Markoo̱ 10:52 - Xo̱jo̱n eén Néná

⁵² Kó Kjisoo̱, bi̱ katsoó: –Tꞌen ꞌne̱, kjo̱a̱sꞌijìi̱n xí je tsꞌaxiéꞌaá ji. Kó ti̱ kjiꞌa kamátsijen nginií nda̱ ti̱ka̱a̱, sꞌe̱ kijítji̱ngii̱ Kjisoo̱ ndi̱yà xí tsoꞌbá.

Markoo̱ 10:52 ပူးပေါင်းရင်းမြစ်များ

Xo̱jo̱n Salmoo̱ 146:8

Néná boá xi tsꞌentsíjen nginií xota̱ xi ti̱ka̱a̱, kó tsꞌénkjastjíe̱n nginí xi ngindie jàn kjiyojotꞌa, kó tsꞌéntjó xota̱ xi kixi̱i̱.

Xo̱jo̱n Salmoo̱ 33:9

Ngatꞌa̱ kjiꞌanga kui xi tsíchji̱a̱, kamánda nii̱, kui katsjá ngo kjo̱a̱, kó jatjosón kui nii̱.

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 12:22

Kósꞌe̱ jachóchinií Kjisoo̱ ngo nda̱ ti̱ka̱ ko̱jo xi ni̱ma̱ xi májín chji̱a̱, xi tjíjii̱n ngo a̱si̱énni̱xtjii̱n xindajín, kó Kjisoo̱ katsꞌéndaya, kó kui nda̱a̱ kamátsijee̱n, ko̱jo kamátsíchji̱a̱.

Matioo̱ 15:28

Kósꞌe̱ Kjisoo̱, bi̱ katsó: ¡Xota̱chjo̱on, ta̱nisién ꞌniú sꞌijii̱n Néná, ngatama ni xi mejeén! Kó ti̱ kui chi̱bo̱a̱ kamándaya tsa̱kji̱ín.

Matioo̱ 21:14

Kó xota̱ xi ti̱ka̱ ko̱jo xi fí ni̱ma̱ tꞌa, jachókoón Kjisoo̱ ki̱a̱ na̱ngo̱xi̱i̱, kó katsꞌéndaya.

Matioo̱ 8:3

Sꞌe̱ Kjisoo̱ yejénnié tsja kó katsꞌénjo̱, nga bi̱ katsoó: –Mejénna, ngatamatsjiejón ji. Kó ti̱ kjiꞌa katjoꞌóxín chiꞌin xi koo̱n kui nda̱a̱.

Matioo̱ 9:22

Ta̱nga Kjisoo̱ katsꞌénkꞌafóyá, askoꞌá kui xota̱chjo̱on, sꞌe̱ bi̱ katsoó: –Te̱ꞌéngaꞌníi̱ yojòo̱ chjo̱on, kjo̱a̱sꞌijìi̱n xí je tsꞌaxiéꞌaá. Kó kui xota̱chjo̱on, ti̱ kjiꞌa kamándaya.

Markoo̱ 1:31

kósꞌe̱ Kjisoo̱ kijíkóntiñaa̱ kui xota̱chjo̱on, iskjíbé tsja kó katsꞌénkjastjíe̱n, kó ti̱ kjiꞌa kichajá ṉtꞌe̱e̱, kó kui xota̱chjo̱on katsꞌénseén kui jaá ngijee̱.

Markoo̱ 5:34

Kó Kjisoo̱, bi̱ katsoó: Ji chjo̱on, kjo̱a̱sꞌijìi̱n xí je tsꞌaxiéꞌaá, tꞌen xió xió ji, jè kamándaya chiꞌin xi koo̱n.

Markoo̱ 8:25

Sꞌe̱ Kjisoo̱ ti̱ yejénnié nginií tsja xtji̱e̱e̱n nga̱són ndyi̱ko̱n, kó kamándaya kui nda̱a̱, nda kamátsijee̱n, kó kamábe cha̱n cha̱n ngayeje nii̱.

Rkaa̱ 7:50

Kó Kjisoo̱, bi̱ katsó ngasee̱ kui naa̱: –Ta̱ngatꞌanii̱ kjo̱a̱sꞌijìi̱n, kuíni nga je jatjoꞌa ji, tꞌen xió xió ji ꞌne̱.

Rkaa̱ 9:48

kó bi̱ katsoó: –Ta̱ ꞌyání xi skjíbéní kui nda̱chií ngajona, ti̱ tsꞌénkjíbéna án nga, kó ta̱ ꞌyání xi tsꞌénkjíbéna, tsꞌénkjíbé kui Néná xi katsangiyana, ngatꞌa̱ kui xi ꞌniú chichí ngi̱jii̱n jún, kuí xi̱ꞌba̱ xi chjí ngasenii̱.

Juaa̱ 9:32

Ndeskande koó nga ítsꞌi̱yanii̱ nga̱sondiee̱ kji̱e̱ ngo ndi̱yà ya nga ngo nda̱ katsꞌéndaya ngo nda̱ xi ti̱ka̱ kamá ndeskande koó nga katsen.

Juaa̱ 9:39

Sꞌe̱ Kjisoo̱, bi̱ katsó: –Jéꞌe̱ án kui nga̱sondiee̱ tsi̱ꞌe̱ nga xcha̱ jeé xotaa̱ kui nga̱sondiee̱, tsi̱ꞌe̱ nga xi ti̱ka̱a̱ ka̱matsijee̱n, kó xi tsijee̱n ka̱mati̱ka̱.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”