22:16

Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱: –Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n,

Matioo̱ 22:17

ta̱nga tꞌíyéjne̱, kótsꞌèn bee̱takín: A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱.

Markoo̱ 12:13

Kó kanangiyachoo̱n Kjisoo̱ já fariseo̱ ko̱jo xota̱ xi majo̱ Erondee̱, tsi̱ꞌe̱ nga ku̱i̱ntꞌiè tsí ta̱ꞌa ngo ni xi ndajínkjiꞌi ku̱i̱chji̱a̱ Kjisoo̱, tsi̱ꞌe̱ nga ko̱óngítaꞌin.

Markoo̱ 12:15

Ta̱nga Kjisoo̱ tji̱e̱nmá kamákjiín kjo̱a̱jókje̱e̱n kui jaá, kó bi̱ katsoó: –Ánní nga an ndyi̱chjatꞌayákónjnúꞌun. Te̱ꞌéjnúꞌun ngo to̱n xi chji̱a̱ni Roma̱, tsi̱ꞌe̱ nga skotsijèe̱n.

Markoo̱ 14:45

Kó Jundaa̱ nga jachókón tiñaa̱ Kjisoo̱, kó bi̱ katsoó: –¡Mostro̱, Mostro̱! Kó ngo ndsó katsjaá tꞌanijon.

Rkaa̱ 20:22

A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱.

Rkaa̱ 23:2

Kó ítsꞌi̱yanii̱ xotaa̱ nga yíngítaꞌin, nga bi̱ katsó: –Kui nda̱a̱ kamáyàjne̱ nga indyiátsobeé xota̱ na̱xi̱ńdaá, kó íchjaá xotaa̱ tsi̱ꞌe̱ nga ku̱i̱ꞌíchjíjiín to̱n xi machjítjé ni nda̱ xtitjón Sesaa̱, kó kandaꞌyájne̱ nga kuí xò xí Kristoo̱, ngo nda̱ re, katsó.

Juaa̱ 7:18

Kui xota̱ xi tsi̱ꞌe̱ ni xi chji̱a̱a̱, mongase nga ngayeje xi sku̱i̱e̱ kjo̱a̱jee̱, ta̱nga xi mongase nga xcha̱ kjo̱a̱jee̱ xi katsangiya, kuí xi̱ꞌbi̱ xi ja̱koxi̱i̱, kó kuí xí kixi̱.

Xota̱ Roma̱ 13:6

Kó kuíni nga ꞌbíchjítjéjnú ni xi foaꞌáchjítjé jáxaá, ngatꞌa̱ mosoo̱ Néná boá, kó ngatsjéni̱xtjin nga ndyi̱tsꞌèn kuí nii̱.

2 Xota̱ Korinto̱ 2:17

Ngatꞌa̱ jmí tsi bo̱a̱ kónjne̱ xikoó kjín xota̱ xi ndyi̱foaꞌáchjí nga ndyi̱chji̱a̱ eén Néná, ngayejení ini̱ma̱jne̱ nga ndyi̱ꞌbíni̱jmìjne̱ Kristoo̱. Bo̱a̱ ndyi̱niꞌánjne̱ ngindyi̱ko̱n Néná xí katsjájne̱ kui xaá.

2 Xota̱ Korinto̱ 2:2

Ngatꞌa̱ tsi an sa̱ꞌindasenjnúꞌun, ꞌyá xi jaskan tsja̱ana kjo̱a̱tsja an, a mí tsi ta̱ jún tsí.

2 Xota̱ Korinto̱ 4:1

Kó kuíni nga ta̱ngatꞌanii̱ kjo̱a̱ni̱ma̱takoón Néná nga katsjájne̱ kui xaá, kó ndyi̱niꞌankjiéjínjne̱ kjo̱a̱.

2 Xota̱ Korinto̱ 5:11

Kó kuíni nga, nga yandikónjne̱ Ndi̱a̱ná ndyi̱ꞌmìyá cha̱n cha̱njne̱ xotaa̱ nga ti̱ sꞌi̱jii̱n nga. Néná be kókón ji̱n, kó mejénna nga ko̱jo jún xi nda ini̱ma̱jnú xcha̱jnú kókón ji̱n nga.

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.

Xota̱ Ngalasia̱ 1:10

Ngatꞌa̱, a kjo̱a̱ndaa̱ xotaa̱ xí tsꞌénmongase an, axa̱ kjo̱a̱ndaa̱ Néná boá. Axa̱ xotaa̱ xí tsꞌéntsjàa̱ kjo̱a̱tsja. Ngatꞌa̱ tsi mejénna nga xotaa̱ xi tsja ka̱maa̱ ni xi sa̱ꞌin an, ja̱ ngiti̱ mosoo̱ Kristoo̱jín ka̱ma an tsobo̱a̱.

Xota̱ Ngalasia̱ 2:6

Ta̱nga kui já xí ya nga ngito̱ko̱o̱ na̱ngo̱xi̱i̱, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná.

1 Xota̱ Tesalónika̱ 2:4

Ta̱sá ndokjo̱a̱jne̱ xikoó xota̱ xi Néná je katsꞌénjo̱ꞌo, ko̱jo xi Néná katsꞌénꞌniátakón tsi̱ꞌe̱ nga ku̱i̱ꞌíni̱jmì éntjatsi̱e̱e̱, kó kuíni nga bo̱a̱ tsꞌén ndokjo̱a̱jne̱, jmí tsi kjo̱a̱a̱ nga xotaa̱ xi ko̱e̱ꞌéjne̱ kjo̱a̱tsja, ta̱sá Néná xí katseꞌéjne̱ kjo̱a̱tsja, kui Néná xí kotꞌa kókjiꞌi ini̱ma̱ná.